[ 問題 ] 各位網友, 你地認為有乜方法可以減少小巴意外 ?

原帖由 superay 於 2009-6-19 01:36 發表 現時有GPS功能的PDA電話價錢已經好平會否有想過找一些外面的人寫一套比電話用的program，裝在車入面，定時記低所在位置座標然後計返車速？我估這些program外國可能有現成的產品呢。 ...

我 3 年前開始玩 Garmin 60csx, 主要係有你黎個諗法, 而家電話又係用 HTC G1, 可惜呢D GPS 功能主要都係 GPS 導航功能, 而放係而汽車專用的GPS 監測系統可以 connect 汽車面板電路板, 除左 realtime 遠距離知道 小巴經緯度, 亦可以由經緯度得出小巴位置, 2個經緯度和時間再測出速度, 仲可以把小巴錶板所有 signal 傳送, 例如司機用緊乜野波段, 油門力度, 有無開大燈, 中門有無開, engine 轉數, 有無水滾, 即時 send 回俾監測人員睇和紀錄.

我除左希望用 GPS 監測司機駕駛外,
另外一個更加想做係希望想由黎D 數據得知司機駕駛習慣, 繼而做到訓練司機有良好駕駛能度, 最終減少意外和令公司慳油 5 %..... 5% 慳到就足以 cover GPS 的成本.

原帖由 S3BL121 於 2009-6-18 22:30 發表
咁又唔係咁講
我PT做o個條線4分鐘一班車
全部都係用日薪...D同事咪一樣係咁跑
咪又係一樣大把爭拗..

愚昧一問:
點解日薪都要跑又會有爭拗?!
爭D乜?!

原帖由 ksmbh 於 2009-6-20 00:46 發表
愚昧一問:
點解日薪都要跑又會有爭拗?!
爭D乜?!

好簡單0既四個字─「僧多粥少」

有工開等於有人工 無工開等於無人工
做司機0既當然想一星期七日「開足工」啦
但勞工法例唔容許咁做 最少要「六日休一日」
做營運商0既 又要諗0下咁多車咁多司機 再加埋替更要幾多人手
當然會「預鬆0的」搵多幾個後備啦
咁問題就會0係呢個時候開始浮現0勒

原帖由 ksmbh 於 2009-6-20 00:46 發表


愚昧一問:
點解日薪都要跑又會有爭拗?!
爭D乜?!

1. 行車時間不足, 所以日薪都要搏命跑
2. 4分鐘一班車，有d司機手車較柔，有時又開遲o左一分鐘
    行得慢食晒d客，後車司機唔夠客就不滿囉，因為有可能會比站長話佢偷懶者或者走捷徑咁
3. 某程度上都係公司管理同人事人際關係的事情

咁姐係 站長會逐架車逐轉數$??
但係我見過有D綠小司機岩岩離開左站就扮睇唔到個客走左bor, 又 或者唔比個客上, 咁佢地唔拍比人話佢做唔夠咩??

[ 本帖最後由 ATE168_LM8813 於 2009-6-21 23:00 編輯 ]

原帖由 ATE168_LM8813 於 2009-6-21 21:41 發表
咁姐係 站長會逐架車逐轉數$??
但係我見過有D綠小司機岩岩離開左站就扮睇唔到個客走左bor, 又 或者唔比個客上, 咁佢地唔拍比人話佢做唔夠咩??

夠鐘或者離開左站你唔走呢...
你只會令後車對你好不滿
分分鐘比成條線仇視...

日薪又好, 分帳又好, GPS 始終係我認為最科學,

最有效, 亦將會是最 "物超所值" 的解決方法.

人係天生懶的, 一個人工緊薪, 即做又 36, 唔做又 36 ,

大部份都會向舒服個方向諗, 就算有效監管司機, 司機

都做得唔開心..............

但 "分帳 + GPS" , 司機搵多D, 老細搵多D,

乘客搭車易D, 係 3 win , 壞處係意外風險增加,

唔鍚車的司機亦會係極力子和迫力殺手,  我相信

GPS 監測系統可以有效咁控制意外和維修費的增加,

我希最多等多 1 - 2 年, 可以做到.....................

小巴零意外, 香港人人愛.   

原帖由 Alvin2002 於 2009-6-17 07:15 AM 發表
1. 學巴士咁鎖定最高車速, 譬如鎖定80km/h  

但新界有綠小行100km/h公路

[ 本帖最後由 ryanlee09 於 2009-6-24 20:38 編輯 ]

原帖由 minibushk 於 2009-6-23 03:05 發表
日薪又好, 分帳又好, GPS 始終係我認為最科學,

最有效, 亦將會是最 "物超所值" 的解決方法.

人係天生懶的, 一個人工緊薪, 即做又 36, 唔做又 36 ,

大部份都會向舒服個方向諗, 就算有效監管司機, 司機

都做得唔 ...

用GPS 監管司機，司機咪又唔開心

原帖由 danzighill 於 2009-6-23 13:03 發表 用GPS 監管司機，司機咪又唔開心

小巴司機普遍寧願做多一轉, 搵多D, 咁會令紅小巴(租車), 及綠小巴(分賬)增加意外風險, 香港堅尼系數愈高,生活指數愈高, 即代表楂小巴呢班基層司機生活愈大壓力, 意外風險愈高, 意外多左, 保費增加, 車主加車租, 減分帳比率, 呢個係惡性循環........ "分帳" 和"租車", 雖然都會令意外風險增加, 但"分賬" 最大的好處係, 錢箱收入增加, 乘客量提高, 都會直接令司機收入增加, 就算加車費, 司機都會直接得益, 簡單D 講, 就係多勞多得........司機壓力大, 意外多, 要有效控制意外風險, GPS 係一個可行方法.....長遍大論, 講番你個問題, GPS 令到司機唔開心的問題, 我其實係希望分帳(開源)會令司機多勞多得搵多D之外,  亦希望GPS 會令到油費/恴外/維修費減少,  即(節流)都會令司機收入增加, 愈令車主成本減少的司機, 分帳比率就愈高, 如果司機發覺做三轉搵多過人地做四轉, 唔鍚車和超速都會令分帳比率減低.司機就會自我學習一個更利好車主和乘客的駕駛態度. 如果"開源"和"節流" 都可以令車主和司機收入增加, 乘客搭車亦安全快捷, 呢個就係 triple wins 結果.......司機收入增加,  亦會接受GPS 監測自己, 做野都開心D, 唔開心只會係個D 因被GPS 捉到而淘汱的司機...  無辨法, 犠牲呢D 司機, 好過犠牲乘客和路人......

[ 本帖最後由 minibushk 於 2009-6-23 20:32 編輯 ]