d細路咩事..??

原帖由 S3BL100 於 2009-5-19 00:13 發表

呢位板友的確係非常串咀，但係我又覺得佢講既野好多時都好有insight，
只係因為unorthodox，大家先唔接受。

淨係呢樣我已經頂佢唔順, 當然佢咁講
有佢o既見解. 不過我唔希望有呢o的令
人作嘔o既回應出o黎, 否則只會盞會引
起罵戰.

講真, 依家o的細路之所以咁反叛, 完全
唔關西方(思想)事, 可能係物質上或者
係大眾媒體上(唔係咩節目都咁差)或者
某某雜誌所影響, 又或者過去廿年, 生
活好o左, 都會令依家o的細路o既思想
有變. 佢地唔同我地細個果時, 我地只
好教佢地提佢地先會令佢地成長嘛.

[ 本帖最後由 a396 於 2009-5-20 01:18 編輯 ]

原帖由 238X 於 2009-5-19 13:00 發表

Just some off-topic discussion about the words...

As far as I get, "irony" usually refers to some kind of facts
that look ridiculous, while the noun describing the speech
concerned is "sarcasm".

F ...

I think 'sarcasm' should be the more appropriate word in this case; 'irony' is more often used to refer to events.

原帖由 血肉長城 於 2009-5-19 23:07 發表

刻意講些同主流意見不同的說話, 有邊個唔識?

問題係有冇必要咁做之嘛

刻意與否我不肯定，不過我恐怕大家（包括我在內）應該學習一下如何接納別人不中聽的說話。
（接納 =/= 認同）

樓上將westernisation揣譯成受西方思想影響，
又誤以為我將責任推在西方上，
甚至話我刻意講些同主流意見不同的說話

westernisation即係西化，
西化只係代表左越黎越似西方，
但西化並唔係必然指受西方影響下嘅轉變；
正如我話你性格越黎越似A君(即A君化)，
並唔係必然指你受A君影響下而性格出現轉變

正所謂殊途同歸，
即使香港與西方嘅發展歷程同時間大不同，
即使香港要比西方遲幾十年才去到發達程度，
但社會轉變過程還是相近，只係發生時間不同，
所以香港近年青少年問題的確越黎越似西方(即西化)，
當然仲有排都未去到西方青少年反社會嘅地步

西方國家因比香港早廿年出現青少年反叛及家長懦弱問題，
加上西方人熱愛無拘無束，唔鍾意有規矩，
所以現時西方國家情況比香港惡劣幾十倍，
基乎連公眾地方大聲喝罵子女都係犯法，但西方人唔認為咁好有問題，
社會上亦冇批判地討論青少年問題，咁樣啱唔啱我唔深究

其實我個一個回覆，只係諷刺(部分)香港人以為西方教育好完美，
所有香港嘅教育問題都唔會係西方出現，香港有問題即係西方無問題等等嘅無知思想，
當香港有某d問題就唔經大腦話要移民，唔諗下外國係咪都有同樣問題甚至更惡劣，
所以點解香港移民率高但回流率亦高，就係因為決定移民前冇仔細了解當地情況

當然有d人就係因為外國差先鍾意外國(好似我)，
我寧願生活在要求低但正面有朝氣嘅社會，
都唔想生活在明明好好都要話好差、事事不滿、單元思想、充滿怨氣嘅社會

[ 本帖最後由 Kaix 於 2009-5-20 12:43 編輯 ]

曾經o係某間學校帶隊去維園，
學校怕學生負擔重，所以唔租車去。
我同埋一位老師帶住12個學生搭嶼巴38轉地鐵去維園參加個作家講座。

有個女學生6年級，佢就成日繞住我隻手，我叫左佢好多次唔好繞我，
甩過佢佢又走埋黎話驚當失路……
果陣到左銅鑼灣站，我再次叫佢唔好繞我手，佢就講左一句說話
：「你唔好亂講野呀，呢度係銅鑼灣站，我大聲叫非禮睇下會點？
呢度咁多人，校長知道一定信學生架。」

聽完真係火都黎埋，真係好想兜巴星埋。如果佢真係大叫果下真係唔知會點，
又可以真係有人以為我非禮佢就死law，我係清白我當然唔怕，但整單咁既野都可能花我好多時間同埋影響學校。

我果下唯有唔出聲甩開佢。再同個老師反映......呢家d小朋友真係......

唔單止串咀,今日見到有個男仔無啦啦聊陌生女子,問佢一陣去邊食飯
咁細個追女仔

原帖由 血肉長城 於 2009-5-19 23:07 發表



刻意講些同主流意見不同的說話, 有邊個唔識?

問題係有冇必要咁做之嘛

何以見得是刻意呢？討論版是大家發表意見的平台，人人意見相同便不能運作。希望大家尊重別人的意見，還有謹記真相不是由採納人數多寡而定的道理。

我還是一開始便覺得樓上是在諷刺某些人的崇洋心理。當然，我對部分人的思維也有類似的意見，但還是請注意時間地點場合吧！

多言了！

[ 本帖最後由 ArnoldC 於 2009-5-21 01:55 編輯 ]

原帖由 N38 於 2009-5-20 14:26 發表
曾經o係某間學校帶隊去維園，
學校怕學生負擔重，所以唔租車去。
我同埋一位老師帶住12個學生搭嶼巴38轉地鐵去維園參加個作家講座。

有個女學生6年級，佢就成日繞住我隻手，我叫左佢好多次唔好繞我，
甩過佢佢又走埋黎話驚當 ...

果度係銅鑼灣站先至唔驚, 如果佢真係嗌左非禮, 有路人睇唔過眼, 個細路的手尾就會好長, 下次再遇到呢個情況, 或者試下大聲罵佢, 話如果咁樣警察可以告佢報假案, 一來引路人注意個細路的惡行, 二來睇下佢有咩反應(相信佢再串嘴, 就有大把証人睇住佢表演), 加上有同行的另一位老師, 佢返到學校更加解釋唔到的.

呢個情況, 其實坐巴士比坐地鐵易控制, 當然很多時都有很多限制同變數.

你果間都已經有d咁野, 我果度都唔係好得去邊(你知我同你間學校好近架啦)
我貼呢篇文前15分鐘先至鬧完學生黎.
班學生返黎返興趣班, 叫佢地排隊, 佢地就響個操場走來走去, 之後有個P.5肥仔走埋黎, 話要去廁所, 我話點左名先, 佢於是係咁響我面前叫, 終於我要鬧到佢DUB埋塊面......
不過其實好多係因為呢條村的問題, 好多學生未見過世面, 少出外, 試過帶三個學生去灣仔小童群益會領獎, 去程搭地鐵, 個P.3細路(其實係上述俾我鬧果個, 不過係2年前)竟然唔知地鐵唔俾食野, 之後回程搭E11, 佢竟然一支箭衝過維景酒店同益新美食館之間的軒尼詩道, 車程中, 更問「吉野家究竟係咩黎架...... 」
好多時都會在放學後聽到學生來電, 竟然係打來找老師問功課, 甚至走來學校話漏左張工作紙, 勞煩職員帶佢上樓.
加上家長好多時太寵小朋友, 例如小朋友忘記帶功課回校交給老師, 就拎到學校校務處, 老奉到叫職員即刻拎上去, 學生參加左一些按月交費的活動, 派通告通知交錢, 跟住就話老師冇派(其實係個細路收埋唔拎出來), 來拖欠學費, 到真的過了期, 就話你唔派通告, 家長交完錢, 又唔Keep收據, 有咩事果陣口同鼻拗.

其實呢d野, 有時係要個小朋友嘗試下被人罰的滋味, 咁下次才會小心, 咁樣服務佢地, 盞佢地第時冇出色.

[ 本帖最後由 gordon 於 2009-5-22 16:55 編輯 ]

原帖由 gordon 於 2009-5-22 16:01 發表

果度係銅鑼灣站先至唔驚, 如果佢真係嗌左非禮, 有路人睇唔過眼, 個細路的手尾就會好長, 下次再遇到呢個情況, 或者試下大聲罵佢, 話如果咁樣警察可以告佢報假案, 一來引路人注意個細路的惡行, 二來睇下佢有咩反應 ...

而家邊會有路人會咁留意身邊發生既事, 仲會有"睇唔過眼"既反應?

打人仲有得話驗傷去辨別, 非禮就真係口同鼻拗 ,
不過我又諗唔明果個女生點解會纏住板友隻手...?