(港聞) 政府大花筒160萬購名貴房車

我個預定答案(即係個人意見)一向好清晣, 就係前特首/vip(非防彈用車)唔需要用Lexus呢隻級別既車, 由我第一篇文已經咁講, 我之後亦搵左幾種唔同理由(例如國務院標準, 節約等)去支持我既見解.
你及部份版友亦用左唔同原因(例如"香港政府也不是一般地方政府", 影響香港形象等)去反對我呢個睇法.
不過當我問持呢D意見既版友(包括閣下)時, 又係你地回答"香港、澳門係特別行政區係中華人民共和國之國家一級行政區, 同省、直轄市、自治區係同級". 但當我搵到國務院文件, 解釋省/部等用車有標準時, 你就即刻改口為"同省, 直轄市同級不等於香港全完和省, 直轄市對等", 點解你會改口, 而唔係一早答"香港級別並不等同省, 直轄市"? 定係因為你都預先設定左答案, 覺得買Lexus做vip車係值得或者應該, 所以當我搵到理由反駁你既理據時, 唯有改口?
至於RR同Lexus, 我一路冇當佢同級, 係#38文章內, 版友提到前港督已經坐緊RR同Daimler, 我在#39先講可能有人覺得值得由納稅人出錢買RR"或"Lexus畀前特首/vip坐, 我冇講過兩者係同級, 希望你唔好由#42開始就混淆視聽.
另外, 你提到既機電署網頁, 有冇提到我講既投標設定準則? 我在#57中, 提到"政府係可以事先訂立投標者產品規格, 例如汽車尺寸, 內籠設備, 引擎容積等等. 但今次政府有冇同市民公開, 今次投標佢訂左乜野規格?", 我睇返機電署網頁招標通告同憲報公報既批出合約告示, 類似呢類投標都係冇提到既. (http://www.gld.gov.hk/cgi-bin/gl ... .cgi?lang=c&year=2009&month=3&day=27&vol=13&no=13&gn=2002&header=1&part=0&df=1&nt=gn&newfile=1&acurrentpage=12&agree=1&gaz_type=mg) 若果你可以, 咁最好可以搵到資料, 解釋下呢類內容喇.
你提到維基搜尋果段介紹, 本身只係講S-Guard, 我已經講左今次唔關S-Guard事, 既然你執著於用呢段介紹, 咁唯有就討論下.
"Ninety governments worldwide are known to use the S-Guard for transport of government leaders and dignitaries", 照譯就係"世界各地90個政府採用S-Guard接載政府元首及政要", "use"並不等如"own", 租返黎接載, 就唔係"採用"? 定係你quote呢句係想講90個各地政府已經採用緊Benz S-class接載政府元首, 而因為已經有90個政府採用緊Benz S-class, 香港政府就要用返與S-class同級既車? 若果係呢個意思, 咁又變成還原基本步, 去返第1篇文既問題, 要討論下香港有冇呢個需要喇.
不過觀乎咁多篇文, 其實都好明顯, 就係閣下認為香港政府用S-class或同級車輛接載前特首/vip係冇問題, 而我就覺得冇呢個需要.

原帖由 Alvin2002 於 2009-5-10 16:04 發表
首先講引起討論既前特首/vip用車, 而家用緊既前特首/vip用車只係普通平治S-class, 唔係你提及既平治S-Guard, 而今次政府想換購只係Lexus LS, 故此舊有同現在打算換既, 都並唔係防彈/防爆房車,  

於2007年曾蔭權競選連任乘座行政長官座駕視察競選總部時，引起公眾迴響，其後他的競選辦回應和他自己本人解釋都明確表示「基於保安及通訊的要求，於準備參選及競選期間仍可續用特首專用座駕」。

因此有理由相信「前特首/vip用車只係普通平治S-class」那麼簡單，當然車輛配備如何相關機構亦不會正面回應，無可厚非始終涉及保安策劃問題。

原帖由 Alvin2002 於 2009-5-10 19:30 發表
我個預定答案(即係個人意見)一向好清晣, 就係前特首/vip(非防彈用車)唔需要用Lexus呢隻級別既車, 由我第一篇文已經咁講, 我之後亦搵左幾種唔同理由(例如國務院標準, 節約等)去支持我既見解.
你及部份版友亦用左唔同 ...

前特首/vip是(非防彈用車)只是您的假設而已

原帖由 stagecoach 於 2009-5-10 19:40 發表


前特首/vip是(非防彈用車)只是您的假設而已

我第一篇文引用既報紙報導, 已經寫明被取代既係平治S320L, 而S-Guard(防彈版S-class)係用5513cc V12 518匹引擎, 等同S600級別, 所以前特首/vip而家用緊果兩部Benz S-class唔係防彈車並唔係我假設.

原帖由 oman 於 2009-5-10 16:52 發表
政府一日做咁多野, 無可能全部公開, 但你要問到o既問題, 直接比個立法會議員, 入紙問政府物流署la.
佢地做得出, 就唔怕公開, 合唔合理就後話.

不過預期o既回覆都係:
物流署內部有既定指引規管政府車輛更換事宜, 政 ...

立法會議員曾經06年問過政府, 曾經都有回應既 (http://www.info.gov.hk/gia/general/200610/25/P200610250274.htm, http://www.info.gov.hk/gia/general/200611/15/P200611150109.htm), 個人覺得政府係意見接受, 態度照舊.

原帖由 Alvin2002 於 2009-5-10 20:06 發表


我第一篇文引用既報紙報導, 已經寫明被取代既係平治S320L, 而S-Guard(防彈版S-class)係用5513cc V12 518匹引擎, 等同S600級別, 所以前特首/vip而家用緊果兩部Benz S-class唔係防彈車並唔係我假設. ...

同意！報導已經寫明被取代既係平治S320L，但由此至終只是您就 S320L、S500L或 S600L 等等級別介定而言把S-Guard(防彈版S-class)與S600劃上等號，基於現時仍然沒有更多關於這兩輛汽車的規格資料，而且亦是就一般情況而言「廠商出售S-Guard是採用S600規格」來推斷，「而家用緊果兩部Benz S-class唔係防彈車」相信仍是您的假設，因此暫時不能一錘定音，斷然確定。

當然，該兩輛 BENZ S320L 汽車的準確規格資料，本版暫時也未能指出。小弟所提出的是既然是前特首/vip用車，
根據保安要求，規格與普通版本會有所出入而已。

原帖由 stagecoach 於 2009-5-10 20:43 發表


同意！報導已經寫明被取代既係平治S320L，但由此至終只是您就 S320L、S500L或 S600L 等等級別介定而言把S-Guard(防彈版S-class)與S600劃上等號，基於現時仍然沒有更多關於這兩輛汽車的規格資料，而且亦是就一般情況而言「 ...

嘗試過搵憲報資料, 不過由於政府網頁只保存自2000年5月開始既憲報, 所以我搵唔返10年前買呢兩部S320L既公布, 亦冇呢兩部車既詳細規格.
若果報紙報導屬實, 您會唔會認為10年前政府可以用78萬買一部防彈平治? 又或者您有冇資料, 推斷到呢兩部S320L係防彈規格?

我覺得政府買呢兩架車嘅用意係推動市民去用環保車, 而同類型車輛選擇有限, 一係低檔次嘅pirus, 一係Lexus咁上下級數嘅.
有時候政府做野唔可以吓吓單睇數字, 要睇吓佢嘅意義

原帖由 Alvin2002 於 2009-5-10 21:49 發表


嘗試過搵憲報資料, 不過由於政府網頁只保存自2000年5月開始既憲報, 所以我搵唔返10年前買呢兩部S320L既公布, 亦冇呢兩部車既詳細規格.
若果報紙報導屬實, 您會唔會認為10年前政府可以用78萬買一部防彈平治? 又或者您有冇資料, 推斷到呢兩部S320L係防彈規格?

樓主願意花時間去搜尋資料，追尋事實的真相，令文章更具閱讀性，值得一讚。

回正題，其實我上文已經答咗啦！

現在提供一些實質資料留待大家判斷。首先前任行政長官董建華於1997年7月1日是乘坐掛有區徽的黑色 Benz W140 S-Class 抵達政府總部，此車現時仍作行政長官後備車之用（注意：現時所討論的 AM142 及 AM143 是深藍色的），因此可以肯定政府內 Benz W140 S-Class 不只兩部，甚至更多。

至於價錢問題，曾是行政長官座駕的 Toyota Century GZG50（現時的 AM145）於1997年尾服役，它的到來曾是香港一大盛事。首先豐田代理一直以來沒有引入該款車系，所以本地人對此車帶點陌生，其次被選為行政長官用車又成為傳媒焦點，最後代理運用宣傳策略，不予傳媒試車，又限量發售，令 Century 神秘起來，因此每逢有關 Century 的新聞都令傳媒爭相報導。至於車價方面，基於不用繳交任何稅項，這輛 Century 香港政府只需港幣55萬便埋單收場。至於小弟會否認為十年前政府可以用78萬買一部防彈平治呢？小弟的定調仍是既然是前特首/vip用車，根據保安要求，規格與普通版本會有所出入而已。所以小弟才會提出前特首/vip是(非防彈用車)只是樓主的假設而已。

[ 本帖最後由 stagecoach 於 2009-5-11 11:42 編輯 ]

原帖由 Alvin2002 於 2009-5-10 10:43 發表


我有考慮過, 不過香港Audi再冇引入A6呢款型號.
若果有, 兼政府班官員唔嫌屈就肯坐, 就當然好過BMW 5, A6平過BMW 5, 平均耗油亦同BMW 530i差不多.

順帶一提, 輝騰3.2其實並唔係咁環保, 睇返廠方技術數據, 輝騰3.2  ...

代理冇入MODEL 唔代表唔可以特別要求引入的!

同埋AUDI本身係同BMW, MERCEDES同級.. 有幾屈就??

[ 本帖最後由 a_drew 於 2009-5-11 18:00 編輯 ]