學者建議公平競爭法加入規管港鐵公司

公共交通一有公平競爭法，
政府就唔可以對一種公共交通進行因時所需嘅優待/保障，
業界危急關頭只有自生自滅，
我相信的士、小巴、巴士都唔會支持公共交通公平競爭法( 泥的、非法村巴除外)

對於市民，公共交通公平競爭法只會導致交通網「貧富懸殊」，
既然各公共交通營運商已經不受政府護蔭，
點解佢地仲要負社會責任營運蝕本線，佢放多d車落旺角搶客唔好??
單以九巴計，有1/4路線大可以擘炮唔做

大家睇野太表面，公共交通公平競爭法絕對唔係多幾條特快巴士咁簡單

香港有d學者係盲目支持極端自由市場，
竟然連公立醫療都想納入公平競爭法，
用腦諗下就知後果不堪設想喇，
香港唔係想步美國醫療制度後塵呀??

[ 本帖最後由 Kaix 於 2009-3-25 22:39 編輯 ]

原帖由 ~誰@359~ 於 2009-3-25 21:56 發表
香港根本冇可能行晒鐵路為主
一日重鐵唔起上山（不論技術定規劃）
一日彌敦道同港島北岸既地底再冇新鐵路
一日再畀地產商搞鐵路
一日巴士點到點都仲有存在價值同需要 ...

從來冇人話要行晒鐵路，
只係部分巴士迷將「鐵路為主」扭曲成「只有鐵路」

係咪連「為主」都唔識解??

"專利巴士"同樣違反公平競爭理念, 政府唔應該再保護專利巴士公司, 應該馬上開放新市鎮同埋快速公路俾小巴自由經營, 同時取消小巴同埋的士車輛數目Quota上限.

唔好淨係話巴士要同鐵路競爭, 小巴, 村巴同白牌車都應該有同專利巴士完全自由競爭既權利.

原帖由 Kaix 於 2009-3-25 22:30 發表



從來冇人話要行晒鐵路，
只係部分巴士迷將「鐵路為主」扭曲成「只有鐵路」

係咪連「為主」都唔識解??

點解以前有人會諗到鐵路會影響巴士公司盈利
接而影響巴士公司整體服務水平（不論有冇鐵路既地方，全部中招）
所以做返一d野去保護巴士公司
但係去到今日，鐵路一通車，綠小公司就要好好服侍開d新線
巴士公司就由得佢死，之後仲要喪推八仔轉乘，變相令巴士公司收入更少
有冇諗過呢d side-effect呢？！
真係唔知係唔係今時今日既官同學者唔及以前既咁聰明…
其實呢個道理好顯淺之嘛！當年畀地鐵去發展地產既目的
都係想用地產去令地鐵有能力維持合理既服務水平，巴士公司都係一樣之嘛

[ 本帖最後由 ~誰@359~ 於 2009-3-25 22:43 編輯 ]

原帖由 PB602 於 2009-3-25 22:30 發表
"專利巴士"同樣違反公平競爭理念, 政府唔應該再保護專利巴士公司, 應該馬上開放新市鎮同埋快速公路俾小巴自由經營, 同時取消小巴同埋的士車輛數目Quota上限.

唔好淨係話巴士要同鐵路競爭, 小巴, 村巴同白牌車都應該 ...

公平競爭都唔代表冇監管,正如公平競爭唔代表可以任由無牌小販隨處擺賣吧...

原帖由 張偉沖 於 2009-3-25 01:57 發表


巴士公司會不計客量需求而貿然開特快線嗎?
難道你當巴士公司真係有大把資源?
新鐵路都未通車, 巴士已經要讓路, 難道你不知道?

再者,
無論係咪公平競爭,
巴士公司要加班呢樣咁簡單的野根本就係難過登天,
遑論要開 ...

如果公平競爭，政府就不能用行政手段干預公共交通運作模式，
干預只會違返公平的原則，而且港鐵最大股東係政府，
明顯有利益輸送及政策優先權，那麼這還可叫公平嗎？

首先資源問題，根本巴士公司係大把資源，只係政府規範左發展空間，
利用鐵路為主幹，巴士為接駁的大原則，加上藍天行動為理由，
要巴士公司逐步交出巴士，遠離繁忙地區，再加上國際環保大趨勢，
故此巴士公司需要面對如斯大難題，利用環保引擎，開發環保科研方能在社會生存，
相信往後的專營權必須要巴士公司研發環保交通科技吧。

如果公平競爭底下，巴士公司可以盡情引入新型號巴士進入繁忙地區，
只要環保數據可以令政府接受就可以。況且香港的乘車模式日漸趨向點到點，
如果你留意到，好多地方做點到點，巴士係絕對比鐵路有優勢，
有公平競爭，巴士公司開辦巴士路線就唔需要再規範於：
1. 一小時平均85%載客量及半小時100%載客量的加班條件及少於50%載客量？減班的條件（不肯定）
2. 開辦新路線必須由現有路線資源調撥。
3. 進入旺區巴士數量配額制。
4. 不能開辦於鐵路路線平衡的巴士路線。
5. .......

這一大堆不平等條約，如果廢除，巴士公司有大量發展空間吧！
但實際上，我同意運輸署需要作有限度的管制，那麼，怎樣可以叫公平競爭呢？
之後呢？巴士公司可以無責任去營運蝕錢路線，好似九巴51, 53, 73, 82K......等等唔理三七二十一取消哂，
只係為了賺錢吧，因為要向股東交代，又係商營機構吧，所以這樣的公平競爭令社會問題及矛盾加深，
絕對不同意。

[ 本帖最後由 KC3555 於 2009-3-25 22:45 編輯 ]

原帖由 gn3509 於 2009-3-25 22:40 發表

公平競爭都唔代表冇監管,正如公平競爭唔代表可以任由無牌小販隨處擺賣吧...

但問題在，港鐵同政府存在利益關係，在公平競爭下，任何規範監管都可會令立法會及律政司傷腦筋。
同你的情況唔同，香港經營任何商業活動，除合法小販牌照外，有商業登記就得喎。

原帖由 ~誰@359~ 於 2009-3-25 22:37 發表

點解以前有人會諗到鐵路會影響巴士公司盈利
接而影響巴士公司整體服務水平（不論有冇鐵路既地方，全部中招）
所以做返一d野去保護巴士公司
但係去到今日，鐵路一通車，綠小公司就要好好服侍開d新線
巴士公司就由得佢死，之後仲 ...

政府處理手法有不妥地方，
但鐵路為主政策本身對於一個城市長遠發展係好事，
巴士不及現時風光在所難免，
但絕不會被淘汰 (因為係鐵路為主，唔係只有鐵路)