小巴整落車鐘算唔算係"畫蛇添足"?

原帖由 JX9097 於 2009-8-9 12:08 發表


柏立基上車用9分鐘
即係九龍城去柏立基用3分鐘左右,都唔係差太遠啫

一單得30分鐘就真係炆咗少少wo...
山上落將隧都起碼用10分鐘
飛車出到世運又用十零分鐘
世運之後要兜大圈先上番去總站都只係得幾分鐘時間?! ...

係呀，所以去康盛係好做過去高山，起碼唔駛兜大圈！

我經常坐佢康盛上車，搭到去尾二站落車，d大師傳真係做倒30分鐘內(以將隧唔塞車計)去到高山畀你睇。山上落將隧真係要10分鐘，飛車出到世運亦都係十零(個零字有時可以刪除)分鐘，最後用剩餘既八九分鐘兜埋個大圈。你話唔左穿右插，唔閘人埋站點做倒呢個時間...仲有要衝燈尾，搭過都知佢返高山條路線係幾「惡行」 佢由上路衝落去下路果段路，真係嘆為觀止...左右兩邊死車，d人「攝車喇」捐出來，架105就一枝箭衝呀衝...   我覺得係人事問題搞到佢地要飛車，遲左會畀人嘈，根本唔覺佢地貪快...將隧一塞起車上來，飛出世運果段仲好玩...

但講到尾，就算幾趕都好，飛站都係乞人憎

請各位理性討論，切勿針鋒相對。
如果情況惡化，本人不排除終止本論題的討論。敬請留意﹗

原帖由 minibushk 於 2009-8-6 23:33 發表


舉個例,  mouse 同 keyboard 先至係互補不足....

缺一不可, mouse 唔可以代替 keyboard , 反之亦然.

落車鐘同嗌落車, 就絕對唔係 mouse 同 keyboard 的角式,

落車鐘啞左, 小巴完全可以正常運作, 司機啞或聾,  ...

閣下已違反站規第23條。
「23. 不得宣傳含淫褻、不雅、粗俗、粗言穢語、不合符道德操守、不正當或違反香港法律等內容之網頁。張貼此等網頁網址將被視作宣傳。 」

現向閣下發出「警告」，若閣下再犯，可能遭受停版的處分，敬請留意﹗

有鐘有好處
不過我搭6號都係嗌落車

身邊仲有1, 2個朋友從來唔搭(自己區以外)既小巴,
因為佢怕嗌落車, 唔知果頭叫咩街名,
所以有左個鐘, 佢見到差唔多落車就唔會出現叫錯既情況~

另外有時坐長陣既時候, 起車尾嗌到車頭都要幾大聲~

原帖由 3asv500 於 2009-9-3 08:21 發表
身邊仲有1, 2個朋友從來唔搭(自己區以外)既小巴,
因為佢怕嗌落車, 唔知果頭叫咩街名,
所以有左個鐘, 佢見到差唔多落車就唔會出現叫錯既情況~

另外有時坐長陣既時候, 起車尾嗌到車頭都要幾大聲~ ...

有時跑緊副偈嘈，司機都聽唔到，就靠著左個Signal。

原帖由 ML29 於 2009-8-6 10:53 PM 發表

反觀同公司的69系線開線時候已經用電鐘示意下車，你跟司機說在哪裡下
車反而他會覺得愕然……

我曾是69系的乘客，雖然有好多客用停車鐘，但仍有好多客唔會用
因為69系有好多約定俗成的停車地點，例如往數碼港方向：華富村囗、貝沙灣會所、數碼港3座等等
還有一些較少人去的地點，例如往數碼港方向一落斜左邊的路囗等等，若果按鐘就真係玩死司機
倒是有客試過在一個可以按鐘停的站揚聲說「教堂」，司機同乘客都呆左一呆，大家估估係講緊邊個站。

原帖由 KC3555 於 2009-9-3 08:28 AM 發表

有時跑緊副偈嘈，司機都聽唔到，就靠著左個Signal。

有小巴公司直情在速度顯示下面貼了一張通告寫：
「因引擎太嘈，落車請大聲」
可想而知，小巴的引擎有幾嘈！

原帖由 superay 於 5/9/2009 22:08 發表


有小巴公司直情在速度顯示下面貼了一張通告寫：
「因引擎太嘈，落車請大聲」
可想而知，小巴的引擎有幾嘈！

我諗而家主要係豐田三、四代小巴嘈，
石油氣同六代柴油相對都好靜 (個人經驗)

但唔知點解三菱就真係隻隻都大聲。