[新聞]劉鑾雄：「為何有錢賺不可裁員？」

原帖由 Kaix 於 2009-3-8 16:16 發表
香港ge未來會係點樣??

我在外國生活多年，
覺得香港除左工作壓力大之外，
其他野都幾好

香港沉船?? 太誇張卦

我覺得應該這樣說：外國的優點是香港的缺點，而香港的
優點是外國的缺點。

香港的缺點和問題，除了工作壓力大，商人貪婪置民眾生計
於不顧而又沒有有效法律控制（在外面，商人甚少會要你條
命，或者not to pay a decent wage，不過對國民生活的影響
卻來自其他方面，另一篇文已有提及），另一主要的問題，
就是香港太缺少diversity，多數人傾向communitarianism，
相比起外國，極少鼓勵民眾跳出框框思考，社會太單元化，
因此多數香港人除了可能享受到一些物質生活外，都只能勞
碌一生。

而且，香港一早發展方向已走錯，太偏重金融業，目光短淺，
個巿一冧，大家有排折墮。（雖然，這是社會太單元化的結果）

原帖由 S3BL100 於 2009-3-9 23:41 發表
而且，香港一早發展方向已走錯，太偏重金融業，目光短淺，
個巿一冧，大家有排折墮。（雖然，這是社會太單元化的結果）

不會否認香港發展單元化, 但值得留意係, 係唔係用一個城市,
與"外國"相比呢?

香港好特別, 係SAR, 全世界, 除左澳門, 都無D咁o既地方,
如果單睇香港, 金融化當然嚴重, 但如果睇整個中國, 香港
作為金融中心的角色, 亦相當正常.....(其實單是睇珠三角,
已經唔同角度)

香港係唔係無其他野? 如果境內, 旅遊業都係一重點.....而
工業, 北上晒, 但從事呢d事業, 都係香港商人.....

但始終香港受太多外圍因素, 地理因素影響, 要走出金融業的偏重,
並不是易事呢....(之前d數碼, 物流, 中藥等, 樣樣都無晒聲氣lu)

而未來香港一定只會走向與內地融合, 先會有新的轉變了...

原帖由 053h4 於 2009-3-10 09:45 發表


在中國, 那一個有意發展成中國或世界金融中心的城市
如上海, 北京 ,天津, 深圳, 那一個不是多完化發展

金融高科技高增值產業, 及物流旅遊並重?

咁講, 其實香港 d 物流旅遊都著重ga, 但呢d 都容易受外
圍整體經濟影響....

不過我諗我提出的重點, 係指除左香港本身, 都可以以整
個三角洲去睇而已.....

原帖由 053h4 於 2009-3-10 12:18 發表


旅遊, 香港的旅遊景點真係十年如一日
好在香港無消費稅, 否則連來香港購物的動機都無左

其實世界各地, 旅遊景點一向都唔會好大變化,
你想點變? 唔通悉尼歌劇院, 巴黎鐵塔又會變嗎?

講真, 香港新的旅遊景點, 近年就咁數, 大型的至少
都有disneyland, 360, 濕地公園 la....維港亦加設左
燈光表演, 遲d 仲有方丹,  海洋公園翻新, 真係唔算少野,
10年如1日, 有d 誇張wor
(d 新景點, 好唔好, 鍾唔鍾意, 係另一樣野)

而物流, 隨住大陸開放, 中轉站的角色會消失, 香港
一定比以前無咁吃香, 加上成本不斷上升... 但將來係
好多新的交通連接, 呢d都係有利因素....

都係一句, 如果香港人自己都睇唔起香港, 樣樣正面都
睇到好負面, 外國人更加無野好講....

好多外國地方, 亦未必好好, 一樣面對好多困難, 但人地
最好一樣野, 人地有自豪感, 香港人往往缺乏左呢一點...
唔好話對政府, 香港人對香港人都一樣...

原帖由 053h4 於 2009-3-10 15:49 發表


去360, 濕地公園考察下, 有多少非本地遊客人罷
如果呢d叫旅遊項目, 那麼是香港的失

而所謂的燈光表演, 是否能帶領持續的吸引力, 才是問題的刻心
項目能產生多少額外的效益呢?
海傍人流量又多了多少呢?
個人觀察,  ...

其實閣下可以就香港咁多新景點作出評論, 就已經正正否定左
閣下之前講的 "景點係十年如一日" la..

或者咁講, 香港d景點唔係無變, 唔係無新, 而是唔夠理想吧...
但香港本身的確有投資係旅遊景點發展上, 這是不能否認的事實吧...

好唔好, 真係見仁見智, 亦睇下 o岩唔o岩d 旅客, 好似香港近年旅遊
都係集中於自由行, 去金紫荊佢地都好開心gei... 都可以係一景點...

但實際旅遊消費的數字, 我無數據, 講唔到...