鴨利洲橋道與利南道交界交通燈問題

原帖由 kay 於 2009/7/19 11:28 發表

但最大問題係如果西行線行緊個陣，利南道d車都出唔到，咁hold住東行線又有咩用
其實只要東西一齊行個陣，東行放2條線就得
當然，可能對於利枝道交通一帶有負荷
同埋前面有個消防局，唔知會唔會有影響 ...

如果齋睇一支燈位，係冇 conflict 之下 hold 住一方行車真係冇用o架，
所以用意咪可能係在於整條鴨利洲橋道嘅運作，又或者根本就係一個冇人知冇人理的運作錯誤。

至於消防局方面，如果間消防局係近一啲燈位嘅時間，
家陣好多局入面都會有個控掣器去 control 埋路口盞交通燈，
出車除咗會嚮局外盞閃紅外，仲會改埋出車行駛方向盞燈早綠燈疏導塞係燈位嘅車輛。
我唔知鴨利洲局同利南道盞燈位有冇連接到，作一個假設，
如果以鴨利洲局要出車，局外會閃紅燈同作警號，利南道個燈口鴨利洲橋道西行會變綠，
清咗企係路口西行車，東行同北行就變紅，防止有車輛繼續駛過路口。
Hold 一段時間之後就會變返做正常運作。

原帖由 海怡工貿 於 2009-7-20 09:42 發表

我相信"一個冇人知冇人理的運作錯誤"既可能性比較大, 如果純粹為左成條鴨利洲橋道既運作而"冇 conflict 之下 hold 住一方行車"簡直係荒謬既做法, 完全唔合情唔合理
行車燈紅燈, 用意係因為前面係綠公仔或者其他 ...

但如果一開始就兩邊綠燈，d車快快過晒去利枝道個燈位塞
如果咁岩有消防車要出動，咁就真係麻煩d囉
不過，有時塞多1分鐘，會否是順燈沿故，計晒數，可以塞完一分鐘就之後全部綠燈出鴨島呢

原帖由 海怡工貿 於 2009-7-20 13:22 發表

但利枝道東行綠燈時間並不是很長, 次次都唔夠時間俾西村/海怡D車過清哂, 係利南道塞完一分鐘排隊尾既車去到利枝道咪又係過唔到, 仲要岩岩轉番紅燈tim , 你呢種講法只係講岩左一半, 有部分車係利南道塞完一分鐘去 ...

但變相落大街個度又有車龍
不過我始終覺得個消防局唔多唔少有d關係
同埋一般黎講，利枝道枝燈綠燈既，出鴨橋個枝正常都係綠
但利南道同利枝道就唔順囉，亦都無條件順燈

要順燈的話，所有燈的週期都要一樣長，
小路綠燈長短唔同的話，主路綠燈就會唔同，順燈唔一定會俾所有車過晒，
車多車少車種都會對個順燈設定都有唔同反應，同一時間個目標亦會希望車龍越短越好。
因會車龍長短同所要的消化時間唔係正比的，係會幾何咁增加。

利枝道同鴨利洲徑都需要比利南較長的綠燈時間，如果放行利南道東行的話，只會塞死晒係利枝道個路口，
而且係龍尾的車分分鐘要塞得仲耐過就咁企係利南道同利枝道加埋。

另一個方法係加長利南道北行綠燈去控制東行流量，不過同時間就回犠牲西行的綠燈時間。

原帖由 海怡工貿 於 2009/7/21 09:01 發表
但2004年12月以前放行哂利南道東行, 小弟唔見利枝道個路口有幾擠塞喎

所以個控制車流量的理由都只係一個可能的假設來，可信程度同係錯誤設定都係差唔多。

同埋唔知個陣利枝道有冇同時改過個燈位時間，俾多咗綠燈利枝道，停耐咗鴨利洲橋道東行。
之前可能冇車龍，短咗綠燈之後就會長咗。

由頭到尾，大家都只係估緊點解個燈位會咁操作。