[新聞轉貼]紅磡轉車尖東要等12分鐘

原帖由 北角---九龍城 於 2009-8-8 01:22 發表
相信唔少東鐵客過海又搭返巴士了....

咁又未必！始終新界東既過海巴士遠不及新界西多及好，搭東鐵線到紅磡站去紅隧轉，又太貴
我反而認為多數人會轉回九龍塘轉觀塘線，令九龍塘站同彌敦道段地鐵進一步逼爆

本來東鐵線去尖東既安排好好，令東鐵線替荃灣線彌敦道段分擔新界東往尖沙咀及港島既客量，荃灣線到尖沙咀後，尖沙咀客落車，又補回新界東既過海客，配合得非常完美。

但無視實際需要，盲目重西輕東既發展政策，就將本來咁好既安排打亂晒

原帖由 ching_yuenhk 於 2009-8-8 12:29 發表
我也十分同意應增設短途車，
由紅磡往返荃灣西或錦上路，
但我認為也應加開非繁忙時間的短途車，
以維持或減短東鐵線轉西鐵線往
尖東、柯士甸(要方便旺角東及其他東鐵線及觀塘線客到港鐵圓方商場及上蓋物業呀)、
南昌轉東 ...

其實我都支持增設短途車,最好就做到紅磡往荃灣西,不過就可能需要延長荃灣西站的服務時間,所以我建議短途車只由紅磡往南昌,好讓乘客可以轉往東涌綫,另外南昌站的服務時間都不用延長太多,只需延長15min左右

原帖由 mckhgc 於 2009-8-8 16:27 發表


但無視實際需要，盲目重西輕東既發展政策，就將本來咁好既安排打亂晒

百思不得其解，當初規劃南環綫時期都知道佐敦道碼頭一帶將會建造一個新的城際火車站西九龍總站，
為何東鐵綫／西鐵綫不在此設新總站以便一併嵌入將來的西九龍總站作為城際樞紐？
（唔好辯解說因為彼此落成時間不同）
反而要翻用舊的、波口位曲曲折折的紅磡站？
香港來來去去都係呢家鐵路公司，而且一體式西九龍總站又方便旅客在同一建構物內無縫地暢通地轉乘東鐵綫／西鐵綫／城際綫（２０１４年便可投入使用）。東鐵過海最快都要２０１９年，或說馬鐵過海更具效率，東鐵沒必要過海因而更應利用西九龍總站。


他日，西九龍總站投入使用，如何連接西鐵綫柯士甸站又係一大問題（有消息指用天橋接駁）
相比起國內紛紛相繼興建一體式總站（ＣＲＨ＋地鐵），香港呢方面真係獻羞。


（以上純討論，因米已成飯）

如果唔係九鐵投到沙中線之後，地鐵多番不妥協，延遲了沙中線興趣的話，邊會有今日既局面？

第時東鐵客有得直接過海，咁咪仲好！

在九龍南線規劃期間有一段時期，新城際鐵路是以紅磡為總站，而九龍南線就是在這時期中決定由西鐵延伸。

在《鐵路發展策略2000》中，決定了紅磡站會成為集體運輸中心，東鐵、西鐵（九龍南環線）、沙中線及區域快線均在此交匯。當年規劃中沙中線會較九龍南線早通車，所以九龍南線通車時，東鐵乘客已可在紅磡站轉乘沙中線（馬鐵延伸或獨立線路）過海，不會有尖東站失去分流作用的問題。

後來新城際鐵路為什麼改以西九龍為總站，以及九龍南線為什麼早於沙中線落成，就要由其它板友補充。

原帖由 barking 於 2009-8-8 18:59 發表


他日，西九龍總站投入使用，如何連接西鐵綫柯士甸站又係一大問題（有消息指用天橋接駁）
相比起國內紛紛相繼興建一體式總站（ＣＲＨ＋地鐵），香港呢方面真係獻羞。

其實將來西九龍總站, 同樣可以連接西鐵線, 東涌線同機場快線, 而相信最後點連接仲未肯定,
(之前睇過一圖片, 係地下連接3車站? 不過當時柯士甸仲叫緊九龍西)

至於主題的東西鐵連接, 我相信頭尾班車問題, 是人為問題不是技術問題...似乎港鐵真係
要搞搞佢..

[ 本帖最後由 3ASV196 於 2009-8-8 20:50 編輯 ]

原帖由 mmlcs36 於 2009-8-8 19:15 發表
唔好意思
而家沙中線過海段都唔知起唔起得成

如果打埋官司, 我諗再拖多3-5年應該搞得掂GE
(除左填海問題可能要打官司外,
唔知仲有無其他爭拗可能要上法庭解決?
之前有個POST講灣仔要臨時清拆碼頭巴士總站,
仲有華潤大廈附近一個花園都好似有唔少人嘈)

原帖由 mmlcs36 於 2009-8-9 23:48 發表


現時法律並非最大問題

印象中係方案問題，只有一個方案唔駛延遲通車但要填海。