我就像這白版一樣....

讀左兩年大學都仲未覺得the life is meaningful

黃金十年，要好好諗下將來
諗好左，定好左，就要努力達成

互勉之。

[ 本帖最後由 JT4686 於 2009-2-3 04:33 編輯 ]

原帖由 AD18 於 2009-2-2 21:39 發表
樓主講開呢樣野
令我仲記得兩三年前自己會考放榜果陣
一位朋友同我講過既說話

每個人一開始果陣 , 就好似一張白紙
當自己發掘到一 d 自己鍾意既野 / 長處既時候 , 就會去盡力發揮 , 就好似為自己既生命畫緊一幅精彩 ...

剛才同朋友一齊玩, 大家都係對住一樣唔識既野
用同一時間, 環境去學習新遊戲, 不過我既學習能力真係比起身邊既人慢好多

俾人個感覺係, 做事唔上心, 搵籍口, 冇認真考慮過做每一件事,
雖然我真係唔想俾人有咁負面既感覺, 恕自己真係無能為力, 每日都遇到類似既事
都只係笑笑下就算...咁樣真係好辛苦

原帖由 petcity 於 2009-2-2 21:15 發表
琴晚同朋友傾偈

每個人有佢值得自豪既野，應該諗多D呢邊
唔應該係無限放大自己唔好既地方

唔一定要有D咩大成就，每人總有自己演既角色
專心去演就是 ...

角色? 咪就係日日俾人鬧既角色
我明白身邊既人日日鬧我係想我變得更好,
不過每次都讓佢地失望, 自己都覺得唔好意思...

當然, 我真係好想改變而家既我...

原帖由 happykeroro 於 2009-2-3 01:52 發表

剛才同朋友一齊玩, 大家都係對住一樣唔識既野
用同一時間, 環境去學習新遊戲, 不過我既學習能力真係比起身邊既人慢好多

俾人個感覺係, 做事唔上心, 搵籍口, 冇認真考慮過做每一件事,
雖然我真係唔想俾人有咁負面既 ...

每個人既學習能力都唔同 , 有 d 人學得快 , 有 d 人學得比較慢 , 呢個係十分正常既現象
如果唔係就唔會有 "一樣米養百樣人"

其實係個別既情況上 , 我同你都係差唔多
當自己面對著唔同範疇既野 , 如學校事務 , 教會等等 , 都總會有唔認真 / 做事唔上心既情況
但箇中我明白到做任何事都需要有認真既時候 , 我就會慢慢去改 / 學

*有時人好想改變自己既同時 , 偏偏就間中地暴露左自己既缺點
如某一個人既脾氣好臭 , 佢好想去改既同時 , 佢自己亦會間唔中因為外在因素而令佢自己再一次發脾氣
明白自己既缺點係一件好事 , 但切忌操之過急 , 因為咁反而令自己變得更加差
可以既話 , 嘗試比自己逐步去改 , 應該對你會有 d 幫助

原帖由 AD18 於 2009-2-3 02:06 發表

每個人既學習能力都唔同 , 有 d 人學得快 , 有 d 人學得比較慢 , 呢個係十分正常既現象
如果唔係就唔會有 "一樣米養百樣人"

其實係個別既情況上 , 我同你都係差唔多
當自己面對著唔同範疇既野 , 如學校事務 , 教會 ...

新一個學期就開始, 有我最怕既普通話科
如果我仍然用這個狀態去應付, 相信一定頂唔到
所以先咁心急想去改, 但急又無補於事, 真係好煩呀...

世界無難成的事，人家花十分鐘學，你可以花一小時去學
唔識，可以學到識，但大前題下要戒懶

自問盡力就已經足夠

人不是完美的，色彩豐富也有不完美的一面...


改變不是一時三刻便能做到，就像要填補這空白位置，
先起了草圖，然後慢慢填補。


學板友話齋，不必要將自己唔好既地方無限放大，
各人都有唔同既天份，學不同既野，每人學習時間既長短都有所不同。

你明白到自己要改進的地方，總好過別人還不知到自己問題的根源。

學習不只一種方式，或者可以嘗試加入不同元素去幫助自己學習，
例如諗一些方法可以將興趣(巴士)加入普通話科裏面(可能要自己聯想一下)，
增加學習趣味。

或許你訂下一個小目標，
諗番起上次做事為何會這樣不上心？
下次仲會唔會以同樣手法處理？
若果唔會，就將這個新處理手法設為小目標，
若下次、下下次還未能達成，就要反思一下還欠甚麼，
直至你能達成。

其實小弟不會說安慰的說話，
還有這些書面語與口語夾雜的「文章」，
不過只要自己還能思考，懂分析，
相信你能改變現在你的。

樓主：依家小弟剛剛21歲，你講既野我完全感受過，經歷過。想當年中四至中七的時候，我家人為左想我讀好書，電腦都比佢地set password，這四年，我日日都是去返學，去遵X上堂，返屋企就溫書，訓覺，我當時都唔知自己做緊D乜，一考完AL之後就成個人唔知自己做乜，一日狂上網，打機，我家人當時仲罵我，話我一日到黑浪費時間，又不找暑期工，但後來人漸大，加上入左大學，先知自己的興趣，人生目標，如何利用時間創造一個美麗的生命。所以不用太自責，順其自然啦。

原帖由 happykeroro 於 2009-2-3 02:11 發表

新一個學期就開始, 有我最怕既普通話科
如果我仍然用這個狀態去應付, 相信一定頂唔到
所以先咁心急想去改, 但急又無補於事, 真係好煩呀...

如果係 PTH 既話
嘗試平時拎 10 分鐘到練啦

其實初初學一樣野果陣 , 而你係有心去學既話 , 你就會去多 d 練習
唔怕講埋 , 我其實係幾鍾意 PTH 既
我就主要係多聽多講啦

可以既試下啦

聽下一D講PTH正既歌手唱PTH歌
或者睇下中央電視台,睇+聽下人地點講PTH
又或者自己上PTH堂


我整係識:"識話人唔識話自己"
我既PTH都好廢,係聆聽都OK