港大調查：多套無線「優質節目」名列前茅 (倒數)。

原帖由 kay 於 2009-3-5 14:53 發表
其實#1個結果唔意外ar
依家唔少觀眾對無線個d肥皂劇失去興趣
係好順理成章放係呢d位置...見怪不怪
至於第2篇文既
我覺得cable新聞同tvb既新聞唔可以就咁去比
話晒2者個營運模式都唔同
cable係靠新聞食糊既...比無線 ...

剛剛睇完無記個6點半新聞
最後果part簡直不知所謂
志雲訪問阿蕉竟然可以上到6點半新聞
好明顯就係搵新聞時段黎做宣傳
人地有線真係專業喇,起碼唔會用新聞時段黎賣娛樂台個張柏芝專訪

原帖由 superbus 於 2009-3-5 19:04 發表

剛剛睇完無記個6點半新聞
最後果part簡直不知所謂
志雲訪問阿蕉竟然可以上到6點半新聞
好明顯就係搵新聞時段黎做宣傳
人地有線真係專業喇,起碼唔會用新聞時段黎賣娛樂台個張柏芝專訪 ...

無線新聞已經唔係第1次咁做
同埋以本人係其他地方所見暫時佢個手法係劣評多
我無話有線唔好...只不過大家客源唔同...就有唔同做法
不過tbb咁鐘意玩...真係想出句聲幫佢都難...

原帖由 superbus 於 2009-3-5 19:04 發表

剛剛睇完無記個6點半新聞
最後果part簡直不知所謂
志雲訪問阿蕉竟然可以上到6點半新聞
好明顯就係搵新聞時段黎做宣傳
人地有線真係專業喇,起碼唔會用新聞時段黎賣娛樂台個張柏芝專訪 ...

最奇怪係TVB 的新聞台(TVBN&i-news) 都係隻字不提(包括roller..)
更顯得6點半新聞有宣傳之嫌..

回一回樓主
眾所周知無線劇集係爛劇...爛音樂/遊戲節目...但有無必要係#1小題大造去講先?
仲以多套無線「優質節目」名列前茅 (倒數)...容易比人個錯覺..以為tbb乜都差
同埋要係出呢篇文之後2日先補充返一個非倒數的排名..咁點解唔一開始講晒頭同尾既排名?
比人一個較持平的感覺?...可以從中兩者比較...分析成因
大台咁多垃圾中都有部份節目上頭十大應該要拍手掌啦...咁難得....
事實擺到眼前...越多人鬧越差既節目就越多人睇
cable呢d要比錢既又唔係個個比得起
tbb同cable大家的客源都唔同...一齊比對邊個都唔公平
tbb有爛劇/遊戲/音樂節目...但不能以此抹殺其他類型節目既質素
不過個人都非常所賞閣下向垃圾節目說不...個人都認同tbb既質素係走下坡
只不過需要返點中肯既討論...咁樣才能得到所有版友的認同
如有冒犯請多多包涵

原帖由 rickycheng 於 2009-3-5 19:35 發表
最奇怪係TVB 的新聞台(TVBN&i-news) 都係隻字不提(包括roller..)

晚上8,9時的新聞有提及（7時那2節則沒有）。

原帖由 CPY 於 2009-3-5 19:02 發表
如果有人認為ATV的倒數排名是有討論價值的話，可以「另起爐灶」。
不提出ATV排名，並不等如「忽視」ATV。

無錯，首30位「倒數排名」中ATV佔多數，但與判斷「ATV是否大台」這個立場有何關係？

「大台」的定義各人不同，以「倒數 ...

有關「另起爐灶」果方面，我個人覺得就免喇，
但係我只係上問，點解閣下淨係單方面講一個電視台既爛節目，
而其他台既就輕輕帶過就算，難道呢 D 爛節目一 D 都唔值得閣下去討論？
淨係某一個電視台既爛節目閣下就可以拎出黎講？

首先，我既立場係，對電視台不斷做 D 爛節目出黎，我都有不滿既，
獎門人我冇睇好耐，
閣下數出黎既無線爛劇集，有一套係我喜歡既明星做既，我都一樣冇睇過。
自己身為果個明星 fan club 既成員，唔去盲目追捧先至係對果個明星好，
無論佢做成點我地都話佢做得好，佢又會何來進步？

其次，係唔係「大台」，同某間電視台係呢個排名榜既排名當然冇咩大關係，
但係，大台又好，唔係大台都好，爛節目都唔應該存在。
君不見近年無線既三線劇集收視一路跌落去？
身為最高收視既電視台，檢討下係必要既。
咁係咪代表其他電視台可以繼續「爛」落去？
唔識得自己諗辦法將其他電視台既流失觀眾拉過黎既咩？
有線要俾錢至睇得，唔係個個屋企有裝；
港台節目數量有限，只能作有限度競爭（而且都要三間電視台俾時間佢做至得），
當無線流失觀眾，理應上最大得益者就係 ATV，
但係 ATV 就唔好好爭取呢個機會去做好 D，
咁唔通 ATV 本身冇問題？

固然你呢個 post 可以講無線既爛節目，點解唔可以一次過講埋其他台既爛節目？

原帖由 CPY 於 2009-3-5 19:22 發表


完全正確。

有線只是透過娛樂新聞台宣傳節目，新聞台所有新聞完全無提過張柏芝，
亦沒有提醒觀眾有關報導。

無線以遵守新聞道德自居，如今卻雙重標準，將許方輝及方健儀「明星化」，
於嚴肅新聞時段宣傳娛樂新聞，是「自打咀 ...

呢個係infotainment(新聞娛樂化)既好例子..
Trend 黎...冇計