[轉載]窮人一出世就係輸家 － 這一代是輸家中的輸家

原帖由 053h4 於 2009-8-18 02:14 發表
會考分數, 如果放係15~20年前, 超過十萬日校生搶幾萬過中六學位的年度
D卷比較艱深, 一年得一兩個十A, 幾個九A的年代
18分都唔係易攞

似乎D輔度機構都更唔上時代啦

除左d卷容易左之外（老實講，我認為會考除左中文外，幾乎科科都係相當trivial），條curve好似都拉鬆左（有錯請指正）。

而事實上，而家會考的容易程度係不利於分辨出真正有能力的學生。我所認識的8A/9A/10A，水平同學業能力都可以好參差。

原帖由 053h4 於 2009-8-18 02:14 發表
而係21世紀, 唔認真讀書係唔係真係咁難解釋
以下幾個原因, 我中學時代都見過

- 真係唔適合讀書, 或者家庭巨變後就無心機讀
- 有錢洗, 讀書辛苦, 無得玩, 唔肯做野(識得人差唔多30都無做過長工)
- 環境轉變(如升中入左間名校, 成績由名列前矛, 急跌到次次考最尾)根唔上, 即刻會無左動力去讀

當然可以用呢d理由做解釋（我都見過），但係我個問題係，點解有錢洗，覺得讀書辛苦，就可以唔去比心機讀？
點解升中入左名校，成績急跌，就唔去加把勁追返？

特別係最後一個point，我想講，名校只係平均水平同最top果批學生勁（佢地可以十樣全能，社交、成績、活動、音樂
樣樣掂），但係一樣有好多學業能力強差人意的學生，我見過唔少。呢班學生多數都係附屬小學直升，好多都唔一定
達到band 1成績水平。我唔認為一個普通小學出身，成績一向名列前茅的學生，要超越佢地有幾難。

原帖由 S3BL100 於 2009-8-18 10:11 發表
咁呢個絕對係事實，但係個proposition係，有錢同無錢，晌機會（opportunity）黎講會唔會有分別；而多種跡象
顯示，分別是存在的。

其實話無分別就係呃人, 不過想帶出係, 人比人, 就比死人,
所謂同人唔同命, 同遮就唔同柄... 每個人一出世就唔同濟遇,
其實邊有得好講, 但做人o既野, 最緊要都係盡力gei jei

世界上, 有人可以由窮人家變到發大達, 有人又可以由有錢佬
一夜間變到一無所有....未到最後都唔知結局...

與其去睇人地有無錢, 人地點, 不如自己努力好過, 最少都無悔,
而如果好似有版友講, 無錢就不如唔好讀書, 唔好勤力, 儘管最後
結果可能係事實, 但倒頭來如果咩都無時, 真係一d都唔抵可憐
亦唔好怨天尤人...

點睇, 真係在於有咩心態, 多於有無錢的問題....

原帖由 S3BL100 於 2009-8-18 00:59 發表


或者應該咁講：班人見到前途無希望就無晒motivation讀書。有好多人小學讀得唔差，但係中學成績一落千丈，
當中唔少我相信都係呢個原因造成。

之不過，我始終都係接受唔到呢d青少年點解要咁諗。

中學開始冇人管，同太多引誘，先係無心讀書成因，
而家d初中生邊個會咁快諗前途呀

同埋點先為止有前途呢??
我就覺得夠食夠住就已經叫有前途，
我呢d唔好車唔好名牌唔好蒲唔好飲唔好賭唔好嫖，
一世人月入2萬已經夠養妻活一兒，有幾難??
雖然我讀個科一畢業已經唔止2萬

可能d人話我冇大志，
但依你所講有大志個d咪又係會考零分，大志唔可以當飯食喎，
反而做好本分、隨遇而安、既來安則安之先係平穩人生之道

原帖由 Kaix 於 2009-8-18 13:37 發表

中學開始冇人管，同太多引誘，先係無心讀書成因，
而家d初中生邊個會咁快諗前途呀

同埋點先為止有前途呢??
我就覺得夠食夠住就已經叫有前途，
我呢d唔好車唔好名牌唔好蒲唔好飲唔好賭唔好嫖，
一世人月入2萬已經夠養妻活一 ...

咁我又無講過「想做李+x」係大志（你應該好清楚我點諗），實際上以此為人生目標
只顯得個人見識極度短淺無知。

同埋，前途只係讀書的其中一個誘因，唔應該成為讀書的終極目標，我就諗唔明時下的學生
點解唔會（至少嘗試）視獲取知識為一種樂趣。

[ 本帖最後由 S3BL100 於 2009-8-18 14:15 編輯 ]

原帖由 053h4 於 2009-8-18 12:23 發表


其實, 我覺得只係EQ問題

過去有所謂"農村兒童早當家"
整體去講, 雖然過去兒童發育可能較遲, 但心智早熟, 好早就有成熟的態度付點責任
而家, 就身體發育早, 行為, EQ, 心智根本無同步發展, 最終都係會影響成績, 學 ...

記得小時候, 某個烈日當空的下午,
家母帶我到馬路邊看人修理馬路半個鐘,
回家後就大條道理問第日想坐寫字樓還是企馬路。

職業無分貴賤, 至今我仍對家母認為勞力工作較低下有保留。
不過的確教到我一個道理︰
命係你自己既, 窮唔代表你冇出色,
可能只係人地行一步, 你要行十步。
而家你行差踏錯, 去放縱自己, 第日折墮就唔好怨人怨物。

當然, 有些人會覺得, 打工仔邊有時間同你花半個鐘睇馬路,
邊有時間同你講道理。仔女唔識諗賴社會, 都係社會造成。

原帖由 053h4 於 2009-8-18 18:58 發表
其實, 如果話會考考唔到人, 咁未改新高中前的 A-LEVEL 都好考人下
我考的個陣, 睇考評局的試後報告, 好多人係會考好成績, A-LEVEL 都DOWNGRADE 得好緊要
我覺得A-LEVEL唔係太差, 入到大學都唔會話讀唔掂

新高中我就 ...

如果只計第一attempt，我由CE到AL唯一一科有「升呢」的，係英文。
不過我中五CE英文拿個C，自己、同學、老師都覺得好不可思議，決定重考，
中六再考，作文選一個不太大信心但認為會較少人選的題目，
就只係作文升兩個grade，其他卷冇變，總分C變A。

今日睇明報又睇到一個專欄，就係時下家長只顧送仔女去學樂器，
但仔女卻培養不出對音樂的興趣，還不如做個不懂彈琴但懂聽琴的人。
同樣道理，出身富裕家庭的子女的確有較好條件，
但佢地有冇天份（或市場需要的才能）、EQ、自律能力等等，
都不是錢可以解決的問題，亦唔係無錢就解決唔到的問題。

一個人將來會否成功，最重要的是甚麼？
中文裡最厲害的罵人語句，唔係粗口，係話人「無家教」。

[ 本帖最後由 DIH 於 2009-8-18 22:08 編輯 ]

另一方面咁諗,學校又有冇盡教育既責任呢?
校長:千方百計同edb拎盡撥款,為免下年俾人cut budget,
洗唔晒都要揮霍晒.

要谷學生做靚條數(公開試,課外活動,學界...etc),對於成績較差學生
就用盡辦法趕人走.你當學校係啤膠廠呀?QC唔合格要拎去堆填?

教師:行政工作多左.仲兼顧其他既"校內事務"呢...
當然,我唔否認每間學校都有"教畜"同街外有唔少秘撈既教師存在

學生:誘惑多左.物質比以前豐富,老實說...唔行差踏錯都算偷笑

一隻魔鬼果3個6,唔係一開始就有齊.只係續少續少咁組合而成

p.s講到1999.希望各位唔好介意