[節目推介]新一集《鏗鏘集》將探討清拆菜園村問題

仲有新界唔可以加站呢個問題，政府又無比到有力理據反駁
佢話加站會大大慢慢高鐵港段車速，但點解深圳果邊臨尾又可以加到個站呢？
呢件事真係非常耐人尋味

原帖由 053h4 於 2009-4-6 02:08 PM 發表


佢地話, 港鐵職員11月巳經在場測量
但公開件事, 話"不尊重", "要設站", 卻係2月的事
而居民又是否完全反對清拆?
(當然, 有些居民可能是完全反對清拆)

難道這段時間, 區議員, 鄉議會不知到其影響嗎?

另外, 廣深港 ...

請你睇下我篇文呀,
個班職員是無show出佢地要做測量的目的ga,
咁樣佢地點反對呢?

同意#25
我有聽聞班村民只係知有一條鐵路經過
但就冇聽過要起D咁既野同要拆村
咁自自然然就唔會反對啦(因為佢又唔係要搞你,經過炸喎,D村民都唔會理啦)
但而家"突然"有D咁既野
如果村民而家先知,緊係而家先反對啦..
唔通佢地可以預知將來咩..

岩岩睇完鏗鏘集，再翻查4月同9月廣深港線環評報告，都仍然有疑問，
第一，環評報告裡頭沒有提及菜園村，於是去中原地圖輸入菜園村，
但找不到位於石崗的菜園村，鏗鏘集裡頭亦提及只有5間屋係有業權，
其餘只係發出臨時建屋牌。
第二，4月圖則已經列車側線/救援站大約位置，9月提交有一個解像度更高圖則說明確實位置，
要興建這類設施不用想也知道一定要用明挖方式才可進行，又點會出現突然收地這情況。

相信港鐵只要交出點解一定要o係呢個位而唔o係另一個位興建可以解決爭辯，
用返海泓道例子，曾經有當區議員提出過其他方案，避免經過海泓道地底，
但港鐵在對上一次區議會大會該點列明為何其他方案不可行，海泓道是唯一方案。
接下來要做就係賠償方案，雖說港鐵/政府有權對臨時建屋牌不再出任何賠償，
但站在人情角度黎睇安排上樓已經係其中一個解決方案。

仲有一樣想提出，香港地少，任何選址都一定會影響某一些人，今次係菜園村，
但如果向某個方向移也有機會會影響另一條村，正如港鐵在節目裡提出，
係經過全盤考慮最終先會決定o係果度興建，務求將影響減到最低，
雖然明白村民出發點係一份情義結，但總會有少部份人為社會發展付出代價，
正如九龍南線/將來廣深港線/中九龍幹線都會對我自己住緊地方帶黎影響，
但呢個就係社會遊戲規則，只好相信港鐵/政府真係將影響減到最低。

[ 本帖最後由 on11358 於 2009-4-6 20:07 編輯 ]

原帖由 on11358 於 2009-4-6 20:04 發表
岩岩睇完鏗鏘集，再翻查4月同9月廣深港線環評報告，都仍然有疑問，
第一，環評報告裡頭沒有提及菜園村，於是去中原地圖輸入菜園村，
但找不到位於石崗的菜園村，鏗鏘集裡頭亦提及只有5間屋係有業權，
其餘只係發出臨時建屋牌。
第二，4月圖則已經列車側線/救援站大約位置，9月提交有一個解像度更高圖則說明確實位置，
要興建這類設施不用想也知道一定要用明挖方式才可進行，又點會出現突然收地這情況。

相信港鐵只要交出點解一定要o係呢個位而唔o係另一個位興建可以解決爭辯，
用返海泓道例子，曾經有當區議員提出過其他方案，避免經過海泓道地底，
但港鐵在對上一次區議會大會該點列明為何其他方案不可行，海泓道是唯一方案。
接下來要做就係賠償方案，雖說港鐵/政府有權對臨時建屋牌不再出任何賠償，
但站在人情角度黎睇安排上樓已經係其中一個解決方案。

頭先節目內, 教授都有講, 高鐵車廠大可以興建係菜園村的北面的私家貨櫃場上,
興建係個度地方夠大之餘, 兼且完全唔駛移動任何人口,
亦唔會嚴重影響到走線, 咁點解唔起係個度呢?

因為, 個塊係私家地, 要收地, 就要比$$原居民,
菜園村塊地呢? 政府著數囉, 幾十間屋, 原來只得5間屋有業權,
只需要比$$買起個5個屋, 其餘個d屋, 一個仙都唔駛賠, 可以直接收返.
就算講埋人情安排埋個d無業權居民上樓, 成本亦唔高.

至於知情問題上, 鄉議局, 劉皇發/張學明個d,
晨早就知道菜園村個度將會起車廠, 但係, 頭先都有站友引出資料啦,
菜園村並非原居民村落, 入面d人亦唔係原居民,
唔係原居民, 劉皇發/鄉議局就自然睬菜園村班居民都傻啦.
如果今次事件涉及原居民/原居民村落,
就算環評報告及細節未發, 發叔早就已經嘈緊啦.

所以, 今次政府收菜園村, 其實好醒,
一黎賠錢賠得少, 二黎唔涉及原居民, 唔會受到發叔反對,
配合埋勁tricky有等如無的"2個月反對期",
如果無電視台播, 真係可以成條村消失左都無人知,
如果大家唔係有睇呢個節目, 大家都未必知呢單野啦.

菜園村班居民真係好慘, 政府而家就明蝦佢地,
鄉議局又唔幫佢地, 居民大都七老八十, 上樓都唔慣啦,
我地應該幫佢地先係, 而唔係好似某d版友咁,
下下"講道理", 話咩"佢地無係有效期內反對...抵佢地"之類的言詞

睇野有時唔可以咁表面, 而家多方面都反映出,
選菜園村塊地, 唔係單純的 "地質問題" 咁簡單.