巴士公司何時才能靈活變通，應付突發事件？

原帖由 leochill 於 2009-1-5 00:29 發表
我諗樓主o既原意係巴士公司應該有一套應付突發事件o既改道方案, 其實冇乜必要岔開到司機身上, 因為司機原則上冇權改道,
講返唔識靈活改道o既例子我都有兩個, 仲要係唔影響上落車站添:

1. 時間: 傍晚放工時間
地點: ...

以上例一來說,
以現時既巴士通訊設備,
出左總站都無辦法叫佢改道架....

而且以巴士公司既架構咁大,,
一改道出事又要問責,
改道快左對公司利益又未必大,
唔做好過多做,
而且快左到總站都冇乜好處....

講起大陸塞車改道,
記得有次搭823橫崗塞車,
改道上一小段水官,
結果司機要全車人夾錢,
未夾夠錢唔上高速,
結果即刻有客趕時間比左5蚊定10蚊上高速.

[ 本帖最後由 ksmbh 於 2009-1-5 02:01 編輯 ]

今日出完銅鑼灣同灣仔,由大道東去到消防局落車足足塞左4個字,
落左車再行去Sogo,條龍幾乎冇郁過咁濟
番o黎果陣晌灣仔道等車,又係等左4個字都冇南區車到
之後有架M590o黎到,不過係打爆飛站既
再之後先上到架接近滿客既37B
架37B番到去香隧口,仲有成條車龍塞晌慢線

銅鑼灣塞車頂到入香隧已經好多次
一年一兩次都算,依家係幾乎每個禮拜六,日都係咁塞呀
巴士公司,隧道公司,TD同警方係咪應該協調下
好似M590,70,99可以行右線咁,點解唔可以進一步做好d先?
唔通每次銅鑼灣/港島北有親大型活動
我地d南區人就要奉旨陪你地一齊塞餐勁?

試問總部/站頭點知快速公路上塞車(唔系停定嘅，可能系人速之類)？

樓主覺得塞到郁唔到, 可以報警要求幫手架
樓上都有人話稽查要因為警務人員o既指示作出改道
有警察係到, 成有稽查到架啦, 到時你想像中o既路線就有可能實現到
警察理唔理我就估唔到喇

唔知樓主預測係唔係好犀利呢?
又會知道中途係巴士站等車o既客唔會走
又會知個個都想行遠少少落車
又會知佢想像果條路唔塞

點解樓主唔問下警方因咩事唔趕走排隊o既貨車呢?
咁多架車係到排隊, 叫佢地兜個圈先番黎, 條路可能仲順d tim
問題唔單只係巴士公司度, 唔好成日話巴士公司唔識靈活變通

如果話改路, 我 4 號晚喺大坑, 大約 6 ~ 7 點見到好多
102 同 106 改行銅鑼灣道, 但去到 8 點過後, 就見到
D 巴士同埋其他車一齊塞興發街 (明知咁塞都唔俾改, 真慘)

原帖由 DM17 於 2009-1-5 02:02 發表
銅鑼灣塞車頂到入香隧已經好多次
一年一兩次都算,依家係幾乎每個禮拜六,日都係咁塞呀

星期五都係,銅鑼灣塞車塞到灣荃紅小
都返唔切(紅小係先去銅鑼灣再去灣仔)
2號o個晚響福來村等o左半粒鐘都未上
到車...

PS：好彩尋日省港盃唔係大球場踢,否
則後果難以想像...

原帖由 ksmbh 於 2009-1-5 01:58 發表


以上例一來說,
以現時既巴士通訊設備,
出左總站都無辦法叫佢改道架....

而且以巴士公司既架構咁大,,
一改道出事又要問責,
改道快左對公司利益又未必大,
唔做好過多做,
而且快左到總站都冇乜好處....

講起大陸塞 ...

1. 就係知道巴士運作有呢d 問題, 所以先要出聲鞭撻下佢, 唔係d 服務邊有進步
2. 例如西隧口個單, 搵個督察由九龍開去隧道口, 咪可以指揮囉, 唔一定要o係總站先做到, 問題係巴士公司覺得塞一個鐘好閒, 要塞夠兩個鐘先會做野!
3. 個日係收工時間, d 字軌好可能都係返去大西北收工, 所以塞車一定會導致車長要補水, 架車要空轉多一個鐘都要燒油, 唔係錢乎? 所以唔好話冇損失
4. 如果做生意連表面上都唔關注客o既利益, 而只係少做少錯, 咁o既公司都好退步下

反而問題係，如果明知會塞車，點解唔將個處理時間定係2100-0700呢類塞極都有個譜的時間？

又或者，巴士公司同樣可以派出稽查，指示乘客
到較遠位置候車。

咁請問, 巴士公司應該點安排人手?
我自己出外勤的親身經歷:
那天是奧運火炬傳遞, 南區路線全數改經告士打道, 預定開始改道時間為15:00
已經15:10開始由修頓掃客, 呢頭掃完準備行去下個站, 又有乘客聚集候車
有出通告o既都發生呢D事, 突發性改道點可能掃得晒?

試想想只係南區車改晒的話, 要有多少個站"棟"個post去通知乘客?只係修頓到馬場都四至五個, 未計金鐘同銅鑼灣果邊

啊啊啊... 真的開創就業, 不過唔知一年使多幾多錢去請呢D"人"呢?
呢個係現實社會(reality), 唔係夢幻巴士公司, 請學下晌接受別人在現實有限的resources下提供最好的服務啦

[ 本帖最後由 ml27 於 2009-1-6 02:19 編輯 ]