旅行團搭巴士

有好幾日夜晚八點左右搭1A,
都遇到一大班廿餘人估計來自韓國的遊客在天星碼頭上車,
佢地係有個當地領隊帶住的, 我睇唔到係咪個領隊一次過幫佢地俾錢定係點,
上車後佢地差不多佔左半個上層, 個領隊有時仲會企樓梯位作講述,
以往幾次所見,佢地都係旺角長沙街個站落車, 落晒全部人都用左分幾鐘時間,
請問呢種情況係有左好耐定係近期先有?
唔知呢D團仲有無搭其他線呢?

以前都有o架
話哂雙層巴士行走繁忙既街道, o係韓國係冇可能發生,
佢地來到香港, 都好想搭下雙層巴士.

呢個情況有咗好耐
不過我就見搭 1 號多 (同一個站上／落車, 又可以平 D)
佢地每次都可以佔左半個上層 (仲要係車頭位置)

之後去到旺角後, 部車就有大把位坐...

B2都有國內旅行團乘搭
信和出面我有時都見到有領隊/導遊帶住少量遊客等巴士

B2 , B3 系大把呢樣野 ,
當然係另一個原因啦

唔係特登比團友見識一下咩叫公共汽車
純粹出於慳錢

原帖由 天空之神 於 2009-4-25 03:13 PM 發表
B2 , B3 系大把呢樣野 ,
當然係另一個原因啦

唔係特登比團友見識一下咩叫公共汽車
純粹出於慳錢

2樣都係

以香港公車治安來說﹐係完全沒有問題的﹐所以1方面可讓遊客體會巴士之旅﹐享受雙層巴士之樂﹐又安全﹐旅客們應該都幾想的。

全球唔係很多地方有雙層巴士提供服務﹐加上香港穿梭繁忙都市更少。而香港的招牌﹐更是少中有少﹐隨時外地是找不到的。


在慳錢方面﹐不用多說﹐平均每位只是$5.00 的車費﹐同租一部車相差很遠。最重要﹐係有錢都未必找到一部雙層車去給遊客去體會一下﹐因為雙層車根本係供應不足。

這情況不單在香港才會發生，
我之前去拉斯維加斯旅行，導遊也帶我們搭Deuce雙層巴士，
車資則由團友自己付。

平過坐 BIG BUS

原帖由 1819 於 2009-4-25 04:25 PM 發表
平過坐 BIG BUS

也方便過big bus﹐最少有 2, 6, 6a 等等多條巴士線﹐班次之密﹐big bus 係做唔到。

我以前都試過跟團去「體驗」北京地鐵。