[新聞] 港深機鐵列車三分鐘一班

原帖由 053h4 於 2009-5-9 10:47 發表
香港注定都"送客"比內地啦, 不過, 唔係因為機場鐵路
講真, 向北美一定要經過內地航空區, 內地班次只會越多而唔係減少
而家人地重唔增開國際航線, 某程度上只係怕一次過開影響到香港
就如深圳飛台灣, 一星期只批十班, 根本就唔夠
不過, 過多一年, 航班再增多, 真係唔知香港點啦

香港人都係到內地轉機, 同樣都唔係因為機場機鐵
是因為內地的鐵路系統同香港的鐵路系統接駁
內地有機場快軌性質的穗莞深深圳段, 會駁去褔田站
褔田坐地鐵港鐵到香港, 對新界根本時間就同香港機場相近

好多大城市都有2個或以上機場，
一個做國際，一個做國內，
點解香港/深圳唔可以??

千幾萬人口，
一個機場冇可能自己做哂國際/國內，
深圳剩係做國內已經夠佢食，
佢要做埋國際，要起多幾多條跑道先夠??

同埋深圳係要聽命中央，唔同香港咁自己境內鍾意做乜都得，
根本一個國家就係要咁樣協調，好似東京/橫濱以及大阪/神户咁，
中央話一，深圳唔可以話二

原帖由 053h4 於 2009-5-9 12:14 發表
零影響? 現時青衣站上車的, 都是只係往青衣?
而且, 不少人本來就坐車去東涌轉, 一程西鐵明顯更快

西鐵能深入尖沙咀中心地帶, 轉乘亦更方便

同埋我好懐疑有幾多人係青衣站俾$60上車去機場，
有嘅都好大機會係有機場快線優惠嘅機場員工

以港島區計，
機場快線車程係有絕對優勢，
西鐵對佢一定零影響

以九龍區計，
雖然尖東站就有西鐵去機場，但點都要番45-50分鐘車程；
機場快線九龍站去機場只需20-22分鐘，仲有免費酒店shuttle，
西鐵對於d唔介意俾貴去換取服務同速度嘅機快乘客黎講，依然冇乜優勢

有平點到點巴士唔搭，走去搭貴機場快線，
你認為佢會去搭西鐵??

不過西鐵就絕對有機會搶到A11/A21客，因為好大機會平d兼快少少

所以西鐵拉去機場，只係會吸引小市民搭，即係搶巴士客，
對機場快線唔會有影響

原帖由 Kaix 於 2009-5-9 12:38 發表

好多大城市都有2個或以上機場，
一個做國際，一個做國內，
點解香港/深圳唔可以??

千幾萬人口，
一個機場冇可能自己做哂國際/國內，
深圳剩係做國內已經夠佢食，
佢要做埋國際，要起多幾多條跑道先夠??

同埋深圳係要聽命中央，唔同香港咁自己境內鍾意做乜都得，
根本一個國家就係要咁樣協調，好似東京/橫濱以及大阪/神户咁，
中央話一，深圳唔可以話二

你講得岩呀, 無話唔可以有兩個機場ge, 無話唔可以分工ge,
只不過深圳唔肯單做國內航線之嘛,
人地深圳又唔係無實力做國際線, 點解要聽你香港話呢?
調返轉呀, 香港專做國內航線, 深圳做國際線, 香港機場咪一樣唔肯,
大佬, 利潤差幾多倍呀真係....

做埋國際線, 咪起多幾條跑道囉, 寶安機場有地方又有錢, 擴建有咩問題?
講到擴建, 香港機場反而先係最有問題, 地方有限, 錢又難批.


你覺得大陸真係會處處保香港?
如果照你的邏輯, 大陸就唔會發展上海為國際金融中心啦, 既然香港都有一個啦, 仲發展多個做咩?
由呢一點已經睇到, 大陸唔係一定保香港ge.

深圳係聽命於中央, 但香港都係! 邊個話香港係境內鐘意做咩都得?
中國外交部一開聲, 香港都要即刻放班隔離中的墨西哥旅客走啦.
中央話一, 深圳同香港都唔可以話二,
中央唔駛搞香港機場ge, 中央只要批准深圳機場經營更多國際航線,
香港機場就會被市場力量自動打殘,

原帖由 AVW56 於 2009-5-9 01:35 PM 發表


你講得岩呀, 無話唔可以有兩個機場ge, 無話唔可以分工ge,
只不過深圳唔肯單做國內航線之嘛,
人地深圳又唔係無實力做國際線, 點解要聽你香港話呢?
調返轉呀, 香港專做國內航線, 深圳做國際線, 香港機場咪一樣唔肯,
...

唉!
香港好快玩完

原帖由 053h4 於 2009-5-9 13:02 發表
高速鐵路是可替代不少國內航線的
深圳是否做國內巳經夠食, 我就唔係好信啦, 事實上, 只要兩岸航空再增加
香港轉機的需求再跌, 深圳同香港接口再做好一點
中期上海北京廣州等大城市再增加國際航班

香港的國內國際航線需求都會跌

日本新幹線咁發達，但東京羽田機場一樣繁忙，
中國咁大咁多人，咁多地方仲係發展中，
國內城際交通需求只會有增無減，潛力無限

香港根本就應該預左上海北京增加國際航班，
冇理由明明去大阪，但叫人經大阪上空去東京再轉機番轉頭，
人地東京有冇嘈大阪開國際航線搶佢客??

香港應該要驚廣州機場，好過驚上海北京