政府想環保，間接想殺巴士公司

原帖由 053h4 於 2009-7-27 00:33 發表


我覺得係自己捉蟲LOR
舉例就舉石油氣的士, 唔知石油汽車同燒油車的能源效益差異
以為一升氣 = 一升油, 一部車一升油行4.5公里咁大把
事實上, 小巴大約先係一升油行4.5公里

其他城市D車咪又係係城市裡面塞下車行下 ...

我上面用錯資料作比較
用部1998cc 的燃氣車輛同部成3千cc 的燃油車輛去比
問番屋企人,Crown 一升油行到7公里度
上文想講歌露娜連一升行8km,又打錯
而市價係用上年個價
算我半夜打字傻下傻下,打多錯多



但用番以上數據,以$13一升油計出,
一公里成1.86
都係相差無幾

照番依家14.39/L計
用番部家人友人部00 年COROLLA  1500CC AT 自動波去計,
開埋冷氣,行港島來回中環,一公升油行到8-9公里左右
一公里都要成1.6-1.8

題外話, 我諗一部1500CC COROLLA一升油只行到8-9公里既話
部車應該有d問題

實際上, 養車唔一定比想像中困難
假日車, 停車場費用可以好低, $350一個月都唔出奇
油錢, $1一公里又係唔出奇

日日渣車, 識計數就會識響港鐵站附近搵d平既停車場或者做泊車轉乘
一樣可以完全放棄搭巴士

就我本身的50#文章, 這裡講多dd我的觀察/建議, 睇下大家點睇..

要有效地增加巴士服務效率, 及減少巴士數量, 有以下建議:
(由於我近年都少留意左巴士服務, 主要講返我親身使用的路線,
請見諒)

1. 減少路線過份重疊
現時有d巴士路線大量重疊, 舉個例子: 102, 112,
2條線我諗由北角到長沙灣, 都係重疊的(除左銅鑼灣一段),
其實好無必要, 亦互相阻礙大家埋站的時間, 如果將其重組,
同一條線的車可能可以更有效善用資源, 又能保持點到點

2. 加強重點地方點到點服務
再用返經旺角過海車做例子, 其實好大部分人都
係來往中區, 灣仔, 銅鑼灣區至紅隧口及旺角, 同
一條線, 其他地區唔係無人坐, 而係少d人坐, 其實
可以增加只是來回呢d重點地方的特車..甚至開辦
新線, 只集中服務呢d 範圍, (而其他路線就正如現時
118可以唔停銅鑼灣就出九龍咁) 令到其他地區減少
非必要的巴士數目, 其他地區人士亦可以更快到達
目的地.. 同時, 繁忙地區減少不必的巴士路線...更加
效率

3. 加強轉乘
其實現時去新界西的巴士, 大部分, 如52x, 60x, 67x, 58x
69x, 66x, 66, 69x, 一大堆, 都係要經過深水步, 長沙灣,
美孚, 先會上到公路, 單是入tuen mun, 都好多重疊,
而呢d 重疊路段, 又咁o岩有晒港鐵服務及其他巴士路線
如可唔可以部分路線唔經以上地點, 改為行快速公路
經過有關地區, 而在美孚做轉乘? 當然, 要有更多優惠..
去鼓勵乘客轉乘

同樣做法亦合適於彌敦道重疊巴的士路線及部分港島區地方..

4.改善巴士設計
其實好耐之前, 我都出文講過, 除左環保方面, 巴士公司
同製造商, 可以積極考慮歐洲唔少巴士的車尾門設計, 一
黎可以增加落客效率, 減少停站時間, 同時, 亦可以更鼓
勵d人行入車箱中間甚至尾部, 更加每部巴士的載客量...
繁忙路線最合適了..

5. 全面衛星定位
巴士公司可以建立一套更完善的巴士監察系統, 更有效
調配巴士, 減少浪費....亦有效監控拖卡情況

6. 政府配合
政府應該唔係從限制巴士公司著手, 而是與巴士公司合作,
提供一定自由度比巴士公司更靈活調配巴士去達到最後的
減少巴士數目的目的

以上建議, 未必好好,亦可能有其他問題,  請見諒, 歡迎討論,
其實都係希望集合更有效的意見出黎la

[ 本帖最後由 3ASV196 於 2009-7-27 09:12 編輯 ]

用102同112做例子
絕對不符完全重疊0既事實:
102 唔經,112經過0既銅鑼灣地區....
仲有112唔到0既長沙灣<>美孚一帶(102經過)...
根本兩者0既乘客對象各異,根本無「2合1」0既可能性...

所以,樓上0既版友,此例子根本唔可以當完全重疊0既例子處理...
請提過另一個更好0既例子之後,再繼續討論啦

PS 樓上版友一定無認真坐過上述0既兩條隧巴線...
先會錯引一個唔應該出現0既例子...
(反而九巴41、45比較貼近樓上朋友提及0既情況...)

PS2 仲有,樓上0既版友,請多讀本港公交發展史之後
再繼續討論啦...(太多政治同可行性上0既錯誤晌度啦~
招人圍攻可以,要如實推行就真係印度孟買級0既「大災難」)

[ 本帖最後由 LNChickenRice 於 2009-7-27 13:58 編輯 ]

原帖由 LNChickenRice 於 2009-7-27 13:52 發表
用102同112做例子
絕對不符完全重疊0既事實:
102 唔經,112經過0既銅鑼灣地區....
仲有112唔到0既長沙灣美孚一帶(102經過)...
根本兩者0既乘客對象各異,根本無「2合1」0既可能性...

所以,樓上0既版友,此例子根本唔可 ...

其實, 我2條線都成日坐gei, 同埋請你小心d睇我的文,
請你再睇多一次, 我係講緊:

"現時有d巴士路線大量重疊, 舉個例子: 102, 112,
2條線我諗由北角到長沙灣, 都係重疊的(除左銅鑼灣一段) "

請問你點睇到我講"完全重疊"? (大量重疊, 同完全重疊是2回事吧)
而且你講經唔經過0既銅鑼灣地區的問題, 及去美孚的問題, 其實
我當然知道la, 唔係我點會只講"由北角到長沙灣(除左銅鑼灣一段)"
重疊?

或者你睇清楚d先, 再去討論吧...唔好曲解左我文章的意思, 而無理
地去話我一定未認真坐過吧...

而且講緊合一性, 係講2線的管理問題, 現時2條線, 3 間巴士公司做,
時段各有不同, 係效率管理方面, 係有一定問題...其實我唔反對去睇
返歷史, 不過我諗要有一個更大的改變, 先可以走出現時的困局...

而且我的第一點, 同第二點可以同時咁睇的....我歡迎不同意見的
討論, 但真係睇清楚先去回應吧, 咁先有討論空間

[ 本帖最後由 3ASV196 於 2009-7-27 15:24 編輯 ]