今日下午繁時本人係觀塘附近食完野,
所以趁機(18:45-19:05)坐觀塘線去調景嶺站+將軍澳站視察,
我坐果班車去到調景嶺站時慢駛入站(同前車太近)
前車所有轉乘客都轉唔到早前開出果班往將軍澳列車,
月台上擠滿大量乘客, 再加上本人果班車的轉乘客,
令下一班往寶琳列車, 有好多卡的乘客都企到去門口位,
在頂閘情況下, 部分車門受硬物阻礙, 需要重開一次車門後才關門開出,
所以前面果班往將軍澳列車有乘客落車後
係唔迫入車企門口位的情況下, 轉唔到下一班往寶琳列車都唔出奇~
至於打後兩班往寶琳列車就只係各自接載左一班觀塘綫轉乘客,
列車只係半滿, 大把位俾人企~
而下一班往將軍澳列車就完全唔等轉乘客,
列車開門後7-8秒立即廣播"請勿靠近車門......DO DO DO...."
此時對面已經有列車到站, 乘客一落車, 有人已準備狂衝過黎果時,
往將軍澳列車已立即關門, 所有乘客望門興嘆
(同前一班往將軍澳列車一樣, 完全唔駛載觀塘綫轉乘客)
但幸好之後果班往寶琳列車只係食左之前轉唔到車的轉乘客,
唔駛好似前一班往將軍澳列車打後果班往寶琳列車咁,
食兩班觀塘綫轉乘客之餘, 仲要食將軍澳站轉車客,
大部分車廂都迫到沙甸魚咁
(有乘客俾職員叫落車果時仍然好愕然, 唔知有列車會以將軍澳為總站,
亦有乘客係月台等下一班往寶琳列車時,
由於列車在前車開出後接近2分鐘才入站,
有乘客等等下唔耐煩發出"吱~吱~"聲,
不過佢地唔知道自己已經好好彩,
之前有一班寶琳列車食左兩班觀塘綫轉乘客,
迫到沙甸魚咁進入將軍澳站)
回程方面, 本人坐果班將軍澳站開出的列車,
同前車相距大約3分鐘,
去到調景嶺站轉車果時月台得好少人,
等左唔夠1分鐘, 觀塘綫往油麻地列車到站上客, 列車準備開出時,
又遇到對有一班寶琳開出往北角列車 (同前車相距2.X分鐘)
不過我果班觀塘綫列車已關門, 準備開出時對面果班車先開門,
所有乘客又係望門興嘆, 睇住我坐果班每卡只有5-10人的列車開往油塘站
[ 本帖最後由 ES464470X 於 2009-7-23 22:24 編輯 ] |
