[政府及特種車輛]
(港聞) 政府大花筒160萬購名貴房車
[複製鏈接]
|
回復 49# 的帖子
不如你suggest 一下應該換d 咩車la
又有體面, 又環保, 又平. |
|
|
|
|
其實好似又越講越遠la wor....開頭, 只是講緊前特首/vip, 唔駛買咁貴車, 用返官員的福士就夠,
之後有版友提出環保問題, 閣下又批評d福士唔環保, 官員唔以身作則......再講返LS環保, 閣下又
覺得都係太貴...再對比返, 講講下, 又話香港D 福士CC 太大/LS太貴 ...再講下講下, 原來閣下覺
得根本香港官員唔需要專屬座駕/車到港鐵站算(香港D政府OFFICE, 咁近港鐵站) , 而VIP 可以租車算
即香港政府根本唔駛買車俾官員/VIP..... @@
講真, 大家講出個人意見無問題, 值唔值就真係好主觀...自由社會當然批評都可以....亦好欣賞閣下
引用外地例子, 作討論....不過閣下不斷為左討論, 改變論點, 越講就越遠, 講下講下, 講到原來閣下
覺得香港政府根本唔需要買車...咁講咩CC, 環保, 價錢, 牌子, 名貴/不名貴, 都無意思了.... 直言, 真係
唔知點可以再討論下去...以這標準, 政府買咩車, 都係浪費吧..(因為根本唔駛買)
[ 本帖最後由 3ASV196 於 2009-5-10 08:37 編輯 ] |
|
3ASV196.KE7270
|
|
|
回復 52# 的帖子
我回應版友提出環保環節時, 係話政府D所謂環保政策做騷, 若果佢地真係咁環保, 就可以買Prius, 環保過福士.
唔講環保(環保並唔係我呢串文用意), 只提政府買車浪費唔浪費, 曾經有版友提及前特首/特首/vip等用高級一D既車出席場合冇唔妥, 否則只會影響香港(一個中國一級行政區, 與省, 直轄市同級既城市)形象. 於是我就上網睇下, 外國政府官員公務車係點配置, 先發現原來外國好多先進國家, 都已經唔再為官員配專屬用車, 而中國亦都有為官員用車定下標準. 接載外國元首時, 部份國家(例如新加坡)只會租車, 咁就引伸到, 為vip接送唔一定要買車, 租亦可以, 而呢樣野亦唔會影響到國家形象.
若果講返為前特首/特首/vip配車, 我會覺得福士輝騰3.2(本身佢都係用來取代以前既BMW 7, 而BMW 7亦同Benz S-class同級)已經可以, 一來冇違反國務院個標準, 二來亦符合部份版友提及既"要環保".
到講官員配車(若果版主覺得講官員配車已經離左呢串文既討論範圍, 我可以另開新文), 因為呢串文而上網搵, 睇下外國同中國點為官員配車時, 先發現香港政府為官員配車, 仲高級過其他先進國家/地區. 我預計到D既得利益者(即係而家已經坐緊專車既官員)會反對, 或者部份版友覺得唔為官員配車會影響到香港形象(雖然我唔認同呢點), 點為香港班官員配車, 就睇下點樣可以符合國務院個規定. 三司十一局首長(只係問責官員, 副局長/常任秘書長唔包括有內)可以坐BMW530i Executive, 零售價$648,000, 用返海關首次登記稅個表, 減除首次登記稅後, 淨售價大約係$407,000. 符合國務院個要求. 副局長/常任秘書長可以坐BMW 525i Executive, 呢隻零售價係$559,000, 減首次登記稅後, 我估大約係$359,000. 又係符合國家要求. 其他政府官員, 雖然我覺得唔應該再配專車, 佢地有工作需要時先調配公務車畀佢地, 若然有版友唔同意, 要為佢地配車, 我覺得豐田Camry 2.4都可以, 零售價$218,010, 減左首次登記稅, 要大約$159,400.
唔知各位會唔會覺得香港高官坐BMW 5會影響香港形象. |
|
|
|
|
原帖由 Alvin2002 於 2009-5-10 09:39 發表
我回應版友提出環保環節時, 係話政府D所謂環保政策做騷, 若果佢地真係咁環保, 就可以買Prius, 環保過福士.
唔講環保(環保並唔係我呢串文用意), 只提政府買車浪費唔浪費, 曾經有版友提及前特首/特首/vip等用高級一D既 ...
如果用BMW 5, 不如跟番國家用 AUDI A6啦 |
|
|
|
|
原帖由 a_drew 於 2009-5-10 10:02 發表
如果用BMW 5, 不如跟番國家用 AUDI A6啦
我有考慮過, 不過香港Audi再冇引入A6呢款型號.
若果有, 兼政府班官員唔嫌屈就肯坐, 就當然好過BMW 5, A6平過BMW 5, 平均耗油亦同BMW 530i差不多.
順帶一提, 輝騰3.2其實並唔係咁環保, 睇返廠方技術數據, 輝騰3.2 每百公里平均耗油係12.2公升, 二氧化碳排放量係293g/km,
BMW 530i每百公里平均耗油係9.3公升, 二氧化碳排放量係224g/km. |
|
|
|
|
原帖由 Alvin2002 於 2009-5-10 10:43 發表
我有考慮過, 不過香港Audi再冇引入A6呢款型號.
若果有, 兼政府班官員唔嫌屈就肯坐, 就當然好過BMW 5, A6平過BMW 5, 平均耗油亦同BMW 530i差不多.
順帶一提, 輝騰3.2其實並唔係咁環保, 睇返廠方技術數據, 輝騰3.2 ... 點解果時政府唔繼續用BMW而要轉用大眾呢? |
|
|
|
|
睇書有冇睇清楚?
同省, 直轄市同級不等於香港全完和省, 直轄市對等
另外, 自己引用的文章自己看
「因特殊公務,確需配備排氣量2.0升以上、價格25萬元以上轎車的,中央黨政機關分別由中共中央直屬機關事務管理局和國務院機關事務管理局審批;地方黨政機關由省、自治區、直轄市的主管部門審批」
排氣量並不是要硬性規定的, 而香港政府本身也有自主主權審核
原帖由 Alvin2002 於 2009-5-10 00:54 發表
香港D三司十一局首長用車, 已經用緊3200cc, 都已經超出左國務院頒布既規定. 特首/前特首/vip用混能車, 容積係細過規定呀, 不過車價又超出好多. 我理解國產車同外國進口車售價有別, 不過係唔係就可以用呢個理由呢?
中國國產車和外國進口車車價相差是十分大的
而香港就更加沒有國產車這個選項(除了My Car)
而三司十一局及VIP的用車, 之前也曾經過公開公正的投標程序
選擇了車價最低的一輛
原帖由 Alvin2002 於 2009-5-10 00:54 發表
咁香港一個特別行政區, 用車仲高級(我講呢個高級, 唔係講品牌或者設備, 係講緊容積)過省, 直轄市, 係唔係就要顯出香港係一個國際大都會?
單單cc數大了200香港就可變成一個國際大都會?
還是要看車價, 品牌或者設備再評論車子是否值得
大家心裏有數
http://en.wikipedia.org/wiki/Mercedes-Benz_S-Class#S-Guard
http://www.channel4.com/4car/ft/feature/feature/4954/
"The S-Guard is widely used at the diplomatic level to protect world leaders. Ninety governments worldwide are known to use the S-Guard for transport of government leaders and dignitaries."
一句已足夠了
另外, 再說一次
德國聯邦政府接載外國元首的VIP車輛是由德國聯邦警察管理
元首VIP車輛是要顧及便捷和安全
不可能隨便租一輛車來載VIP
就如你不會隨便租一輛車來載胡錦濤或溫家寶
原帖由 Alvin2002 於 2009-5-10 01:24 發表
兩個國家都係最高級官員(總統、總理、副總理及各部部長、國務秘書和聯邦直屬機構負責人, 總務大臣、副大臣、各局正局長以及正局級審議官可以配備專車)先有專車, a_drew版友都講香港只係一個一級行政區, 你認為一級行政區可以同一個國家既架構(套用返中國, 即係曾蔭權可以同溫家寶)相比?
再說一次
同省, 直轄市同級不等於香港全完和省, 直轄市對等
香港自己本身是高度自治的, 而並不是一個省或直轄市
清況本身不同
又, 你認為溫家寶這VIP不配坐Lexus
而只值得坐一輛隨便租來的VIP車輛?
又有沒有考慮過VIP車輛的保安問題? |
|
|
|
|
回復 57# 的帖子
你篇回文分別提及當初呢串文提及既採購前特首/vip用車及後來引伸討論既高官用車, 由於我怕有版友會覺得我越講越遠, 我就分開兩部份回應.
首先講引起討論既前特首/vip用車, 而家用緊既前特首/vip用車只係普通平治S-class, 唔係你提及既平治S-Guard, 而今次政府想換購只係Lexus LS, 故此舊有同現在打算換既, 都並唔係防彈/防爆房車, 所以呢個topic我唔考慮S-Guard. 你話招標係經過公開程序, 呢層當然啦. 但係招標時, 政府係可以事先訂立投標者產品規格, 例如汽車尺寸, 內籠設備, 引擎容積等等. 但今次政府有冇同市民公開, 今次投標佢訂左乜野規格? 會否係訂立左基本上只有BMW 7, Benz S-class, Lexus LS呢個級別先能達到既要求? 若果係咁, 政府憑乜野原因而訂立呢個規格呢? 佢有冇考慮國務院訂立既標準同香港實際需要? 還是好似你所講香港屬於高度自治, 所以唔需要考慮其他因素?
另外, 你提及溫家寶用車, 查返03年溫家寶來港訪問, 佢並唔係坐Benz S-class(即係今次政府想換果部車), 佢係坐左軚防彈BMW 7. 故此今次政府換既車, 係畀乜野級別既vip坐? 係唔係畀類似溫家寶呢個國家元首級別既vip坐, 定係畀其他級別既vip坐? 政府又係冇講. 就算我當你提及, 接載外國元首用車要特別保安設備, 今次政府想換既, 係唔係就係呢部?
到講三司十一局高級官員用車, 正如上一段提及, 招標時政府預先定立乜野規格, 又係可以斟酌. 佢有冇考慮設定引擎容積限制(例如考慮慳油, 定下要3000cc, 甚至2500cc以下)? 設備上又點訂? 佢訂立既標準有乜野級別既車可以達到要求? 呢幾樣又係冇公開.
由以上幾點, 都見到政府投標, 並冇公開向市民交待訂立既準則. 冇公開準則有一個問題, 就係市民/第三者永遠唔會得知, 招標者會唔會因應自己想預見既結果而訂立投標準則. 故此, 雖然話輝騰贏左高官用車投標, Lexus係得到前特首/vip用車投標, 但政府在招標時, 有冇考慮應用則用, 節約呢個因素呢?
點解我再提"節約", "應用則用"呢個因素, 係因應我開呢串文既原意, 就係想討論政府係唔係大花筒. |
|
|
|
|
回復 58# 的帖子
政府一日做咁多野, 無可能全部公開, 但你要問到o既問題, 直接比個立法會議員, 入紙問政府物流署la.
佢地做得出, 就唔怕公開, 合唔合理就後話.
不過預期o既回覆都係:
物流署內部有既定指引規管政府車輛更換事宜, 政府車輛是以行車里數為換車標準.
而各級官員配車級數是以官階而定, 一般而言, 較高級官員會獲配較高級車輛, 較低級官員則獲次一級車輛, 有部分官員更會獲發政府私人司機.
現時物流署會根據指引購置車輛, 指引列明購買車輛時考慮的因素, 如環保, 價錢及性能等.
我覺得買兩架LX450h, 唔算係大花筒, 只係買兩架, 又唔係買廿架, 買兩百架就真係大花筒la.
VIP 用車, 話名VIP, 梗係高級d. 既高級又環保(少排廢氣o既) 咪得返凌志. |
|
|
|
|
原帖由 Alvin2002 於 2009-5-10 16:04 發表
由以上幾點, 都見到政府投標, 並冇公開向市民交待訂立既準則. 冇公開準則有一個問題, 就係市民/第三者永遠唔會得知, 招標者會唔會因應自己想預見既結果而訂立投標準則. 故此, 雖然話輝騰贏左高官用車投標, Lexus係得到前特首/vip用車投標, 但政府在招標時, 有冇考慮應用則用, 節約呢個因素呢?
有關招標, 詳見以下網址
http://www.emsd.gov.hk/emsd/chi/tenders/detail.shtml
並不如你所說「冇公開向市民交待訂立既準則, 市民/第三者永遠唔會得知, 招標者會唔會因應自己想預見既結果而訂立投標準則」
原帖由 Alvin2002 於 2009-5-10 16:04 發表
首先講引起討論既前特首/vip用車, 而家用緊既前特首/vip用車只係普通平治S-class, 唔係你提及既平治S-Guard, 而今次政府想換購只係Lexus LS, 故此舊有同現在打算換既, 都並唔係防彈/防爆房車, 所以呢個topic我唔考慮S-Guard
請再看看我的回覆
我引用Benz是指出Benz是由多國政府採用
用作接載元首/政要之用
而非你所指的「隨便租一輛車」
原帖由 Alvin2002 於 2009-5-10 16:04 發表
另外, 你提及溫家寶用車, 查返03年溫家寶來港訪問, 佢並唔係坐Benz S-class(即係今次政府想換果部車), 佢係坐左軚防彈BMW 7. 故此今次政府換既車, 係畀乜野級別既vip坐? 係唔係畀類似溫家寶呢個國家元首級別既vip坐, 定係畀其他級別既vip坐? 政府又係冇講. 就算我當你提及, 接載外國元首用車要特別保安設備, 今次政府想換既, 係唔係就係呢部?
不同地方來的人有不同的保安需求
警方會有適當評估
而非只要是國家元首/政要就坐防彈車
而且防彈房車比一般房車重
也比較耗油
當然不會在不需要時採用
而對不同的元首/政要保安評估
當然是不會公開的
原帖由 Alvin2002 於 2009-5-10 16:04 發表
佢有冇考慮國務院訂立既標準同香港實際需要? 還是好似你所講香港屬於高度自治, 所以唔需要考慮其他因素?
再說一次
香港自己本身是高度自治的, 而並不是一個省或直轄市
香港政府的行政管理工作也並不是從屬於國務院體制下
請不要像早前把RR和Lexus視作同級般
混為一談
PS: 從你的文章知道
你自己本身已經有個預定的答案
然後才再來「討論」
而且你不少文章都加上了十分主觀性的評論/論點
這似乎並不是一個正確的客觀討論方式
希望你多加留意 |
|
|
|
|
|
Advertisement
Advertisement
Advertisement
Advertisement
Advertisement
|