如紙紮般的車身,係亞力山大的特點

原帖由 cn2661_2d32 於 2009-1-7 09:30 發表
其實個人覺得...亞記車身咁多年來都係水皮.
睇一睇九巴有隻雞在晚年...比天橋底削到成個上層冇左.,部車提早退役
跟住又睇下中巴部銀豪係機場.又係削到落車尾
再睇埋家下堆ALX500,一炒又係成個頭/頂冇左

小小碰撞之 ...

Alexander 做個咁的車身, 想放棄坐前面人的生命, 來保護坐後面的人...

個車身做到咁硬, 有咩事撞車, o的應力好大, 全車人唔內傷至奇
反正坐第一行的人, 有咩事故係唔係都重傷 ga la....

"主動安全"是指避免意外發生。

就是因為我認為車頭部分不能太硬，否則難以起緩衝作用，所以懷疑各板友提議什麼加樑加柱改設計是否能有效改善巴士的被動安全。

原帖由 ArnoldC 於 2009-1-8 01:40 發表
"主動安全"是指避免意外發生。

就是因為我認為車頭部分不能太硬，否則難以起緩衝作用，所以懷疑各板友提議什麼加樑加柱改設計是否能有效改善巴士的被動安全。 ...

巴士唔同私家車
車頭已經有人坐
所以冇乜空間做緩衝
其實私家車都只係引擎室做緩衝
客倉始終都係想有咁硬整咁硬

係車架加強 就係想撞大車時車內既人唔好太傷
唔好俾外物撞入車箱令司機同乘客受重傷
我唔認同用車頭既人命黎換取後排既人少d傷
我寧願大家都傷 都唔想有人重傷或者死

其實車頭加左由底盤向上伸延既防撞車架
防撞架右邊加多個幼身d既副架 就可以支撐撞擊
同時唔會對司機位空間有太大影響
左邊將頭閘盡量後移
多出既幾十mm已經可以用黎加粗下方A柱
咁就算係左邊撞入黎 都冇依家咁傷
但去到車窗既高度
就只可以好似wright咁 加多條支去卸力
因為A柱太粗會影響司機視線