政府想環保，間接想殺巴士公司

原帖由 orange 於 2009-7-24 01:41 發表

某程度巴士上真係多,特別係一d所謂落客調頭既車,呢類
車的確要諗點去解決

巴士多與否並不重要，重要係d巴士多得有冇價值
極端例子：成條街都係巴士，但係冇一架唔洗企人，有d頂埋閘
咁既時候，巴士係多呀，但你想減巴士都無從入手，奈佢唔何嫁喎

其實應該諗既，唔係點樣Cut巴士
而係諗有咩方法將入旺區既巴士填滿，thats why我同100都覺得應該開旺區點到點
盡可能用最少既車載到最多既客，又唔會令班客覺得服務質素下降

原帖由 ~誰@359~ 於 2009-7-24 01:48 發表

巴士多與否並不重要，重要係d巴士多得有冇價值
極端例子：成條街都係巴士，但係冇一架唔洗企人，有d頂埋閘
咁既時候，巴士係多呀，但你想減巴士都無從入手，奈佢唔何嫁喎

其實應該諗既，唔係點樣Cut巴士
而係諗有咩方法將入旺區 ...

其實以香港環境,應該類似深圳/新加坡只開
3種巴士路線:
1.PtP(點到點式,只在特定總站/分站點對點
形式營運及上落,其他地區由接駁線/流水線
轉駁)
2.Shuttle(接駁線,接駁至港鐵站/轉車站/快線
總站,里數不超過10km)
3.Main Line(流水線,站站停,主要用作轉駁
用途,里數不超過18km)
咁樣做,一來可以將各類乘客重新整合,二來
可以各取所需,最重要係無需太多調頭車出現,
PtP線可以行得更快,無需要經晒所有地方先上
公路,短距離由shuttle做,單雙層都可以,減低車費,
而main line班次最密,可以用大型雙層或單層車
行走,將來就算彌敦道軒尼詩道開拖卡,都係拖相
同類種路線,而唔係左一架X,右一架A仔咁混亂

同時引進八達通轉乘系統,乘客一張咭可以自由選擇
轉乘巴士或港鐵,都只收取一個價格,再無門戶之見,
方便市民

原帖由 053h4 於 2009-7-24 02:21 發表

無記錯, 以前調查, 巴士只係佔汽車污染物總排放量 10%左右
新車排放量更低

我就唔明針對巴士呢種有公共交通公具的班次, 對改善環境有什麼顯著的效果 ...

10%只係平均數，如果走去告士打道量度，我相信應該仲少過10%，私家車會佔左絕大部分；
但係如果走去德輔道中或者彌敦道，呢兩度巴士數目遠多於私家車，我相信得出的結果會係
遠超過10%。

原帖由 ~誰@359~ 於 2009-7-24 01:24 發表
其實用另一個角度睇，減少私家車數量，唔可以話同巴士既空氣污染冇關係6 k% i# {; ~2 _# M( R
減少左其他車流，咁巴士既平均行駛速度可望提高，甚至埋完站都可以快d走
某程度上，係減少左巴士逗留o係繁忙地區既時間
呢排周不時都身處旺角道，每次都o係度諗，如果旺角道幾條行車線冇晒私家車www.hkitalk.net4 S9 t! l/ _9 ?
巴士一定慳返唔少進出巴士站既時間

所以我無話過唔使限私家車，而閣下的見解亦很有道理，減少私家車的確可以間接減少巴士在繁忙地區
阻塞而造成的額外污染。

事實上，政府個立場亦都唔係話唔諗住為私家車設限，記得舊年年尾果陣，睇過SCMP引述消息人士話
政府長遠計劃2020年限制私家車數目。但係2020年，實在來得太遲，我覺得至少而家就應該推出一系列
措施，discourage私家車的ownership及減少私家車進入繁忙地區，同時又應該令到偏遠地區必須利用
私家車出入的人士不受影響。

原帖由 orange 於 2009-7-24 03:02 發表

其實以香港環境,應該類似深圳/新加坡只開
3種巴士路線:
1.PtP(點到點式,只在特定總站/分站點對點
形式營運及上落,其他地區由接駁線/流水線
轉駁)
2.Shuttle(接駁線,接駁至港鐵站/轉車站/快線
總站,里數不超過10km)
...

無錯，公共交通從來唔應該有自由巿場（唔好同我講咩小政府大巿場原則），
閣下的建議，的而且確係令公共交通網絡效率得以提升至最高的方法。

只係我肯定呢個方案一出，成班有「轉乘恐懼症」的議員、居民同巴士迷就即刻
會嘈一大餐，加上實行的確有一定難度，所以我先至會諗concession，instead of
巴士網絡鐵路化，不如開多d特快線，做點對點，減少點對線、點對面的運作，
在提高效率、環保同feasibility之間取得平衡（雖然，效率應該無你講果個方案咁高架啦）

因為運吉唔比巴士公司擴充資源，令佢地開新線時便需要從現有路線抽資源，咁實比現有路線既乘客投訴，如果唔係40P一早已經做緊雙向繁時線，唔係得幾班

原帖由 053h4 於 2009-7-24 08:09 發表

大部份乘客(包括巴士迷), 都唔介意巴士公司改特快
減少繁忙地區道路車流更可改善服務

為何cut車, 減班建議多, 開新線卻極困難?

咁問題係改特快，有時候避免唔到一兩個站會無左，或者班次拉疏，之後就會有少數既得利益者走出黎反對。
而家個趨勢，變左少數服從多數，實在荒謬。（記得好耐之前晌C1板貼過建議，601同619各自全日分拆，
個建議仲要係保留全部現有車站，之後都有人反對話寧願街上慢慢塞好過等車耐左）

而減班建議多，開新線極為困難，是政策上的嚴重謬誤，我無講過我贊同而家的政策細節。