有線新聞: 重整巴士線地區阻力大

原帖由 orange 於 2009-8-10 01:10 發表

點直接講數?唔通約埋所有議員一齊開會,如果有議員缺席
咪要等晒所有人同意先得?同埋區議會要管既野唔止巴士
線,如果下下都要跨區傾,咁使乜分18區,倒不如全港由一個
議會管晒,以後開會就開足幾日幾夜 ...

咁做議員就係咁 la
個會唔一定淨係講巴士架
仲有唔一定要親自去到嗰個區講數架
e 個世界有 email 同 conference call 嘛

個重點係有冇人有心去解決個問題
定係為咗懶或者政治目的去搞亂檔

原帖由 ~誰@359~ 於 2009-8-10 01:22 發表

呢個係轉乘美好既一面，但係我一早就講左話而家既取向係將轉乘神化
結果就會炮製出好多一d都唔user-friendly既轉乘，轉一轉等你四個字咁果d
又或者係有人提出一d非必要轉乘既case，例如係將大西北長途線斬到去美孚果一類 ...

今時今日巴士線總數的確比以前多，
但近年來本地巴士線0既改動，
遠不及八、九十年代咁多。
自從有左八達通轉乘之後，轉乘就成為左削減服務後0既主要解決辦法，
好少會就現行路線作一D對原有乘客影響甚微0既調整來滿足受影響乘客0既需要。
巴士線0既調整，並唔係只有「有」同「無」（或「0」同「1」）兩個可能，
但近年0既路線調整，絕大多數都係「0」同「1」0既改動，一係就「有」，一係就「冇」，
地區人士分析路線重組計劃，往往只係抱住以上一係就有一係就冇0既二元思維，
同時亦唔會細心考慮重組之後會唔會為所涉地區0既乘客帶來新0既方便，
總之一要減車減路線，最好就乜都唔好搞，話之你個方案會為市民或乘客帶來更大0既方便。

[ 本帖最後由 Jeffrey 於 2009-8-10 01:53 編輯 ]

原帖由 Jeffrey 於 2009-8-10 01:49 發表

同時亦唔會細心考慮重組之後會唔會為所涉地區0既乘客帶來新0既方便

講真，我話cut左呢條線，之後開咩咩線又邊條線加車，遠期支期真係好易變空頭支票
諗下果陣70取消，話會開條叫270P既東西…而家呢？
不論巴士公司、政府、議員各方面既思維都只係得「取消路線」呢樣野果陣
其實好難會見到「新既方便」，要帶來新既方便，係要靠網絡重組
成group重組目的係乜野（唔該唔好講係減少流量，亦唔好空談乜野配合乘客需要）
講明我會cut咩線，會有咩新線，幾多架車開幾密，其他線點配合
咁先容易將其他人既注意力由路線取消放返落整體之上

當然，要咁做，係需要各方面人士o係行為同思想上既開放…

原帖由 053h4 於 2009-8-10 02:03 發表

一個為減班交數的重組方案, 區議會唔否決, 絕對係有問題

咁如果個方案係為左「減班交數」，但係對乘客實質影響極小，而受影響乘客數目亦極少，
或者as a by-product係為乘客帶來新的方便，我唔覺得唔否決有咩問題。

原帖由 Jeffrey 於 2009-8-10 00:37 發表
睇下條片，就見識到乜0野係香港地0既刁民。
「取消，梗係唔好啦！」之後就冇第二句0架啦。
類似0既仲有
「加價，梗係唔好啦！」
「民主，梗係好啦！」
「環保，梗要響應啦！」
「禁毒，梗要支持啦！」
呢D刁民，用口號代替思維，真係唔怪得有人 ...

其實佢地唔係刁民,只係講d唔使負責任既說話,係人都知取消係
唔好,正如成日都話70唔應該取消,更加應該加密班次,如果無人
答咪話巴士公司無落力做宣傳,經營不善不是乘客責任...

當然巴士公司都要有責任做好服務,只不過而家係有錢搵咪好
服務,無錢搵日日都收車,所以車長話要罷工都唔奇,而家日日缺
人數量分分鐘同罷工無分別

從另一陰謀論, 政府想透過傳媒放聲氣, 有D極冇需求,兼有大量替代路線‧當要被殺時,
就有一小撮區議員搞局阻住地球轉, 索性將個波劈返比區議會. 或者講衰D係就巴士路線
重組議題將區議會妖魔化, 手段同上次殺九巴70線情況大同小異.

原帖由 Jeffrey 於 2009-8-10 01:49 發表


今時今日巴士線總數的確比以前多，
但近年來本地巴士線0既改動，
遠不及八、九十年代咁多。
自從有左八達通轉乘之後，轉乘就成為左削減服務後0既主要解決辦法，
好少會就現行路線作一D對原有乘客影響甚微0既調整來滿足受影 ...

冇錯...
中記好多東區-中上環的流水線....比新記整到得番幾條

原帖由 053h4 於 2009-8-10 19:04 發表


唔好斷章取義好唔好, 本人前文後理是什麼?

"重組要通過唔係無可能, 按過去港鳥各區的討論經驗
我的觀感係, 通過前題是有替代方案, 而實質服務巴士數量沒有明顯減少

一個為減班交數的重組方案, 區議會唔否決, 絕 ...

其實港島重組左好多次,唔覺得巴士數目有少到,反而比以前多左...
東區-中上環/灣仔個堆好明顯