新巴 18P 3/8 起來回方向加密班次

我唔係維護巴士公司, 只係想講以前西區巴士服務同路線設計, 根本就係畸形. 新城合拼之前, 5B超密車, 真係三分鐘兩架, 10又係超密, 連5都曾經加過班, 新巴又用18打城巴, 加埋其他相似線一大埋, 結果朝早個個站等埋站都要5分鐘. 無錯, 車站等車既客係幾十秒一班, 但車上乘客就慢慢同你等, 最慘係所以路線都係行電車路, 小巴無對手.

西區同半山兩個尾站: 修打蘭街同高主教, 朝早一直都有城巴同新巴稽打分別駐守, 有人數車數客, 因此城巴新巴對於客量絕對心中有數.

新城合拼後開始減班, 但至少唔會好似某位板友咁講日日有大量乘客因為上唔到車而被迫坐101/104去中環同灣仔. 而且18P同5P係新城合拼前已經開線(當時係繁時線), A12亦係合拼前已經兜西環, 所以將流水客推向特快線呢樣野亦唔係由兩巴合拼之後開始.

小弟都同樣係西區人，坦然，我幾滿意依家D服務，而且覺得比以往好
就算唔當自己係巴士迷，只當作一個普通城客黎睇，既然流水線ssss 現有班次都夠坐同時，又多左一D 頻密o既特快線，我絕對唔會覺得西區服務差左

再者，如果流水線好似以前咁密車，一來客仔又少左，二來仍然係一大堆車你塞我我塞你咁慢慢出中環，除左浪費資源之外，仲浪費埋乘客時間。我個人認為，現今流水線班次係少左，但並唔代表唔足夠，冇特快線彌補o既地區，等流水線時間係長左，但講來講去都只不過係個寧字就有部5/5B/1/10/M47，而且呢D 區仲有7/71 呢D 線坐，絕對有足夠服務

如果依家都要求5/5B/1/10 呢D 山下流水線有以前o既班次，俾我o既感覺只會係一D 議員為左"政績"黎嘈，然後又再好始以前咁"一大堆車你塞我我塞你"...簡單D 黎講，就係人有unlimited wants...

而半山服務，睇怕與山下特快線加班拉唔上咩直接關係，只怪客量問題，除左23 其他真係唔願做，而聯合班次又做得唔好，所以的確係差左

[ 本帖最後由 VA54-HN8897 於 2009-8-1 10:27 編輯 ]

原帖由 PB602 於 2009-8-1 08:23 發表
所以將流水客推向特快線呢樣野亦唔係由兩巴合拼之後開始

如果佢唔一早令到西環客識坐特快線，到西港島線一開巴士公司就輸得更加慘...。

等車耐 d 好定塞車耐 d 好就見仁見智啦, 如果削班之後塞都唔使塞就話正者,
削左班之後, 西區流水線咪又係要塞埋站, 咁樣既話,
我會覺得坐住響車嘆住冷氣等, 點都好過吸住廢氣響巴士站等囉,
亦相信大部普通乘客都抱有呢種心態囉

你提到既果位版友既言論又係誇左 d 既,
但係下晝繁時, 101, 104 同 113 響中環打爆返西環絕非不尋常丫,
尤其 113 下繁九巴時段, 由港島返西環絕對係成條線既主要客源添
係,  中環返西環上呢堆線係叫高效率, 但係班客畀貴左將近一倍

另外,  一眾薄扶林路線既班次又不斷縮減, 係有足夠服務,
但乘客係咪滿足於足夠服務咁簡單?

同埋每次講親西區 cut 車, 係總有人迴避 d 車 cut 左去邊,
因為批車唔係畀番西區路線嘛

請唔好忘記流水線先係西區巴士主要客源,
呢堆線以前等車時間少, 而家等車時間多, 但慳番既車程唔多, 分分鐘用多左時間,
係我覺得西區巴士服務差左既主因, 而家巴士公司加番班係應份,
請唔好講到巴士公司好偉大咁

[ 本帖最後由 gn921 於 2009-8-1 20:50 編輯 ]