將軍澳康城站公共運輸交匯處

原帖由 PB602 於 2009-7-26 22:23 發表


港鐵將沙中線定線向北改一改, 翔龍灣班人即刻拆天.

建議你可以向港鐵自薦擔任說客, 向翔龍灣居民大力宣傳其實坐巴士更方便, 只有傻仔先會爭取鐵路站起係自己屋企附近. ...

係咪"過激"左d?

計我話, 最好就係鐵路巴士共存, 有得揀先至係老闆!
巴士主sell一程過同舒服; 地鐵就主sell車程穩定。
我住將軍澳, 正正享受緊兩者兼備帶比我既便利。
而且每樣野都有故障/突發事件既可能性,
以將軍澳為例, 之前2006年試過早上將隧有嚴重事故, 車輛爭相取道山路出市區, 將軍澳區內所有道路迅速癱瘓, 當時所有巴士乘客立即落車跑到地鐵站轉地鐵(果次好深刻印象, 因為全世界由寶順路沿馬路跑回將軍澳站, 情況好似渣打馬拉松咁);
另外08年年尾, 放工時間地鐵觀塘線藍田至調景嶺服務故障, 我當時正在觀塘市中心等296A回家, 眼見巴士站迅即出現大堆由觀塘地鐵站出黎轉巴士返將軍澳既乘客, 然後返到去又見到一架50XX @796B去到尚德已經頂閘飛站, 仲要尚德有一大堆人等緊, 相信全部都係原本搭地鐵出觀塘線沿線既乘客。
以上兩個例子, 都說明巴士同鐵路響一些時間可以互相補足, 士旦冇左一樣我地都死得!
其實如果有得揀, 冇人會放棄鐵路站起係自己屋企附近。

原帖由 tomchen 於 2009-7-25 01:23 發表
睇幅圖似係兩條孖坑加一條單坑，唔算細了。

如果用紅框表示巴士，應該擺到八架車...
紅框係模擬巴士尺寸，要過到幾個窄o既彎位，最盡只能拉到咁大架。 ...

我今日去A出口睇過, 所謂孖坑應該容許三架車平排都得 (左右邊路面都有巴士站油漆框, 中間仲有位但好迫). 上車位有六個, 過路處前後各一鋸齒, 再前面彎位前, 及再後面彎位之後各二. 所謂單坑, 係綠 VAN 之用, 再外面係的士, 剩低可能係私家車.

呢個應該係鋸齒型總站, 起碼過路處前後兩個係, 其中較後的一個已被往樓盤的穿梭巴使用. 不過最奇係第一坑最右邊同第二坑路面都有巴士站油漆框, 難道泊車位都要油呢個框?

原帖由 ctb8107 於 2009-7-27 00:01 發表
另外08年年尾, 放工時間地鐵觀塘線藍田至調景嶺服務故障, 我當時正在觀塘市中心等296A回家, 眼見巴士站迅即出現大堆由觀塘地鐵站出黎轉巴士返將軍澳既乘客, 然後返到去又見到一架50XX @796B去到尚德已經頂閘飛站, 仲要尚德有一大堆人等緊, 相信全部都係原本搭地鐵出觀塘線沿線既乘客。
以上兩個例子, 都說明巴士同鐵路響一些時間可以互相補足, 士旦冇左一樣我地都死得!
其實如果有得揀, 冇人會放棄鐵路站起係自己屋企附近。

好記得果日...鯉魚門廣場個巴士站, 迫滿晒人.....仲勁過14S果陣
全世界都等14B/C


連帶附近地方都有影響, 真係唔可以睇小任何一樣交通工具

原帖由 PB602 於 2009-7-26 22:23 發表
港鐵將沙中線定線向北改一改, 翔龍灣班人即刻拆天.

建議你可以向港鐵自薦擔任說客, 向翔龍灣居民大力宣傳其實坐巴士更方便, 只有傻仔先會爭取鐵路站起係自己屋企附近. ...

翔龍灣情況唔同wo
之前planning走線係會途經/喺附近,但依家改咗冇
變相令到樓價(當初發展商都有用呢個做selling point)
方便度(少咗一個選擇)降低
亦令到當初對於將來有鐵路呢個期望幻滅
所以佢哋自然會嘈

小弟提出嘅係,一係好似土瓜灣一帶咁
巴士/小巴全港都去到咁滯
相對日出康城呢d只有鐵路,近乎冇巴士選擇嘅地方

所以閣下用翔龍灣做比喻唔太合適

原帖由 tofu 於 2009-7-25 09:14 發表
其實宜家一路標榜話日出康城少車少廢氣已經就黎唔成事.
先唔講之後有咩線會行入去,但係正係得個地鐵交通都唔算好方便.
買家或多或少都會焗住養架車.
不過日出康城好似就得好少車位,或者呢個買到車位時果個買唔到 ...

有地鐵站都要焗住養車
仲要講到要搶車位咁誇張，
好似搭地鐵會死咁

咁杏花村咪個個養車??
以我所知杏花村有好多座直情係0%渣車/搭巴士，100%搭地鐵

地鐵去邊度係唔方便到要養車呢??
就算開巴士咪又係去番旺區(地鐵沿線地方)

日出康城標榜少車少廢氣就梗係少巴士兼少車位喇，
買得日出康城嘅都係鍾意鐵路概念嘅人，
巴迷/渣車迷第一個唔會買日出康城

目前PTI只有來往首都的住客專車服務中

另送上PTI的Panorama相2張:

原帖由 tomtom2015 於 2009-7-26 15:01 發表

這是因為粉嶺南遠離鐵路站
然而，日出康城是這樣情況嗎？

唔關事, 就算住係粉嶺站附近都一樣,
由粉嶺一路坐鐵路坐到去荃灣, 轉兩次車之餘仲要停好多車站...煩到嘔
所以北區巴士278X/279X 點解咁受來往荃灣/青衣區的北區居民/過境旅客歡迎,
就係因為直接之餘車程又快, 收費合理外亦提供荃灣/青衣區內巴士轉乘優惠~

坑口開出經寶琳的九巴特快線98D(往佐敦, 尖沙咀)都係架, 同地鐵一齊爭客,
不過地鐵要轉車, 98D又係衰極有限(即使可能會係東九龍走廊塞下車),
班次只由2-10分鐘調整至現時4-10分鐘一班, 影響輕微~
(早上繁時仍有特車不經寶琳, 兜完坑口就立即入將軍澳隧道,
再經觀塘繞道, 東九龍走廊直去佐敦)
將軍澳區過海巴士俾地鐵搶好多客, 只係因為收費貴, 本身車程又太慢,
已幾乎無優勢可言, 只不過係唔駛迫地鐵車廂同唔駛轉車的優勢下,
仍有上班乘客繼續幫襯巴士 (未至於令路線改為只限平日上下午繁時服務)

如果日出康城有鐵路站係附近就 = 無敵,
相信都唔會有非法村巴成功搶客.
接送來往北區/大埔至康城一帶上班的乘客~
($20一位)
一講到鐵路轉車, 仲要坐好多個站, 特快巴士/村巴自然有位攝入去爭客~

康城站最大弊病是被寶琳列車瓜分大量班次,
列車班次疏落, 只是車站和住宅位置都較為偏僻,
所以特快巴士要搶客自然比坑口和寶琳的98D困難一點
(不過都要等運輸署將來准許加開特快巴士線先算)

相反同是地鐵獨市位的杏花邨,
乘客繼續享受早上繁時港島綫2分鐘一班列車,
而且一程車就去到幾個旺區(銅鑼灣 - 中環)
果邊就算地鐵出事, 但起碼仲有一條巴士8號經東區走廊去銅鑼灣及灣仔,
居民亦可以搭區內綠小去柴灣附近轉118去旺角/佐敦~
(平日上午繁忙時間先有12班118P經果度, 下午繁時就有10班)

[ 本帖最後由 ES464470X 於 2009-7-29 09:34 編輯 ]

順帶一提，此 PTI 及 A 出口只是臨時之用，
當連接路落成後，PTI 將會永久拆除，在另一位置重置。

原帖由 tomtom2015 於 2009-7-26 15:01 發表

這是因為粉嶺南遠離鐵路站
然而，日出康城是這樣情況嗎？

是的,.根據全港只得一個的討論區有人去過實地睇樓,由港鐵站經有蓋天橋去首都都要行6-8分鐘,領都更加遠

原帖由 FD_8592 於 2009-7-29 14:02 發表

是的,.根據全港只得一個的討論區有人去過實地睇樓,由港鐵站經有蓋天橋去首都都要行6-8分鐘,領都更加遠

呢個情況有少少似由 TUC 出口經東薈城去藍天海座一座 law~~~
鬼叫那處是日出邊緣咩~