8/12 SCMP: 東區巴士路線服務削減計劃 (+「發展計劃」詳情)

原帖由 S3BL100 於 2008-12-8 21:31 發表
沒錯，正如文章所說，機場線經常都坐不滿，不過一堆E線、A線乘客帶著大量行李，要如此搞統一轉車站是否有些過份？就算如我在本板是少數傾向支持合理減車者，都不會斗敢如此建議。

有份係SCMP寫社論既人
根本唔駛搭機場巴士去機場
可以搭的士/私家車(一樣坐唔滿4-5人喎)
點會考慮巴士乘客要拎大量行李呢?

原帖由 JX9097 於 2008-12-8 22:51 發表


樹仁近呢兩年多咗好多人
小巴根本已經唔夠服務
好多樹仁人都行上總站,唔使喺慧翠道口乾等
基本上放學時間,總站/慧翠道口都已經打爆架車
寶馬山居民只可以一路等小巴,一路等巴士
(不過理論上等巴士時間一定比小巴快 ...

呢個情況係我year 4果年已經開始出現(報名果幾日已經大排長龍，我讀果個系，人數都多左成2倍)，巴總離慧翠道口又唔係遠，最多都係果5分鐘步程(可能因為之前唔係太多人，慧翠道口較易上車，行去巴總又要行上斜，d同學未必願意行，但而家應該係為左搭到小巴先唔介意付出多少少)，搭小巴就預左要比d時間等，小巴車程係快(10分鐘左右到CWB喎)，但等幾架先上到就真係有點兒那個！

校巴雖然冇八仔(而家唔知有冇)和定哂班次，但似乎都唔係話特別唔受歡迎(早上果d唔準時開車導致遲到另計)！

但巴士的班次，已經比一家親前疏左成倍，03年果陣，27、529唔駛點等就有車，之後要就時間搭車。搭27落山，咁岩走左架車，行落北角直情就等於等車的時間。去北角的話，除非咁岩遇到，否則我都唔會搭27落山。529就真係唔係去太古城，我都唔搭。

P.S. 聽聞49M好似加左特車(舊年的事)？

原帖由 ksmbh 於 2008-12-8 23:58 發表
寶馬山道既可以行上去搭或者睇定D對頭有冇車,
但雲景道既真係焗等巴士,
而且25C對勵德村都幾重要.
(雖然有D人搭108落銅鑼灣巴士公司都應該幾開心) ...

冇計，趕時間落銅記都要啦(冇或搭唔到綠小的話)！位位過海價去銅記！九巴見到有「水魚」，仲唔lur飯應咩？以九記出哂名咁縮骨，對呢批乘客，感激都來唔切啦！
寶馬山道的確係睇有冇對頭車，但都只限大巴(來單層的話，eg 25A/C，最好係對面上左，搭上總站兜一個圈)，小巴要上總站搭。
雲景道的，小巴連慧翠道口果d都上唔哂啦！

[ 本帖最後由 AVW28 於 2008-12-12 08:12 編輯 ]

冇可能係69X。超多客，點會取消？

原帖由 AVW28 於 2008-12-12 08:03 發表
P.S. 聽聞49M好似加左特車(舊年的事)？www.hkitalk.net4 \

舊年係試過分開兩條隊排(寶馬山vs樹仁)
跟住冇耐已經cut咗呢個安排

今年改為咁啱十六個都係樹仁學生先出特車

特車唔經雲景道,改為直上天后廟道去慧翠道口

原帖由 JX9097 於 2008-12-12 17:14 發表


舊年係試過分開兩條隊排(寶馬山vs樹仁)
跟住冇耐已經cut咗呢個安排

今年改為咁啱十六個都係樹仁學生先出特車

特車唔經雲景道,改為直上天后廟道去慧翠道口 ...

講真，早就應該咁安排啦！
試過距離上課時間前30分鐘，一架車都冇，但又大排長龍，果陣起碼有50人，好大部分係樹仁學生。
不過咁做對中途客來講未必係好事。

如果係要16個樹仁學生先開車，咁教職員和豐林閣的住客咪唔上得果架特車？

P.S.你講的特車，我曾經建議過(同我的建議好相似)，但最終唔記得左係邊度發表。因為當時見成架小巴超過8成都係樹仁學生，我諗如果49M開特車直去慧翠道口，應該夠客的(唔入慧翠道算係咁，費事校方話因為同校巴搶生意而反對[道理同canteen一樣])。同樣的安排，綠小25都可以做。[最衰畢左業，無緣享用49M特車]

[ 本帖最後由 AVW28 於 2008-12-12 17:53 編輯 ]

原帖由 da54 於 2008-12-8 11:40 發表
話唔定會變成 N170 廣源 - 香港仔 (經：中環、薄扶林)

N170 廣源 - 黃竹坑... 返正都係行薄扶林... 唔差在去埋黃竹坑呀...

沙田果Part 点行, 行晒二面河??

但要由沙田坐到去黃竹坑, 頭站變尾站.... :lol

既然講開東區, 就不另開新文

有小西灣區議員正就來年的巴士路線計劃
有關本區的部分, 邀請居民發表意見
相信各區議員已收到 RDP 的第一草稿

除了建議城巴路線 314 取消外, 還包括:
1. 建議隧巴 606 線削減班次;
2. 建議隧巴 694 線削減班次;
3. 建議城巴路線 85 提早尾班車時間; 及
4. 開辦路線 82X (估計行車路線與上年度 RDP 的建議相若)
惟此建議必須同時取消新巴路線 84M 富欣花園特別班次,
及削減新巴路線 84M 常規路線之班次

記得上年 RDP 討論 82X 時
有與會者要求新巴保留 82 現有班次
早想到新巴不會在紅隧線肥豬肉拿資源
很自然就向 84M 開刀
現時 84M 早繁為 7/8 分鐘一班
相信再削減班次會令兩條綠小的運載力備受考驗

原帖由 AVW28 於 2008-12-12 17:52 發表

講真，早就應該咁安排啦！
試過距離上課時間前30分鐘，一架車都冇，但又大排長龍，果陣起碼有50人，好大部分係樹仁學生。
不過咁做對中途客來講未必係好事。

如果係要16個樹仁學生先開車，咁教職員和豐林閣的住客咪唔上得果架特 ...

中途客問題有冇特車都係,
返學時間好多49M都吉車落天后載下一轉客,

49M都算服務夠靈活,
間中有天后特車,
載滿落山客唔行炮台山,直落天后接下一轉客上山,
另一種<不入天后站,停蘋果商場>特車而家就少見左,...

606/694唔改路係咁減班都唔係辦法....

原帖由 krausssammy 於 2008-12-12 18:15 發表



N170 廣源 - 黃竹坑... 返正都係行薄扶林... 唔差在去埋黃竹坑呀...

沙田果Part 点行, 行晒二面河??

但要由沙田坐到去黃竹坑, 頭站變尾站....
...

其實可以係金鐘轉城巴N90路線/紅隧收費廣場轉隧巴N171路線
咪可以縮短去黃竹坑的搭車時間.

[ 本帖最後由 3AD60 於 2008-12-12 22:40 編輯 ]