四座位的士唔受歡迎

上幾日同幾個的士車主食飯,席間講開換車問題,佢地異口同聲都話唔換車住,我已為經濟唔好所以佢地唔換車,但係佢地都話的士車主換車天經地義但現在未係時候,我問點解?佢地話四座位的士唔受司機歡迎,少左一個位做少左生意邊個肯制,一日一支旗五個人 計你車錢$20,30日X$20一個月少左$600收入,仲未計加左車租...司機唔租車主都抱觀望態度!豐田個邊現在都諗緊計想出番歐四D車.......日產果邊又想嚟番的士,現在的士市場真係七國咁亂.

逼使代理引入更符合市場需要既車, 先係消費者群最希望得到既野~

咁講法日產(合誠)有機會再有新的士
雖然佢副石油氣偈出力唔夠 但就勝在「五座位」

豐田想出歐四... 但汽油又貴 柴油又未必出到牌
皇冠/豐田仲有排頭痕

原帖由 perevia 於 2009-5-23 17:56 發表
現在的士市場真係七國咁亂.

來來去去都係金豐... 真係願聞其詳

我想知大眾同現代係唔係引入的士??

原帖由 JN6854 於 2009-5-23 19:18 發表
咁講法日產(合誠)有機會再有新的士
雖然佢副石油氣偈出力唔夠 但就勝在「五座位」

豐田想出歐四... 但汽油又貴 柴油又未必出到牌
皇冠/豐田仲有排頭痕 ...

日產的士而家都唔知過唔到香港的廢排要求, 之前最後一批都係歐三年代, 而家想入都未必得. 就算撇除呢點, 在耐用性, 零件供應及車租都唔及豐田優勝, 車主就最重視呢幾項, 一比之下會點揀? 淨係睇巿面好多原本好新淨的實力的士都湯, 寧願換部細鏡舊金豐就知道係咩原因啦! 而且合誠近年都對的士小巴巿場一點都唔積極, 架石油氣小巴試過反應係唔錯, 但都無乜跟進, 連柴油版做旅遊車都唔入, 將原本可以三分天下的24-29座巿場都送晒比兩個對手.

Y31有個好大的缺點, 令一些高大的司機及外籍乘客唔歡迎, 就係頭位好窄, 如果係坐長途, 佢地未必會坐, 司機位就成日俾塊大陽擋阻住視線, 好唔自在, 所以每更車租平三十蚊都唔要, 再計埋車租, 每更平三十, 一日就六十, 如果租足三十日, 一個月少收千八, 每月偈油水, 車胎, 維修費都唔使咁多!

有人成日話金豐成日唔轉款, 但講真, 呢隻Y31早在銀禧皇冠年代 (1991) 已經係咁樣, 而且只係從舊Y31 (1987年出, C柱有窗仔) 略作修改而來, 22年車反而無人話佢唔轉款, 我覺得有點唔公平囉! 不過對業界而言, 少轉款反而係優點, 至少二手零件夠多, 日本的士一般只用七年, 之後就有人買返嚟拆零件, 維修費會慳好多!

原帖由 a_drew 於 2009-5-27 12:16 AM 發表

來來去去都係金豐... 真係願聞其詳

我想知大眾同現代係唔係引入的士??

現代  => 一般都唔會有人考慮﹐品牌估有率太低﹐而且主力是低檔(雖有四駒大車﹐但都是比較低檔)。

大眾 => 歐洲車﹐雖有國內生產但只供內銷﹐一般比較大食。


而2個品牌都面對相同問題﹐便是零件供應及維修。

日本車多其他代用零件﹐主要是多人用才可做到。而且﹐由於多人用﹐變相也有很多車行懂修理﹐整車時間自然快。少人用的車﹐師傅可能要慢慢摸才知問題出在何處﹐之後又可能要訂零件﹐變相又幾日無得用車。

所以﹐少人用的汽車品牌﹐9成不會成為搵食車的。

原帖由 a_drew 於 2009-5-27 00:16 發表

來來去去都係金豐... 真係願聞其詳

我想知大眾同現代係唔係引入的士??

就算現代同大眾會引入, 以目前兩間車廠的現役三廂式車款, 都不會有五座位車提供, 而且一間車廠都不會為一個最多萬八部車的巿場開發一條生產線製造一款五座位的士, 就算肯都唔荒會賣得平, 更何況係咪萬八架車都換晒咩? 而更重要的是, 前三後三的座位格局已非今時今日汽車的潮流所向, 一些超級豪華汽車, 後座都只係得兩個位, 何況是前排! 而且前面坐三個, 除了擠迫及不舒適外, 相對上亦較危險, 看巿面上HONDA EDIX亦不是賣得很多, 買佢不如買架七人車仲實際!

的士, 小巴巿場同一般私家車好唔同, 對耐用性, 維修便利性, 零件價格, 供應量的要求都好高, 當年實力的士都係趁平治淡出的士巿場才大行其道, 豐田都要到LS80才開始有柴油引擎先有得入, 但也要賣三代才追成均勢.

小巴方面, 自六九年起, 香港的ECHO小巴的呎碼是香港獨有, 因為是日產廠方專為香港而製, 反而五十鈴小巴是由一部長陣小巴截短車陣改裝而成 (五十鈴只有十二座位的規格), 所以在價格及耐用性都相對沒有優勢, 故此便逐漸淡出巿場. 直至八三年, 政府修改小巴車身呎碼限制, 令標準長度的COASTER, ROSA, ECHO及CIVILIAN都適合港府所訂的標準, 令三菱及豐田都趁這契機引進, 反而日產今回慢了幾拍, 先是引入近似舊規格的十四座單轆版, 之後又只改引入長陣孖轆的ECHO平頂版, 最後才改入高頂的CIVILIAN, 反觀豐田及三菱一早已引進高頂型號, 在換車潮最緊張的時候, 豐田及三菱都吸納了大部份車主. 而三菱是最早引入冷氣小巴, 只可惜早期是採用獨立汽油引擎驅動的冷氣系統, 令營運成本高昂, 所以一些未第一時間換車的車主會選用採用直帶式冷氣的豐田, 但三菱廠方反應算快, 立即推出改用直帶式冷氣及車尾太平門版的ROSA, 代理亦願意替採用獨立冷氣的ROSA改換冷氣系統, 才保得住第一代ROSA小巴的巿場佔有率.

其實石油氣年代亦是的士巿場的一個契機, 雖然YXS10在性能上比Y31略有不及, 但勝在機器夠耐用, 又較快便提供自動波版本, 加上日本有大量二手車殼及引擎, 零件, 以及台灣製的燈殼 (台灣本土並無COMFORT賣!) 等供應, 而買車方面, 除了政府提供的三萬元稅務優惠外, 代理亦提供舊車回收的優惠, 在巿場策略上已佔了先機, 一開始搶佔大量客戶, 間接令坊間車房及零件舖也會因應巿面流行程度而引入更多零件供應, 令營運者獲得較大的支援.

日本製的的士始終相對上有較大優勢, 尤其是石油氣的士, 因為香港的士規格跟日本幾近相同, 加上都是採用右軑車, 日本的士又規定車齡滿七年便須退役, 一架退役日本的士所有東西都適合使用, 間接造就了香港巿場有較多的優勢, 這點是韓國車及德國車所沒有的.

在日本, 兩個牌子的的士在數目上, 豐田都是較日產為多, 而且近年這個比例亦逐漸拉闊, 究其原因, 其一是日產已被外資入主, 對普遍愛國的日本人而言, 在可以選擇的情況下, 他們會比較傾向選擇“自己人”管理的公司的產品多一點, 所以亦間接令二手豐田車殼供應量會多些.

[ 本帖最後由 牛奶仔 於 2009-5-27 20:14 編輯 ]

原帖由 牛奶仔 於 2009-5-27 16:10 發表


日產的士而家都唔知過唔到香港的廢排要求, 之前最後一批都係歐三年代, 而家想入都未必得. 就算撇除呢點, 在耐用性, 零件供應及車租都唔及豐田優勝, 車主就最重視呢幾項, 一比之下會點揀? 淨係睇巿面好多原本好新淨 ...

金豐 話咁快出左13年款

原帖由 牛奶仔 於 2009-5-27 16:55 發表


就算現代同大眾會引入, 以目前兩間車廠的現役三廂式車款, 都不會有五座位車提供, 而且一間車廠都不會為一個最多萬八部車的巿場開發一條生產線製造一款五座位的士, 就算肯都唔荒會賣得平, 更何況係咪萬八架車都換晒 ...

我都同意ching講法,的士市場係殘酷(尢其香港),豐田相信短期會有動作,因為有什麼閃失做左三十幾年,先獨市嘅生意,一下子比人咬左一啖邊個條氣都唔順!買唔到車係事實(已前一個月買百幾車,四坐位的士大大話話都出左成十個月現在應該冇一仟都有八百車啦但係街上有幾多車大家心中有數)所以的士業界真係非常頭痛!