大家覺得荃景圍既交通配套如何？

原帖由 ksmbh 於 2009-4-5 12:36 發表

九巴當時設立轉乘既背景不是回應市民要求減車錢嗎?!

但若果九巴唔減, 唔知市民仲會唔會繼續坐九巴呢 ?

如荃景圍 (荃威花園) 及海濱花園而言前往沙田,
佢冇設 BBI
一樣都係坐 39M / 238M > 48X, 49X 等城隧路線 ~

原帖由 238X 於 2009-4-5 12:58 發表


若果接駁線可以為幹線帶來更大收益，盤數就唔係咁簡單。


P.S.
以 238M 現時班次，如果無轉乘，可能有部份人會改坐 38A 出
大窩口轉 48X / 73X / 278X。 (38A 係可以預時間的)

又，
1. 如果 238M 真係「收益更低」，九巴大 ...

若果接駁線可以為幹線帶來更大收益，盤數就唔係咁簡單 > 認同

但我上面個篇回文都講左,
對於海濱去沙田而言, 冇左 BBI
居民係唔係一樣會坐 38A, 238M > 轉車 ? (可能會有人坐 99 或行左楊屋道上 49X)

如果上面 一樣會坐 38A, 238M > 轉車
咁收入係唔係小左 ? (小收 238M 個程唔只, 仲要送多 $ 0.5 比乘客)

因為九巴起海濱黎講, 都可以算係獨市生意, 佢冇 BBI, 我地都冇孚
但係九巴有 BBI 的確係對佢宣傳有幫助 + 我地乘客有得益 ~

原帖由 AVD1 於 2009-4-6 03:18 發表

但若果九巴唔減, 唔知市民仲會唔會繼續坐九巴呢 ?

如荃景圍 (荃威花園) 及海濱花園而言前往沙田,
佢冇設 BBI
一樣都係坐 39M / 238M > 48X, 49X 等城隧路線 ~ ...

呢點我有所保留．．．．

如果３９Ｍ係無ＢＢＩ既話，
仲要我貼三蚊再行成段路先轉到車既話，
我諗會多左人搭小巴／村巴落荃灣，
然後轉４８１系既小巴．．．．

雖然會貴ｄ，
但係人地真係快好多囉！

原帖由 JC3341@31M 於 2009-4-6 08:52 發表



呢點我有所保留．．．．

如果３９Ｍ係無ＢＢＩ既話，
仲要我貼三蚊再行成段路先轉到車既話，
我諗會多左人搭小巴／村巴落荃灣，
然後轉４８１系既小巴．．．．

雖然會貴ｄ，
但係人地真係快好多囉！ ...

對荃威花園居民而言，即使九巴３９Ｍ與城隧巴士線沒有轉乘懮惠，相信當中的大部分人亦會繼續乘搭３９Ｍ(或班次疏落的九巴３９A)再轉乘城隧巴士線(相信只有小部分人流失至班次疏落的荃威花園屋邨小巴)。當然，對我們這些荃灣中心居民而言，倘若沒有有關轉乘優惠的話，我們再也找不到光顧３９Ｍ再轉乘城隧巴士線的理由了；對本人而言，即使有有關轉乘優惠，基於兩者巴士線的巴士站站點有一段距離，本人至今仍然乘搭新界小巴95Ｍ再轉乘城隧巴士線而沒有享用過有關優惠。

說到新界小巴４８１系，如果要前往沙田市中心，本人會選擇乘搭九巴４８X或４9X，因為這兩線合起來的班次比起新界小巴４８１A頻密得很；要是前往火炭，那麼本人一定選擇乘搭新界小巴４８１號，４８１號的行車路線直接快捷，在正常情況下全程行車時間只需要約二十分鐘左右。

[ 本帖最後由 YC 於 2009-4-6 10:52 編輯 ]

原帖由 AVD1 於 6/4/2009 03:24 發表

若果接駁線可以為幹線帶來更大收益，盤數就唔係咁簡單 > 認同

但我上面個篇回文都講左,
對於海濱去沙田而言, 冇左 BBI
居民係唔係一樣會坐 38A, 238M > 轉車 ? (可能會有人坐 99 或行左楊屋道上 49X)

如果上面 一 ...

若果係屯元天我所講既問題會比較明顯，
因為無 BBI，相當一部份海濱 / 楊屋道居民絕對有可能改投西鐵。
(當然，就算有 BBI，好似家父咁因為貪一程車而
搭西鐵入屯門、元朗既人亦唔係無)

原帖由 238X 於 2009-4-6 11:36 發表


若果係屯元天我所講既問題會比較明顯，
因為無 BBI，相當一部份海濱 / 楊屋道居民絕對有可能改投西鐵。
(當然，就算有 BBI，好似家父咁因為貪一程車而
搭西鐵入屯門、元朗既人亦唔係無) ...

你地咪好囉，
有屯元天既路線轉乘，
我地荃景圍人要搭呢ｄ線，
往往要行落去「荃景圍天橋」度搭車，
荃中都話算近，
但係荃威就．．．．

你地海濱人，
真係會行去荃灣西站搭港鐵嫁？

談到荃景圍的交通，本人在此想談談有關新界小巴95號的服務。

新界小巴95號，班次比不上新界小巴95M，更好像沒有空車由荃景花園起載往荃灣西站(有關事項未能確定，但肯定新界小巴95M有空車由荃景花園起載往荃灣站)。

有關路線在荃灣市中心的上落客點包括：川龍街(以下車乘客為主，甚少乘客在那裡登車)、眾安街近荃灣城市中心、眾安街近三陂坊、楊屋道街市及荃灣西站。每逢需求多的時段，在三陂坊、楊屋道街市及荃灣西站經常難以登車，要前往荃灣城市中心才保證可以登車。本人母親每天均會前往楊屋道街市購買餸菜，且選擇在約八時出門，九時多至十時便回家，因為在有關時段，學生上學的人流已過，而大多購買餸菜的人沒那麼早便前往街市，可以輕易在楊屋道街市登車(一旦遲了前往街市，在楊屋道街市便難以登車，更糟的是有部分缺德的人會在那裡插隊，讓原來可以登車的人變成未能登車)。

未知各位對新界小巴95號有甚麼意見或體驗？本人希望各位可以在此分享(尤其樓主，因為樓主跟本人同樣居住在荃灣中心，相信閣下有乘搭過新界小巴95號)。

[ 本帖最後由 YC 於 2009-4-6 11:50 編輯 ]

原帖由 JC3341@31M 於 2009-4-6 11:46 發表



你地咪好囉，
有屯元天既路線轉乘，
我地荃景圍人要搭呢ｄ線，
往往要行落去「荃景圍天橋」度搭車，
荃中都話算近，
但係荃威就．．．．

你地海濱人，
真係會行去荃灣西站搭港鐵嫁？ ...

其實有沒有人可以替我們爭取新增九巴39M與九巴多條來往屯門及元朗的M線的轉乘優惠呢？有這個轉乘優惠我們來往屯門及元朗可以省下不少車費。

海濱花園至荃灣西站的距離大約相當於愉景新城至荃灣站的距離，有海濱花園居民步行往來荃灣西站不是甚麼奇怪事。

原帖由 YC 於 2009-4-6 11:47 發表
談到荃景圍的交通，本人在此想談談有關新界小巴95號的服務。

新界小巴95號，班次比不上新界小巴95M，更好像沒有空車由荃景花園起載往荃灣西站(有關事項未能確定，但肯定新界小巴95M有空車由荃景花園起載往荃灣站)。

有關路 ...

ＹＣ兄，你講中左我既心聲，
梗係即刻回應一下啦！

呢條線既設計其實都唔錯，
以循環線形式營運，
令回程唔需要再經番ｄ內街，
上番荃景圍可以快ｄ．．．．

不過，
亦都因為佢係循環線既緣故，
佢「焗住」要係荃中總站等客（公司係會同司機分賑），
結果每次都要等滿客先至開車，
即使係繁忙時間都係要咁樣．．．．

你講得好岩，
９５本身係無荃景特車既，
因為若果佢係荃景圍食唔到客，
佢係荃灣內街個ｄ都會咁上下（非繁時），
所以佢唔想個轉搵唔到錢，
結果每次都要係「客滿即開」。
佢既客量一向唔夠９５Ｍ好，
所以公司投放係９５既車都少好多嫁，
班次自然都疏ｄ啦．．．．

通常係繁忙同晚上既時間，
我都唔多會等佢，
情願等３９Ａ返上去，
因為去到楊屋道街市個邊，
通常都係得番一兩個位。

值得一提，
佢最尾個幾班車，
大多數都唔經荃灣西站嫁，
行完楊屋道之後會經沙咀道，
再轉去大涌道上愉城，
上次係西站等左足足半個鐘先有車．．．．

原帖由 JC3341@31M 於 6/4/2009 11:46 發表

你地海濱人，
真係會行去荃灣西站搭港鐵嫁？ ...

由荃灣西站行返去，通常都有至少數人「同行」。
當然我唔會話好多，只不過無論我咩時候咁做，
都唔係同一時候唯一一個咁做既人。

甚至而家都有人由荃灣西站行去荃灣華人永遠墳場拜山。