[經典紀錄片]假如地鐵有接駁巴士....

想問下MTR批DMS係用乜機械配搭?
吉拿6LXB+半自動 / LEYLAND 0680+全自動?

原帖由 da54 於 2009-2-18 22:25 發表
家陣想 MTR 再開多 d 接駁線都難

資本主義社會是也~

更直接d講，佢搞接駁線都唔會係港鐵接駁，而係商場同住宅接駁

如果地鐵還有剩餘的載客能力
他們自己又願意開辦免費接駁路線
為甚麼會是壞事呢?


協調者怕影響既得利益者
地鐵站只維持「還可以」的可達度
最終使用人數不能提升至最高
為甚麼這就是一個稱職的協調者?

我覺得而家政府唯利是圖既「保鐵政策」, 對比起當年主張平衡各方利益及以市民利益為依歸既態度, 真係好反智!

以前政府既決策係睇住市民既交通需要而制訂,
even地鐵想開shuttle吸客, 政府都會先睇清楚當時現有既交通配套同乘客量, 然後作出決定,
不讓任何一方獨大, 或偏離市民既交通需要, 甚至企圖改變市民既乘車習慣。

相反2009年既今日, 九龍南線都未開, 就已經驚死蝕/賺唔夠咁, 話要cut呢條cut果條...
仲要拎住「配合九龍南線通車後市民乘車習慣改變」既旗號去打壓巴士公司,
喂~ 奉指架?!  大家問心啦... 係咪企圖改變市民既乘車習慣先?
如果開左九龍南線, 個別巴士線乘客量大減, 到時未cut到夠lor!
相反, 如果無信心鐵路同巴士公平競爭既話, 咁未係因為你當初規劃不當lor!
仲咁好意思格硬改變市民既乘車習慣!

原帖由 ming 於 2009-2-19 03:02 發表
協調者怕影響既得利益者
地鐵站只維持「還可以」的可達度
最終使用人數不能提升至最高
為甚麼這就是一個稱職的協調者? ...

嘗試諗闊d，當你影響到「既得利益者」
一d依賴既得利益者既人就會因而受害
你開接駁線，之後就會影響到一d唔可以因接駁線而得益既人
咁呢班人我地又係咪唔需要理？

原帖由 ctb8107 於 2009-2-19 12:51 發表
我覺得而家政府唯利是圖既「保鐵政策」, 對比起當年主張平衡各方利益及以市民利益為依歸既態度, 真係好反智!

以前政府既決策係睇住市民既交通需要而制訂,
even地鐵想開shuttle吸客, 政府都會先睇清楚當時現有既交 ...

咁當年輕鐵又算唔算係迫人去改變交通模式?
其實片中都有提到當時政府係承認地鐵繁忙時間既載客量達飽和, 即係根本
冇需要再整接駁巴士去增加客量。所以今日西鐵既情況同當時地鐵既情況根本
就唔同。我唔係認為政府或且鐵路公司唔需要為一條鐵路既規劃負上責任, 但係
唔代表當時政府同今日以鐵路行先既原則有改變。反而我更加睇到八十年代
政府為鐵路行先所措施比今日更加狠, 只不過鐵路飽和既時候既情況有所不同。

不過從片段中可以感受到當年社會既風氣係有所不同。若果今時今日巴士公司
以九龍南線影響生意為理由加價, 恐怕唔少人既反應係會鬧巴士公司, 即使有
利潤管制都會要求檢討, 新聞報導既手法亦會唔同。但係片中當時既新聞片段
就會比較溫和、中肯去分析整件事。

原帖由 ~誰@359~ 於 2009-2-19 17:40 發表

嘗試諗闊d，當你影響到「既得利益者」
一d依賴既得利益者既人就會因而受害
你開接駁線，之後就會影響到一d唔可以因接駁線而得益既人
咁呢班人我地又係咪唔需要理？ ...

個人覺得啦
唔通地鐵又可以話巴士公司加轉乘優惠影響盈利
之後就加價?

不過係當時巴士公司夠惡
先敢"威脅"政府話加價
幾條接駁線
巴士公司盈利會唔會下降到要加價/取消虧蝕路線咁誇張?

其實當地鐵太多人搭
大家又會自自然然走去搭巴士

相對於現在的「保鐵cut巴士線」
地鐵加接駁線遠遠是個令巴士公司輸得「心服口服」的方法
地鐵可以免費接駁，你巴士公司又得唔得?

其實巴士公司都要用下腦
諗下點樣面對競爭的

原帖由 Swedenscania 於 2009-2-17 19:33 發表
離題一問...為何當年九鐵又可以提供接駁巴士服務??
如果當年地鐵搞得成..可能現在好多接駁線係8仔免費轉乘....
其實當年情況同地鐵找冠忠開機場快線接駁巴士好像 ...

有個問題想問好耐
點解西鐵接駁巴士可以用港鐵名義去做，而東鐵接駁巴士就要用九巴名義去做?
兩者都係轉乘鐵路免收巴士一程車費

如果係牌照問題，點解前九鐵/港鐵唔用西鐵feeder個套去做東鐵feeder?

另外，片中仲話如果當年地鐵申請成功開辦接駁線就會成為(當時)第4間專利巴士公司，
點解申請成功政府就會給予專利巴士公司資格?

[ 本帖最後由 nwfb1001 於 2009-2-20 16:06 編輯 ]

原帖由 nwfb1001 於 2009-2-20 16:04 發表


有個問題想問好耐
點解西鐵接駁巴士可以用港鐵名義去做，而東鐵接駁巴士就要用九巴名義去做?
兩者都係轉乘鐵路免收巴士一程車費

因為《九廣鐵路條例》寫明九鐵有權經營西北鐵路 (即輕鐵) 服務範圍內的巴士服務。

原帖由 nwfb1001 於 2009-2-20 04:04 PM 發表


有個問題想問好耐
點解西鐵接駁巴士可以用港鐵名義去做，而東鐵接駁巴士就要用九巴名義去做?
兩者都係轉乘鐵路免收巴士一程車費

如果係牌照問題，點解前九鐵/港鐵唔用西鐵feeder個套去做東鐵feeder?

另外，片中仲話如 ...

當年九鐵係自己經營東鐵接駁，但條件係唔可以收錢
但因為唔收錢所以濫用情況嚴重(分別唔到邊D客係真正東鐵客)，所以係八達通出左之後轉為八達通轉乘+收錢，但因為條例唔准收錢所以過左D線比九巴用九巴名義經營