東鐵線服務局部暫停 (現已正常)

DIH · 發表於 2009-7-7 22:26

我今日大約19:30步行到達大學站，事前唔知出事，
未入站前見到有南行列車慢駛入站，只以為係同前車距離太近。

但去到中大校巴站，聽到有個西裝人士在電話同友人講，
「羅湖啱啱開返，尖東嗰邊唔知點」，當時我先估到有事發生。

果然，去到閘口，見到有穿反光衣的港鐵職員及消防員由月台下來，
我見冇廣播冇告示，就照入閘，見到有多兩個消防員及幾個似是記者的人物從南行月台下來。

經過大堂，望到出面有舊色接駁巴（短躉）到達，入閘人潮比平時多，他們似乎去北行多。
我上到月台，前車剛開走，有好多空位，我以為下一部車都有好多空位，點知我去到第一卡都好多人。
但點都唔夠北行犀利......我見到的第一列入站列車，由1至12卡全部企滿人，普通繁時唔會咁的。

我上車後，列車行駛大致正常，由大學至火炭，短短路程已有兩班對頭車，但在火炭站一直到沙田都唔見有對頭車。
到了沙田，見到對面月台顯示第一班車係3分鐘，下一班車係10分鐘，心諗就算有直通車都唔會隔咁耐，1號月台又冇顯示。

到大圍時，見到北行有直通車。

到九龍塘，見到北行部千九上滿晒都未開得，開走後，月台上依然很多人，後車要3分鐘後到達。
同時，南行列車維持1分鐘一班。

前KMB員工家屬 · 發表於 2009-7-7 22:46

落馬洲及上水站情況如下:

我1830去到落馬洲站入閘, 去到月台話7分鐘有車, 7分鐘後真係有車

當時仍未公報發生事故, 等知等了10分鐘都不開車, 我都心知不妙

其間車長先生只是人口廣播話有車站發生事故, 東鐵服務受阻, 再過了

5分鐘, 車站正式公報大學站有事, 列車服務分成南北兩邊, 火炭, 大學及

大埔墟站有接駁巴士, 等到1850, 對面月台再有車入, 由於我坐的列車已經

等候了20分鐘, 擠得像早上繁忙時間一樣, 所以對面有車到, 有不少人走去

對面班車, 19:00終於等到開車, 等了30分鐘才開, 車上雖人多, 但乘客都非

常明白是乘客墮軌, 沒有向在場職員麻怨. 在上水站入站前, 在隧道口及月台

前都停了一會才入上水站, 結果19:10先到上水, 由落馬洲到上水, 足足用了

40分鐘. 到上水站, 車長已講明"本班車以大埔墟為終點站", 而頭牌亦改為

"大埔墟". 難得有機會在上水站看看一些特別的情況及拍照, 上水站大堂及

南北行月台都未見擠擁情況. 約1930, 有一班南下直通車更停在上水站等轉燈

應該是1849到紅磡的T803, (該班車應該在深圳停留過) 但當時相機已無電,

影不到, 及後我坐了一班往羅湖的客車到羅湖再八卦下, 原來羅湖站的月台

都不是太迫, 不知道入境處有否減少入境櫃位/E道數目, 以配合班次減少的

情況(當時羅湖車8分鐘一班)

最後在返回上水途中, 車長先生宣報全線服務回覆正常, 但列車仍會誤點

而在上水屠房, 停了一班車序15的列車, 應該是剛才太多車才入去避一下的

最後大約2020, 見到SS8拖住直通車北上, 但車次不詳, 當時的車都亂了

[ 本帖最後由前KMB員工家屬於 2009-7-7 23:09 編輯 ]