對社民連o係立法會財委會會議講粗口提出抗議！

原帖由 EU5472 於 2009-4-2 18:14 發表
但可惜市民想佢地做既野,佢地偏偏做唔到(eg:行政長官普選)
唔應該做既,就做到足(eg:373A單野已經累死好多人)

而家 d 人似乎唔係想快手搞雙普選喎
似係想快手應付而家咁差既經濟狀況喎  

其實我係講緊經濟仲好地地個陣...

有一個視民望於浮雲既行政長官,經濟有排都未好轉!

原帖由 EU5472 於 2009-4-2 21:03 發表
其實我係講緊經濟仲好地地個陣...

有一個視民望於浮雲既行政長官,經濟有排都未好轉!

就算經濟好都未必話係個個想要普選
可能表面上好似好好 , 但果陣好似仲有 d 民生議題要處理呢  

有一個題外話
http://www.youtube.com/watch?v=mxRNNQMRRT4&feature=related
係片中,影影下影住觀眾度
見到有一個婆婆對住下面講野
我想問下有冇人知佢講咩??
好CUT唔CUT,一到婆婆講野就CUT聲...

其實各位係唔駛係呢度嚐GE,
下屆選舉大家咪放長雙眼睇下社民聯3子究竟入唔入得返議會,
咪知道究竟市民認唔認同他們的做法囉.


3子係民選議員, 而3子亦都係一開始就打正"搞事"旗號,
既然有人投佢地, 兼且成功令3子入議會, 某程度上已經表示,
市民根本就係想有D人帶一D衝擊入議會.


小弟絕對支持3子, 起碼佢地真係拎個心出黎為基層,
不惜畫花自己塊面, 去為市民罵高官.
3子要連任, 在無能的特區政府下, 毫無難度啦,
隨時下屆會有社民聯4子, 什至5子的出現.


都係個句, 唔該大家尊重選舉結果,
作為板友, 憑咩去遣責3子呢?

原帖由 AVW56 於 2009-4-4 14:31 發表
都係個句, 唔該大家尊重選舉結果,
作為板友, 憑咩去遣責3子呢?

都係那句, 原來選舉出黎的人, 就唔可以被譴責?

如果真係有普選, 咁到時政府咪不應該受譴責?
咪不應該受批評?  試想清楚, 這想法/說法是否合理?  

如果是真, 普選就是十分危險的事吧.....

另外, 譴責有關行為, 等於唔尊重選舉結果? 唔好嚇我吧..

(好簡單, 睇美國, 布殊, 選舉出黎的, 咁美國人有無譴責/批評佢?
美國市民又憑什麼去譴責佢?)

[ 本帖最後由 3ASV196 於 2009-4-4 15:26 編輯 ]

既然閣下認為公眾應該公開批評和譴責不對的事，
敢問閣下當了解整件事的來龍去脈後，有否覺得錯怪好人，
在未了解事件情況之下祇譴責社民連是否過於武斷？

原帖由 32 於 2009-4-4 16:31 發表
既然閣下認為公眾應該公開批評和譴責不對的事，
敢問閣下當了解整件事的來龍去脈後，有否覺得錯怪好人，
在未了解事件情況之下祇譴責社民連是否過於武斷？ ...

講真, 人人對同一事件, 有唔同的睇法, 係好自然的事, 之前的討論,
其實都知道, 你同我都清楚來龍去脈, 前因後果, 我當然都考慮過你講的
因由...但最後, 我不同意這些因由, 亦不認為這些是那些行為的合理理由...
(睇回應, 也不是只有我這樣想法)

既然大家意見都講晒, 你接唔接受我的理據, 或者相反, 我接唔接受你的理據,
都是大家的個人選擇, 再無咩討論空間, 亦無咩再好爭論....要講都講晒....
或者咁講, 大家可能價值觀唔同la...你係咁再問我, 都唔會有用...

不過我今次回應, 感到好奇怪係, 大家一樣係市民, 同樣享有言論自由, 大家有權
批評/支持某一團體/政府....但呢個討論話題, 為何會出現2次"市民/版友, 憑什麼
去譴責某某?"這論調?  這樣的論調, 其實同極權主義無咩分別, 只准有一方意見,
而唔准有其他方面的意見...原來有d人, 唔可以被批評gei? 或者反問, 要憑什麼,
市民先可以譴責其他人?

當然, 每人可以就唔同立場, 提出反對意見, 正如之前你同我的討論, 但, 去講其他
人"憑什麼去譴責", 直言, 這並不尊重其他人發表意見的基本權利...

唔通有人批評民建聯, 但民建聯本身都有民選ga wor, 我就可以話呢d人, "憑什麼
去批評民建聯"? "民建聯一開始選舉前, 都係保皇ga la", "請尊重選舉結果"
相信, 如果我咁樣講, 亦很不合理吧..... 同樣, 社民連作為一個公眾團體, 我完全
睇唔到, 為何市民要因為"尊重選擇結果", 而無資格去批評, 這是我講的重點...

你誤解我的意思，我並無講過唔準批評，
祇係話一般市民亦沒有為這個社會的民主和公義作出付出，
憑什麼公開譴責為大眾爭取權益的議員

另外，閣下並有回答我的提問：

閣下當了解整件事的來龍去脈後，有否覺得錯怪好人，
在未了解事件情況之下祇譴責社民連是否過於武斷？

[ 本帖最後由 32 於 2009-4-4 17:55 編輯 ]

原帖由 3ASV196 於 2009-4-4 15:20 發表


都係那句, 原來選舉出黎的人, 就唔可以被譴責?

如果真係有普選, 咁到時政府咪不應該受譴責?
咪不應該受批評?  試想清楚, 這想法/說法是否合理?  

如果是真, 普選就是十分危險的事吧.....

另外, 譴責有關行為,  ...

兄台, 你次次都係呢句架喇,
次次都用呢句黎駁, 你唔悶我都悶啦...

你可以唔LIKE 3子, 你可以唔投票比佢地,
但唔該請你尊重其他對3子予以支持的香港市民,
要一言堂的請去別處.


仲有, 3子罵高官, 講真, 未必100%可以解決/改善問題,
但難道唔罵, 一味思文, 就一定可以100%解決/改善問題?

所以, 思文的議員, 佢地繼續用佢地有禮的態度去代表選民發聲, 無問題的,
儘管小弟支持3子, 我亦同時會尊重其他採用思文方式的議員,

3子用他們獨特的方式為選民發聲, 又有何問題?
你唔好自己唔鐘意就係度嘈, 如果無人鐘意3子,
佢地3個而個就唔會坐得到係立法會,
所以, 唔該閣下比晒返D尊重比社民聯3子.