[轉載][千言萬語] 懷念殖民地時代的香港

在其他論壇看到的，覺得幾有趣，雖然有部份睇唔明，但都貼上來跟大家分享

如不喜歡，就當沒看過好了，切勿大動肝火

***不知道是否需要貼出處？因為是轉載自別的討論區，所以暫不提供連結，如需要請告知，謝謝。

---------------------------------------------------------------------------------------------
[轉載][千言萬語] 懷念殖民地時代的香港

千言萬語
那時有張國榮陳百強黃家駒梅艷芳羅文鄧麗君林振強表姐你好野，今天有愛國愛到把海闊天空變承諾的群星．．．那時有青天白日旗星島聯合報彭震海任善寧，今天也有星島．．．那時政治漫畫可以畫鄧小平江澤民．．．那時有英軍在天馬艦的游泳池游泳，有人在港督府的網球場打球，今天有政府腫部大鐵籠．．．那時倫敦樞密院最終司法，而家幾個北京護法三爬兩撥就可以釋法．．．那時有居者有其屋，有廉租屋，屋村有大球場小販小商店，今天有屏風瘤，有不准跑不准坐不准臥不准吸煙不准煲臘的遊樂場，還有領會．．．那時對同學說死多Ｄ咪好囉不會記大過不用公開道歉．．．那時官立與教會中小學是品質包證，免費派位，今時要學琴棋書畫幾種外語十項全能爭入名小學．．．那時Ｄ硬幣不會生銹變色，銀紙美觀Ｄ．．．那時半夜三更有粵語長片看，電台電視台主持人字正腔圓無懶音．．．那時維珍妮亞州不叫弗吉尼亞，肯雅不叫肯尼亞，希斯路機場不叫希斯羅，象牙海岸不叫科特迪亞，展能奧運會不叫殘奧．．．那時只有北漏洞拉，沒有政府廣告教人洗手包痰食水果愛護家人買雞唔好吹囉油．．．那時地鐵火車寧靜舒適，不會叫纏渣賤苦愁，不會叫錢稍仙照顧水醒特迢桶，不會也不用叫錢先讓疹卡沙車樣烤山車，那時巴士九鐵沒有嘈嘈閉的ROADSHOW 和CABLE TV．．．那時街邊和公園的長櫈長Ｄ，而且不會有小器的中間分割扮扶手．．．那時節日鬧市不會鐵馬圍堵人潮管制，今時趕豬趕狗，還有水馬．．．那時的交通燈行人綠色公仔不會等十世才出現行兩步就斬．．．那時政府部門五天半辦公方便市民，今時五天上班因為曾特手明益自己人．．．那時沒有IFC在太平山下扯旗，從港島還可以望到獅子山．．．那時馬會不會發錢寒一星期三次六合彩跑馬跑到七月幾．．．那時獅子銀行不會寧願用錢請人日日夜夜打討厭的宣傳cold calls，也要摺埋大部分分行，逼公公婆婆排隊企半粒一粒鐘．．．那時只有星期六才有賣旗籌款，而且都是人所共知的慈善機構，而家一星期七天都有，香港九龍新界玩過三關，全部要唔知係MUD水．．．那時HMV大Ｄ，有多Ｄcool碟，不會播中文歌，那時沙田還有HMV．．．那時有活雞活鴨活鵝活鴿活鵪鶉，而家只有活雞，而且唔准過夜，北姑除外。
香港人好好反思,点解依家香港搅成甘.

以前大陸封閉, 而家先開放二三十年, 好聽 D 講, 仲係過渡期,
係咁架啦, get along with it.

(難聽 D 講, 擺到明死梗, 都係 get along with it 架啦.
一係移民或者革命囉, 但唔該睇下台灣而家咩樣?
又真係好過香港好多嗎?  講完)

[ 本帖最後由 238X 於 2009-3-13 12:13 編輯 ]

唔係認同作者政治方面的理念，祇係對身邊事物轉變有同感

原帖由 32 於 13/3/2009 12:24 發表
唔係認同作者政治方面的理念，祇係對身邊事物轉變有同感

除左革命同台灣果兩句之外， #2 其他言論同政治無關。

用返林夕的歌詞..

twins 世界變 (節錄)

過去的東西　被我追憶先珍貴　
情人像在夢中　消失了　才銘記一世
無數家居　不遷徙也不想起它情懷
遑論到舊愛的好與壞　從前定必會活埋
逝去一一放胸懷　緊守不變心態
時代變　時代變臉還比追憶快
如何回頭走　如何能攜手
留下紀念品已經罕有
有幾個當年上學共行仍舊算好友
常常回頭走　原來無從回首
同年舊碼頭變鋼筋新秀
時光因你不捨得所以會逆流　有沒有

------------------------------------------------------

其實世界真係變得好快, 香港更加變得快..
但變當中, 有好, 有唔好, 有進步, 有退步..
向前望, 是比較實際吧

原帖由 053h4 於 2009-3-13 14:43 發表
好唔好, 只係睇用什麼角度睇

香港問題不少, 但係唔係真係差過以前, 只係一個角度問題
最少, 回流的人是比移出去的多

97前, 香港經濟靠抄賣
97後, 抄賣難了, 社會迷失了 ...

其實亦有好多問題, 以前唔覺, 依家先覺...

好似填海, 高樓, 屏風樓, 呢d 係殖民地時代已經有...
咩屋村唔係一堆? 咩地唔係填返黎? 拆佐敦道碼頭又有無人會反對....?

不過當時代轉變, 呢d本身唔係問題, 都變成問題....

其實香港的制度無乜大改變, 反而97後, 香港人的心態係
變得最快....

原帖由 3ASV196 於 13-3-2009 15:47 發表


其實亦有好多問題, 以前唔覺, 依家先覺...

好似填海, 高樓, 屏風樓, 呢d 係殖民地時代已經有...
咩屋村唔係一堆? 咩地唔係填返黎? 拆佐敦道碼頭又有無人會反對....?

不過當時代轉變, 呢d本身唔係問題, 都變成問 ...

你認為屏風樓不是問題？

原帖由 tony 於 2009-3-13 16:19 發表


你認為屏風樓不是問題？

屏風樓同雷曼一樣,都係為賺一世人甚至幾世人都使唔晒既錢

以前起樓起三四十層高,都總會諗留番d空間俾人,今時今日起
樓就要賺到盡,用晒所有建築比例,所有公共空間露台都要囉去
賣,樓價不斷上升,但實用率一年比一年低,而家買到層樓有8成
實用率已經要感謝神

原帖由 orange 於 2009-3-13 16:51 發表

屏風樓同雷曼一樣,都係為賺一世人甚至幾世人都使唔晒既錢

以前起樓起三四十層高,都總會諗留番d空間俾人,今時今日起
樓就要賺到盡,用晒所有建築比例,所有公共空間露台都要囉去
賣,樓價不斷上升,但實用率一年比一年 ...

試過有建築師, 因為用唔盡地積比率, 而比人告...

就個人而言..用盡地積比率, 係合理, 買塊地返黎,
當然用盡去賣, 不過座樓點樣設計好, 係呢方面香港
d建築商就真係應該改善下...

屏風樓所影響, 係通風, 間接影響市區污染程度及市民
健康...但以前d人, 無咩人會理呢d 問題..

前文只是講, 其實以前一樣有屏風樓...

[ 本帖最後由 3ASV196 於 2009-3-13 17:41 編輯 ]