香港混能車未普及？

雖然不時聽聞有混能車型號引入香港，例如TOYOTA PRIUS，
但睇返運輸署資料，原來截至09年2月為止得23部混能車領牌(唔計政府車)，
而純粹用電力作推動得1部領牌，其餘接近40萬部私家車都係用汽油，
可見混能車o係香港唔普及，政府打算引進三菱電能車，唔知又吸唔吸引到車主去用。

P.S.按燃料種類劃分的車輛登記及發牌統計數字
http://www.td.gov.hk/FileManager/TC/Content_1999/table44.pdf

混能車我聽好多人講都話因兩個原因而卻步
1. 車價太貴
2. 舊電怕快打柴同換要好貴

我諗如果要普及，我諗要等混能系統已成為基本配備，車價同電油車無
異，就可能會普及些 (又或者以後只係得hyrid車選擇)。

以前hybrid多數見Prius多，依家好多時都見到 Estima Hybrid係街行。

舊年油價高o既時候, 好多人出prius

舊電打柴, 再花幾萬蚊去換, 條數真係唔kum計, 一陣車價等如電池價錢, 都唔花算得去邊

如果要推動混能車, 要係稅項上減免多d

原帖由 oman 於 2009-4-25 23:46 發表
舊年油價高o既時候, 好多人出prius

舊電打柴, 再花幾萬蚊去換, 條數真係唔kum計, 一陣車價等如電池價錢, 都唔花算得去邊

如果要推動混能車, 要係稅項上減免多d ...

香港人咁識計數, 如果真係有著數既, 個樣野一定賣到成行成市!

所以計過唔太花算, 就變得無吸引力

曾經有傳媒o係06年時計過, 用Prius, 假設每個月行2000km, 用5年, 同Corolla比較, 慳到油費都唔夠車價貴(多左5萬蚊).
始終混能車車價比電油車貴好多, 仲有就係電池仲係貴, 要幾萬蚊, 萬一舊電壞左要換, 真係點慳油都唔夠畀.

其實而家仲有一個原因
就係政府攪0既「環保汽油私家車稅務寬減計劃」
個計劃唔只『混能私家車』「一定有得減」
連一0的0係廠方數據中廢排同耗油低於指定標準0既『(一般)汽油私家車』都有得減
咁樣攪一攪再計埋保養成本 想混能私家車0係香港普及就難上加難...

咩私人擁有既混能車得23部咁少？點解我o係街成日都好似見好多prius？
早幾個月o係鴨寮街某鋪頭同自己部車買對霧燈，鋪頭同我約個師傅黎我
個車場度裝，個師傅都係渣prius黎。

p.s. 對霧燈買左三個月有日竟然突然唔著，想搵個師傅跟番佢竟然推三推
四(話自己唔閒)

[ 本帖最後由 fai 於 2009-4-27 13:14 編輯 ]

有人說﹐如果經常在城市行﹐經常停車起車慢駛﹐混能車較有利﹐慳到燃料。但經常行公路﹐情況則相反﹐因為都係要電+油一齊用﹐反應用的燃料更多。

如果這條數係真的﹐吸引力又大慳﹐我當拉上補下﹐唔會在燃料之上付出更多。

但車價方便係貴一些﹐又假設你慳到燃料﹐但都慳不到車價的差額﹐你會不會買?


香港地﹐除公司用途外。一般都是跨區行公路之用﹐即係慳唔到。如果只是旺區去旺區﹐一想到要泊車﹐真係坐鐵路更好﹐所以在市區內行車係少的。

原帖由 fai 於 2009-4-27 13:11 發表
咩私人擁有既混能車得23部咁少？點解我o係街成日都好似見好多prius？
早幾個月o係鴨寮街某鋪頭同自己部車買對霧燈，鋪頭同我約個師傅黎我
個車場度裝，個師傅都係渣prius黎。

p.s. 對霧燈買左三個月有日竟然突然唔著，想搵個 ...

仲有水貨 Alphard Hybrid, Lexus LS600Lh, 同埋我見有d地盤都用 prius 應該唔至廿三部咁少掛?

[ 本帖最後由 yoyotown 於 2009-4-28 00:16 編輯 ]

原帖由 yoyotown 於 2009-4-27 20:37 發表
仲有水貨 Alphard Hybrid, Lexus LS460h, 同埋我見有d地盤都用 prius 應該唔至廿三部咁少掛?

水貨最早出0既應該係Honda Insight
跟住到Estima Hybrid, Alphard Hybrid, Harrier Hybrid
LS460h好似係皇冠行貨...(仲有RX400h?)