[女人天下]顯示絲帶台編輯質素

因為老婆追開既關係, 每一晚"女人天下"小弟都有幸觀賞.

但係點解睇左咁多集, 而家先至講? 正因為睇左咁多集, 先至發覺佢既缺點越來越多, 越來越差.

"女人天下"呢套韓劇, 係沿自韓國李氏皇朝歷史而寫, 個故仔本身冇乜問題, 但小弟發覺絲帶台整到套劇有以下問題:

1. 名不副實--劇名"女人天下", 開始時以為真係由一班女士操縱哂整個皇朝, 結果原來唔係;

2. 編輯差劣--相信大家睇過"大長針"或者"呢道"既觀眾都覺得, 三色台處理畫面唔算十分出色, 但算令人睇得舒服; 但唔知點解, 絲帶台好鍾意將演員個面孔PAN到好近好近, 連個演員D"月利"胎, 明瘡, 甚至鼻毛都異常清晰, 尤其是影住敬嬪個衰樣時, 十分難頂!

3. 間場畫頭都偷懶--係咁咦影住紅隧出口條ADD當間場, 少少心機都唔肯花, 唔係呀化?

4. 今時今日仲出人物介紹--播到尋晚, 每次一轉鏡頭, 仍然見到畫面打出: "敬嬪朴氏, 尹元衡--皇后的二哥"呢D人物介紹, 唔係掛? 驚我地唔記得?

5. 剪輯水準不高--中間不少悶場其實可以先剪之而後快, 但係唔知係咪絲帶台冇$$請剪接, 睇落成套劇好似係原汁原味版, 完全不加刪剪, 播到70集, 仲好似唔多想停......

三色台又唔爭氣, D劇喪悶! 如果唔係夫人鍾意睇的話, 一早瞓左!

除非果晚出街唔得閒
我娘親好鐘意睇呢套劇
晚晚都要追...

我一向對古裝劇冇興趣
所以冇睇...

[ref=355730]kmb71k[/ref]  在 2005-8-30 19:02 發表:

除非果晚出街唔得閒
我娘親好鐘意睇呢套劇
晚晚都要追...

我一向對古裝劇冇興趣
所以冇睇...

絲帶台想食住"大長針"個勢, 可惜唔夠班......

呢套野

我屋企人 o既意見得一個--

D人好醜樣#

[ref=355832]60M[/ref]  在 2005-8-30 20:36 發表:

呢套野

我屋企人 o既意見得一個--

D人好醜樣#

成套戲淨係得梅香("E道"裏面既恭嬪娘娘)比較靚.

1)如何名不符實? 個故事主要係講眾女角為生存同權力而勾心鬥角,
其他男角既劇情只係輔助性質, 穿針引線, 叫女人天下有咩問題?

2)如果你批評亞視既形象質素仲合理d, 但拉近鏡令角色顯得大頭呢樣野,
你肯定係亞視既傑作咩? 就算係, 利胎毛孔呢d野係人都有, 而你唔鍾意
演敬嬪娘娘果個演員只係你既個人喜好, 並唔係亞視既畫面處理差劣,
仲有唔知你去戲院睇戲, 見到d角色咁大頭又會唔會嗌救命呢?

3)亞視d片頭同間場都已經最少換過一次, 況且只要達到所需效果就得啦,
來源係邊度都可以俾你批評一番?

4)一套150集長劇(自亞視將1集由個半鐘剪接成1個鐘之後應該更加唔只150集)
可以有好多觀眾由中途加入收睇, 新觀眾係唔會清楚每個角色既姓名背景,
即使係原有觀眾亦有機會因為角色眾多而混淆, 請記住一套好既劇集並唔係
只照顧你一個觀眾既需要.

5)請恕我不認同呢種食快餐既心理, 既然香港既電視台拍唔出外國咁高水準
既劇集, 如果亞視學似無線咁連外購劇都剪接到草草收場, 只會令外購劇既
其中一個成功因素都被抹殺, 演員最能發揮深厚演技既片段, 觀眾偏偏無緣
欣賞, 咁同自製劇又有咩顯著分別? 香港演員從何吸收他人之長處? 長此下去
香港觀眾根本唔會再在乎劇集質素, 實在唔係觀眾之福.

希望樓主既文章唔係對台不對事

《女人天下》係由韓國 SBS 電視台製作,
畫面經常 Pan 埋去演員塊面度關亞視咩事呢?

至於打出字幕提醒觀眾劇中人物的名字,
亦都係製作韓國長篇古裝劇 (大河劇) 的指定動作.
原因就係呢類劇集集數多, 出場人物多,
兼且在韓國播映時係一星期只播兩集.

韓國劇集向來節奏都係慢,
而且製作手法一定同香港唔同,
好定唔好就見仁見智.

女人天下和大長今有個共同點，也是改編在中宗時代，不過女人天下在中宗廢后前，大長今在中宗廢后之後，

都係我媽媽要晚晚追..... 悶死人!!!

..... 可能係絲帶台高層看過太多(重複又重複, 次次差不多) "懶精" 聲淚俱下的片段: 點解係唔肯相信我!!! 我做咩野你先至可以相信我呀!!!!! " , 便相信買入此片足本播, 收視一定得!!

[ Last edited by DD2113 on 2005-8-31 at 00:43 ]