[新聞]港鐵服務質素衰過合併前

原帖由 syp 於 2009-1-4 01:57 發表


係咪應該計地鐵 "站" 幾時起同火車 "站" 幾時起呢?

好同意，次次講親東鐵站設施差，就梗係有人話東鐵係1910年通車，時稱九廣鐵路英段既產物，原地鐵最耐係1979年，相隔69年根本冇得比較之類的回應.....

請問東鐵站現行既設施，係1910年既產物嗎？畀盡最舊都不過係1980年代頭，「電氣化火車」出現既時期，比1979年既地鐵仲要新少少， 但孰優孰劣呢？

比較一下，兩鐵差不多時期開檔既站，九鐵係得尖東站及西鐵各站係及得上同期既地鐵站，其餘有邊個唔係差過地鐵同期、甚至更舊既站？要講好既，就只有個廁所

請比較荃灣線/觀塘線非地底站vs紅磡至羅湖站，東涌線非地底站vs馬鐵各站，欣澳站/迪士尼站vs落馬洲站.....

[ 本帖最後由 mckhgc 於 2009-1-4 16:04 編輯 ]

原帖由 mckhgc 於 2009-1-4 15:36 發表
3.反正馬鐵最終都係行8卡，點解唔一開始就起夠8卡，要玩預留位置待擴建？如果係$$$既問題，唔通一次過起晒要$$$，將來擴建又唔使$$$？西鐵係先7卡後9卡，點解又要一次過起晒9卡長度月台，唔先黎7卡長度既「開揚式簡約月台」？尤其後來計劃有變，西、馬鐵最終打通成「東西線」，馬鐵月台又最多8卡，西鐵月台一起就9卡，已肯定有1卡位置會永久荒廢

起馬鐵果陣，九鐵未知沙中線會由地鐵起定佢投到。
如果起曬8卡月台，但最後卻投不到沙中線的話，就會十分浪費

響1998年同2001年果陣鬼知最後西鐵同馬鐵會打通咩

原帖由 mckhgc 於 2009-1-4 15:58 發表
請比較荃灣線/觀塘線非地底站vs紅磡至羅湖站，東涌線非地底站vs馬鐵各站，欣澳站/迪士尼站vs落馬洲站.....

兩條鐵路既定位唔同，東鐵初初係定位做鄉村車站，為何要將城市車站的設計放進東鐵站？
而且80年代起東鐵站的是鐵路局，並非九廣鐵路公司，這不是九廣鐵路公司的問題

馬鐵站點同東涌線D站比呀
一條係誇區鐵路，另一條係區內中型鐵路（別忘記馬鐵只是輕鐵式重鐵）

欣澳站同迪士尼站成日滴水，而且係做國際遊客生意
落馬洲站屬邊境車站，係做北上
講環境跟本上落馬洲站好多多聲，唔該自己去下先好講
九鐵整埋濕地比人觀鳥同埋做保育，好有社會責任
欣澳站同迪士尼站咁細個客務中心要處理咁多人
但落馬洲站除有票務處處理一般地鐵客務中心的基本工作外
更有客務資訊中心（現稱）去處理不同種類的大小問題

列車方面
SP1900同A-Train/K-Train比，已經高下立見

[ 本帖最後由 KZ9314@YCC 於 2009-1-4 17:32 編輯 ]

原帖由 mckhgc 於 2009-1-4 15:36 發表


3.反正馬鐵最終都係行8卡，點解唔一開始就起夠8卡，
要玩預留位置待擴建？如果係$$$既問題，唔通一次過起晒要$$$，
將來擴建又唔使$$$？西鐵係先7卡後9卡，點解又要一次過起晒9卡長度月台，
唔先黎7卡長度既「開揚式簡約月台」？
尤其後來計劃有變，西、馬鐵最終打通成「東西線」，
馬鐵月台又最多8卡，西鐵月台一起就9卡，
已肯定有1卡位置會永久荒廢

一次過起晒要好多$$$,埋起單黎條數唔靚嘛,
將來擴建當然要$$$,留預留位置待擴建,
條數細d,總好過起左等住係度n 年不用啦。
一切都係文字+數字遊戲。
西鐵月台一起就9卡，
到起馬鐵月台時佢學精左,唔一次過起晒,
加埋馬鐵無地底站。

原帖由 KZ9314@YCC 於 2009-1-4 17:21 發表

欣澳站同迪士尼站成日滴水，而且係做國際遊客生意
落馬洲站屬邊境車站，係做北上
講環境跟本上落馬洲站好多多聲，唔該自己去下先好講
九鐵整埋濕地比人觀鳥同埋做保育，好有社會責任
欣澳站同迪士尼站咁細個客務中心要處理咁多人
但落馬洲站除有票務處處理一般地鐵客務中心的基本工作外
更有客務資訊中心（現稱）去處理不同種類的大小問題

欣澳站及迪士尼站因開放式車站設計，滴水問題難免不會出現。
九鐵要重建濕地並非盡其社會責任，只是因為其城市化擴展所作出的應有賠償。

而九鐵真的要盡社會責任，理應大花成本以全地底化興建其車站，
而不屬將車站半高架化（還記得 2003 年的塱原濕地事件嗎？也記得當中田北辰先生所指「重建人工濕地作補償」）
以及在興建車站時，以融入自然環境的方法興建車站，
以免破壞鳥類的原有生境。

現時小弟乘車到落馬洲站，一看到有數隻候烏飛進預留月台，真的擔憂會被列車撞到。
因此小弟每一次走到落馬洲站，永遠都會批評此設計（為何候烏可以飛進車站月台？）。

欣澳站客務中心大多只為愉景灣居民而設；迪士尼站客務中心只為迪士尼渡假區而設，
對比天水圍站西鐵線的六角形客務中心以服務整個天水圍區，似乎人手更不平均。
而且，落馬洲站原意為 6 萬人而設，設有多個客務中心也屬正常（迪士尼渡假區每天預計只有 3 萬人左右）。

[ 本帖最後由 dennis28a 於 2009-1-4 21:05 編輯 ]

原帖由 KZ9314@YCC 於 2009-1-4 17:21 發表

起馬鐵果陣，九鐵未知沙中線會由地鐵起定佢投到。
如果起曬8卡月台，但最後卻投不到沙中線的話，就會十分浪費

響1998年同2001年果陣鬼知最後西鐵同馬鐵會打通咩

老實而言，要不是政府要將沙中線開放競投，
早已在 1998 年提出過將西鐵及馬鐵相連等六大方案。
http://www.hyd.gov.hk/chi/public/publications/srds_es/doc/F8.pdf

原帖由 勁迷港鐵 於 2009-1-2 14:04 發表

九鐵站公廁..好似係地上

九鐵財政行政,知明度,個人認為不及地鐵
英國overground,大陸某d地鐵,都係地鐵的

東鐵線九龍塘站和尖東站公廁都是在地底的。

原帖由 ahbong 於 2009-1-3 23:42 發表


係人都知一本雜誌做到停刊果期都仲有做既
但咁樣事實上証明唔到有人睇
或者做得住
或者有必要做
或者做左合乎經濟效益
或者無一個更好既方法做
例如出新聞稿
將 printing 既 cost 交俾 media 自己承擔 ...

出新聞稿不等於一定會出現在媒體上的，自已出的刊物就可以保證可以傳播到公司想出的訊息。

事實上沒有證明有九鐵出的刊物是沒有人看的。

原帖由 KZ9314@YCC 於 2009-1-4 17:21 發表 起馬鐵果陣，九鐵未知沙中線會由地鐵起定佢投到。如果起曬8卡月台，但最後卻投不到沙中線的話，就會十分浪費 響1998年同2001年果陣鬼知最後西鐵同馬鐵會打通咩 兩條鐵路既定位唔同，東鐵初初係定位做鄉村車站，為何要將 ...

我好贊成唔好一次過起哂8卡, but 呢個唔係唔起screen door 既理由

如果要講k   train, ok, 佢既質素真係唔夠昂貴既sp1900好, but so fat 佢fine tune 之後有無問題?  有無引致 delay?  我諗唔係train 迷都未必分別到
閣下知唔知道, 個價差好好好好遠

仲記唔記得, 9鐵當年用d平價既路軌, 攪左好多問題?  呢d就去save~

其實馬鞍山線整預留位理應可以固定現有車卡車門位置, 到要擴建時只在車頭及/或車尾加長月台, 如是者現有月台可以建月台幕/閘門, 到擴建時也不需要改動現有月台幕/閘門位置. 預留擴建似乎的確不是不建月台閘門的合理理由.

原帖由 syp 於 2009-1-5 01:08 發表
其實馬鞍山線整預留位理應可以固定現有車卡車門位置, 到要擴建時只在車頭及/或車尾加長月台, 如是者現有月台可以建月台幕/閘門, 到擴建時也不需要改動現有月台幕/閘門位置. 預留擴建似乎的確不是不建月台閘門的合理 ...

或許小弟轉用另一個例子：機場快線。
儘管機場快線為設計上限為 10 卡，可是並不是所有車站均一次性裝上 10 卡的月台幕門。
有部份車站在興建時，只是裝上 7 卡的玻璃門，其餘的空置位置只是用回普通的玻璃。
直到其後增至 8 卡時，只是將有關玻璃修改（東涌線也是一樣）。

除了東涌線及機場快線，現時的迪士尼線月台也可以容納八卡列車使用，只是現階段只裝上車卡列車的車門。
所以在理論上，至少已完成八卡月台的馬鞍山線車站可以加裝閘門。