點解巴士司機搞工潮會「按章工作」？

原帖由 油記長存！ 於 2009-2-22 11:15 發表
車！按章工作都冇乜用既，
對乘客影響，只係車程慢dd。
我覺得要搞工業行動，
就應該跟番中巴同紅頂既方法，
架車停站唔好停正、飛站、超速，
成架車貼滿標語，要求加人工，
咁先似樣！ ...

工會目的係要合理/無手尾的表達不滿，和乘客去得太過份只會帶來不必要麻煩
我估你應該係一名初中生

原帖由 油記長存！ 於 2009-2-22 11:15 發表
車！按章工作都冇乜用既，
對乘客影響，只係車程慢dd。
我覺得要搞工業行動，
就應該跟番中巴同紅頂既方法，
架車停站唔好停正、飛站、超速，
成架車貼滿標語，要求加人工，
咁先似樣！ ...

超速唔係抄公司,係抄司機架
搞工業行動搞到自己領野又何必?

工業行動一定會影響到乘客,
但要引起注意亦只有這樣,
不過香港人一般唔會同情發起工業行動的群體m
所以工會都唔敢搞太激既行動.

按章工作可說是工業行動的第一步，
畀少少顏色資方睇住先...
對大眾影響細係意料之內，
如果講到好激既工業行動莫過於罷工，
目的就係要癱瘓公司運作，
到左呢個層面，
亦一定嚴重影響大眾日常生活。

多元開放既社會，
一定有支持工業行動和反對者，
視乎你點睇。

香港人就係咁自私既心態，
各家自掃門前雪，
你搞還搞，搞到天翻地覆都唔緊要，
最緊要唔好搞到我，
搞到我就萬萬不能。

呢種心態，就係工運沒甚發展既元兇，
沒有人是孤島，
不要問喪鐘為誰而敲，
喪鐘為你我而敲。

搞工業行動搞到要飛站超速咁牙煙又嚴重影響乘客，
真係想搵班客仔同情你都難啦，
搞工業行動者唔會有你呢種思維，
大忌也！

比方話你想問你老母拎多D零用錢，
即使要抗爭，
最多都係唔幫手做下家務咁啦，
都唔會玩到掟爛屋企D碗碟又踢鐵閘咁倒米卦！？

如果你對呢方面想認識多d可以上網搵下關於工運既資料。

巴士公司始終有獨市生意，收入無論在經濟好壞都算穩定，有一定回報，加上一年前車費加價，保障了它們的收入。
我覺得巴士公司還有加薪的空間，除非油價捲土重來，重上$100美元一桶的高位，否則巴士公司在今年利潤會好番好多...

但在打工仔眼中，今年唔俾人炒都算好..仲講加人工

巴士路線無得加車費, 員工加薪開支從何而來?

原帖由 ausbus 於 2009-2-22 11:04 發表
澳州真係有將o的車全部收晒去開員工大會的...通常玩3-4粒鐘.

最受歡迎的工業行動係唔收錢, Sydney 玩過幾次, 但最後俾巴士公司叫停, 唔俾o甘玩.

不如香港又叫人唔駛拍卡,又會唔會好d...
大眾又接受,巴士公司又驚死