[轉載][千言萬語] 懷念殖民地時代的香港

講句衰d.雖然我都係一句:我係唔滿意大陸文化去侵佔香港固有文化
但確實地香港比以前更大的民主
試問香港當年大部份政府入面果班都係英國佬,華人少之又少時,呢d邊叫民主.
大家睇下,我地呢輩偉大的"祖國"---英國 (90年代前的香港人祖國的確係英國),家下國勢弱得令人痛心,經濟差得恐怖,本土經濟都攪唔好,如果香港唔回歸,都唔知會跟埋一齊點衰.
係,我係岐視大陸文化,我係唔喜歡大陸人,我總之唔like,因為佢係大陸,我認
但作為一個功利的香港人(我唔信9成香港人唔係功利),跟邊個大佬先有運行唔識計.
香港人既然只會為自己的利益著想,那更應好好諗下,跟邊個著數.

作為一個拿bno的人,話就話叫British National Overseas. 過境入英國,竟當你係外人,叫你填Boarding Card,行外國通道.呢d咁ge大佬,跟來都罷啦.
仍當英女皇真係事頭婆的話,真的很傻很天真.......

(這是小弟由盲目崇英,到去了英國讀書的親身感悟.....看見英國內的落伍,英國社會的黑暗,終於由崇英的惡夢醒來.
所以,我依然這刻很難認自己是中國人,但也不會嘗試再當自己係英國有關的人.
因為,我地係獨特的民族,叫做香港人)

原帖由 S3BL100 於 2009-3-14 08:47 發表
那麼，我想問問，社會持份者對議題關注多了，認識更多，
有更多要求，有甚麼問題？這正正反映了社會的進步。

我們是不可能，也不應該期望各人不會提高自己對社會、
對生活質素的要求，奉旨接受自己所有的。期望別人不complain，
照單全收，根本就是奴隸心態。

況且，以前港英政府至少會擺個goodwill，改善民生。相反，
我看不到現在的特區政府有這種想法。

我從來認為要求高左係好事

但你完全get唔到我個重點，其他板友都get到

請慢慢參詳下：
「10年前5分鐘一班車要等第3班車先上到都覺得冇問題，
跟住人要求越黎越高，
今日3分鐘一班車等第2班車就上到但都覺得好有問題(係好事)，
d人記憶中淨係記得10年前係冇覺得有問題，
所以就認為呢10年間交通服務每況愈下，但事實呢」

我紅左你個句已經不知不覺犯左以上毛病，
97前大部分香港人對政府要求都唔高，所以當時覺得冇問題，
跟住人要求越黎越高，
今日政府少少錯就會嚴厲怪責(係好事)，
但d人記憶中淨係記得97前係冇覺得有問題，
所以就以為97前政府有care民生，97後政府唔care民生

以上毛病嘅催化劑係97後立即出現嘅亞洲金融風暴

原帖由 238X 於 2009-3-14 00:35 發表

但我又覺得你咁講無乜根據，至少我身邊 D 人好少真係咁諗。

一定大把，對任何事都係，只係可能你冇為意，
又或者自己都在局內

原帖由 Kaix 於 2009-3-14 09:44 發表
我紅左你個句已經不知不覺犯左以上毛病，
97前大部分香港人對政府要求都唔高，所以當時覺得冇問題，
跟住人要求越黎越高，
今日政府少少錯就會嚴厲怪責(係好事)，
但d人記憶中淨係記得97前係冇覺得有問題，
所以就以為97前政府有care民生，97後政府唔care民生

閣下恐怕偷換了概念，我是說政府有否落力解決問題，或者有否
「做個樣」嘗試解決問題，而不是比較97前後問題的存在性。

用閣下的例子，97前，未有三幹，屯門元朗居民出巿區苦不堪言。
是否問題？當然是大問題，相信該區居民都會記憶猶新。不過，當
時政府明顯是有研究各種措施改善問題，例如建三幹、西鐵，雖然
兩者都是97後才通車。

又拿一個對多數人更切身的問題。97年6月30日前，立法局趕緊通
過集體談判權等多項條例草案，7月1日後，立即被行政指令撤回。
港英時代有否剝削？有，但至少港英政府有做個樣出來，有減少剝
削的goodwill，相反，特區政府做了些甚麼？不但沒有建設，反而
倒行逆施，這不是問題嗎？

原帖由 053h4 於 2009-3-14 00:35 發表
香港, 是借來的空間, 無錯, 香港是一個移民社會

移民社會, 一向要求不多, 有兩餐, 有温飽, 不會要求太多
但土生土長的人, 要求自然會很高

而一些社會問題, 如抄賣文化, 由英國人一手訓練出來
港英公務員, 過開一些 ...

你所說的, 通通在改革開放後的中國社會文化中出現,
同是否英國管治無直接關係

原帖由 053h4 於 2009-3-14 00:46 發表


香港政府民望, 只係同經濟有關

我認為收窄觀點, 係同財富分配的均等有關

[ 本帖最後由 barking 於 2009-3-14 10:20 編輯 ]

原帖由 cn2661_2d32 於 2009-3-14 09:41 發表
(這是小弟由盲目崇英,到去了英國讀書的親身感悟.....看見英國內的落伍,英國社會的黑暗,終於由崇英的惡夢醒來.
所以,我依然這刻很難認自己是中國人,但也不會嘗試再當自己係英國有關的人.
因為,我地係獨特的民族,叫做香港人)

同道中人

香港本地人會以為讀番書嘅我地去歎世界去睇下人地幾好香港幾差，
但對於我地其實係睇到香港有自己嘅優點，人地亦有自己嘅缺點，
香港人狹獈之處就係未見識過就覺得外面世界一定好d，
覺得外面世界好d就等於有遠大眼光、有大志，
覺得香港好就等於井底蛙、冇大志

另外留意到有趣嘅一點，
就係留學生同半年交換生對該國睇法可以天壤之別

原帖由 S3BL100 於 2009-3-14 10:04 發表
用閣下的例子，97前，未有三幹，屯門元朗居民出巿區苦不堪言。
是否問題？當然是大問題，相信該區居民都會記憶猶新。不過，當
時政府明顯是有研究各種措施改善問題，例如建三幹、西鐵，雖然
兩者都是97後才通車

你嘅回應已經證明左，
現時政府就算有研究各種措施改善問題，
都會被說成冇研究措施改善問題

以宜家d人嘅標準、要求，當年屯公件事應該係咁：
「政府因為社區規劃失誤、公路設計失敗及斜坡管理不當，
闊佬懶理左10幾年到出左事先後知後覺亡羊補牢，無能！下台！」

但在政府二字前加上港英二字，
成件事就忽然變成「政府明顯是關心市民，有研究各種措施改善問題」

不過我都唔係第一次領教過香港人強勁嘅主觀性，
對住有好感嘅明明係差都講到好


掉轉頭我夠可以話港英政府冇研究解決西區南區交通問題，
到了特區政府先明顯是有研究各種措施改善問題，例如建西/南港島線，
但當然我唔會咁主觀去攞單一事件就去下定論

[ 本帖最後由 Kaix 於 2009-3-14 10:59 編輯 ]

原帖由 Kaix 於 2009-3-14 10:19 發表

同道中人

香港本地人會以為讀番書嘅我地去歎世界去睇下人地幾好香港幾差，
但對於我地其實係睇到香港有自己嘅優點，人地亦有自己嘅缺點，
香港人狹獈之處就係未見識過就覺得外面世界一定好d，
覺得外面世界好d就等於有遠大眼光、有大志，
覺得香港好就等於井底蛙、冇大志

另外留意到有趣嘅一點，
就係留學生同半年交換生對該國睇法可以天壤之別

沒錯，香港有自己的優點，其他國家也有自己的缺點，之不過每個人
的價值取向不同，one man's meat is another man's poison。但，大
部分香港人狹隘之處，就在於陶醉在自己的烏托邦中，不肯見識外面
的世界；覺得香港好不等於井底蛙、沒大志，反而我認為許多人沒大
志，是在於貪圖安逸，喜用固定模式思考，不肯跳出框框，不肯跳出
城巿給我們的束縛。

本人之回應，不過是從自己的價值觀出發而已。事實上，
要數西方國家（特別是美國）的缺點，大可以開新文章討論，罄竹難
書，數到天光也行。

例如，看看今天以下兩單新聞，已可對美國的荒謬略知一二：
http://www.cnn.com/2009/POLITICS/03/13/biden.amtrak/index.html
http://www.cnn.com/2009/POLITICS/03/13/school.stimulus/index.html

P.S. 我知道閣下最後一段乃在談論本人（這次我一定要對號入座），
不過，我可以告訴閣下，我到訪過全美國理工科top 5的其中兩大，在
當中參與過research project，經歷過這裏與香港不同的學習模式；而
不是美國一般的野雞大學。我不能說我對美國非常了解，但總不能說
成是對美國的問題不了解 - 至少，我認為我對美國的了解，多於香港
那些自以為會考9A、10A，進了某某大學環球工管系，自己就是天之驕
子的人。

原帖由 Kaix 於 2009-3-14 10:49 發表

不過我都唔係第一次領教過香港人強勁嘅主觀性，
對住有好感嘅明明係差都講到好

不反對。

不過不知何解，閣下文章給我的感覺，雖然所言甚是，卻極度cynical，
極盡冷嘲熱諷之能事，極有將所有閣下有負面印象的事物踩成地底泥，
同時顯示自己的想法比較合理、高尚的傾向，實在非常尖酸刻薄。

當然，正如閣下所說，香港有這種想法的人實在太多（包括本人在內），
這些事自己做不到，又怎樣批評別人？所以，我這裏所寫的東西，看罷就算。