[轉載]窮人一出世就係輸家 － 這一代是輸家中的輸家

http://forum4.hkitalk.net/view.aspx?type=BW&message=1434569

除了極少數的中產, 及已上位人士的下一代外, 這個年代的年輕一輩已經看不到將來...

很多人說這一代年輕人不上進, 飯來張口, 享受慣又淨係識得怨
但大家又有無諗過, 這一代的年輕人的質素是否真的那麼差? 而他們得到的機會又有幾多? 他們要過的關卡比上一代多幾多?

關卡
入職/升職條件
很多職業入職, 其實都需要有介紹人
上位人士的子女通常得到較好的介紹人幫助, 容易入職大公司, 甚至很多大公司的見習經理職位都會預留給高層/客戶子女

這些較好的職位在社會中不多, 只夠供應給那班已上位人士的下一代
未上位人士就算有很好的能力都不及已上位人士的介紹而入
職
(例如, 據我所知, 如果想做某些薪高糧準的職業, 如果有父系親屬已經做緊, 入職時會有分加, 但這些只限社會已上位人士的子女)
由於科技發展, 很多以前有的職位到而家已經被取締, 根本現在這一代的工作少了之餘, 找工作的人又高了, 這一代幾努力都無乜用, 如果一個社會有10000份工, 但有1000000人去爭, 你叫佢地點進修都會有好多人失業

考試/考核
幾十年前很多職業是無需要考取牌照都能入職的
又或者根本沒有那麼多專業考試
但在今天, 做專業人士的考試都變得越來越多, 越來越難
這一代人, 工作之餘還要不斷進修
而這些考試其實就是上一代已上位人士定出來的遊戲規則


待遇
同工不同酬
不少大機構及公司, 現在很多工作已經是外判, 明明做緊相同性質工作, 外判的員工待遇卻較差
最簡單, 舊制工務員同新制合約已經好唔同, 待遇爭好遠
而工務員同外判合約又爭好遠
但好多時佢地都只係做緊同一性質的工作, 只係因為年輕一輩在改制後入職, 就要得到較差待遇


機遇
安樂窩
大家比較一下40年前, 20年前, 10年前同而家的樓價
就會發現, 這一代人大學畢業都可能捱一世都未必儲夠錢買到一個單位
, 更不要說非大學畢業生
比較一下樓價與大學畢業生月薪就會發現問題所在!
相反, 已上位人士, 包括不少中產, 他們轉一轉手, 就可能賺到別人一生都未必賺到的錢, 又買多個單位了

創業
經濟/商業發展到咁上下, 其實已經很難再有新的行業/職業出現
有利可圖的生意都早已有人做了, 而且現在做生意租金之高比起幾十年前高得多, 未開業就要交一大舊錢做租金

升職
自移民潮後, 上一代不少平庸的人因機遇而上位 (當然上左位的人當中亦有有料之人)
要升職加薪有幾難? 班鬼佬走左, 自然由當時年輕一輩上位
但這一代人, 上班看看自己公司, 就會發現有好多30歲左右的人做左好耐都未上到位
唔係因為佢地無能力, 而係根本無職位俾佢地升, 排隊排十年都可能仲係做緊低級職位
已上位人士坐住個位, 舒舒服服又點會讓個位出來?
早幾十年的人, 唔少大學一畢業就做經理級 (不要跟我說這一代太多大學生, 就當以前大學只有5%人入到, 所以佢地真係好top, 能擔當高職位, 但現在最top的5%的學生出來工作後的代遇都難以與以
前的top的5%相比)
更諷刺的是, 某些已上位人士退休後的長糧可能比一個這一代的人工作2
0年搵的錢仲多

未上位人士的下一代, 年輕人們, 你們看到將來嗎?


讓我來跟大家做一個比較

已上位人士後代
小學 (名校 + 無數樣興趣班)
-> 初中
(名校 + 無數樣興趣班 + 補習班甚至是私人補習)
-> 高中
(讀書唔成就去外國, 甚至某些子女可以拿著津貼去外國讀)
-> 大學
(外國輕鬆考完試拿好成績回港入大學, 入讀好科目, 如專業科目。
注: 外國考試與本港考試的難/易程度的分別之大, 我不想詳談了, 已有官方資料指出本港AL的C等如某國家同等考試的A grade)
-> 出來工作
(讀書時期由於有好的補習班, 甚至讀國際學校, 輕易得好grade之餘又可以參加一大堆中產人士的課外
活動。其他一大堆入大公司的條件, 如所謂leadership/communicatio
n skills根本又係社會已上位人士跟一個模train
佢地子女train出來的。如遇經濟危機, 已上位人仕由於已上位, 更可為子女鋪排入自己公司工作)
-> 工作多年
(成為專業人士, 又或者有叔伯兄弟關照, 成為高層。這些人工作幾年後又輕易成為社會中上層, 即已上位人士, 繼續定下新的規則讓其他人勞役)
-> 終其一生
(生活多一點享受, 但要遵從上一代定下來的規則生活, 大多數會做中產人士, 不斷考專業試, 繼續炒樓, 或用人生幾十年買蚊型樓。)

非上位人士後代
小學 (村校 + 無乜興趣班 + 可能被人恰/開始誤入歧途)
-> 初中
(村校 + 無乜興趣班 + 補習班)
-> 高中
(讀書唔成, 中五畢業就結束讀書生活, 或者變雙失。較勤力的就要搏老命考公開試, 見識較少之餘, 甚至可能成為制度下的白老鼠。
入不到大學的年輕一輩, 工作的前途及錢途大多數從此註定了, 不用多說了。)
-> 大學
(辛苦入到大學的專業科目就可以成為日後的已上位人士。
注: 機會率係極低的。每一千人可能只得幾個。入不到專業科目
的畢業生, 畢業後人工可能只剛夠還loan和俾家用。
入不到大學的年輕一輩, 工作的前途及錢途大多數從此註定了, 不用多說了。)
-> 出來工作
(成績好, 但中學時沒有中產形式的倒模式培訓－－英文／興趣班／領
袖訓練班, 他們不乎合中產人士的生活圈子及模式, 難以擠身他們圈子/埋堆。
入不到大公司, 到最後捱多幾年人工都仲係差唔多, 莫講話供樓, 結婚, 生小朋友。
入不到大學的年輕一輩, 工作的前途及錢途大多數從此註定了, 不用多說了。)
-> 工作多年
(被工作幾年後又輕易成為社會中上層, 即已上位人士, 定下新規則的人勞役幾十年)
-> 終其一生
(遵從上一代定下來的規則生活, 或用人生幾十年都儲不夠錢買蚊型樓, 幾十年人生就是為已上位人士勞役。)


未上位人士的下一代, 年輕人們, 你們看到將來嗎?


最大問題是, 已上位人士很多依然未達退休之年, 絕對不會讓給下一代 (將心比己, 假如自己係已上位人士, 都唔會肯讓下一代上自己個位吧! 亦無咁0既必要!)
但遊戲規則是他們定好了的, 既得利益者當然會定了一堆規則保障自己的利益,
這一代年輕人不跟他們生活模式去生活, 亦難以生存

細心留意, 亦會發現這一代能夠較年輕便上位的人, 又或者是專業人士, 大多數其實又是已上位人士的下一代!
而且, 已上位人士未必真的很有料的, 但他們生於充滿機遇的年代, 結果就能控制了現時年輕一代的命運
相反, 我們可以想像到, 現在二十多歲的人, 由於社會流動性低, 無位上, 努力工作十幾二十年後, 都可能仲係做緊一些低級職位

大家試想想自己未來幾十年的生活是怎樣吧!
就算幾努力都無乜用, 相同付出但回報只係某些已上位人士的100分之一, 仲要俾人話唔夠勤力, 你甘心嗎?

窮人一出世就係輸家
這一代的年輕人, 如果出生於未上位人士的家庭, 就係輸家之中的輸家

除了起跑線不同, 連比賽規則都唔同, 仲可以點玩?
年輕人們, 是否應該做一些東西去改變現況?

未上位人士的下一代年輕人們, 你們看到將來嗎?

今時真是不同往日
肯努力讀書都未必有用
最重要反而是有才幹、EQ高的人士

也可見到香港的社會發展方向愈來愈模糊
好似沒有希望一樣

[ 本帖最後由 AL_71 於 2009-8-14 13:33 編輯 ]

原帖由 AL_71 於 2009-8-14 13:30 發表


今時真是不同往日
肯努力讀書都未必有用
最重要反而是有才幹、EQ高的人士

也可見到香港的社會發展方向愈來愈模糊
好似沒有希望一樣

富人比窮人多機會, 根本唔係而家先出現。
不妨諗下「紈絝子弟」一詞有幾耐歷史,
又諗下「門口又高狗又大」一句出現幾耐。
成日將個人失敗歸咎為社會的錯,
再將些似是而非的現象放大去講,
除左帶來心靈慰藉, 根本幫唔到自己向上爬。

出身唔好, 或者你要行多幾步先有人地成就,
唔代表你窮就一定無機會。

大學學位、荀工, 呢d全部都係靠自己爭取。
點解冇大學讀, 點解要怪人地有補習, 怪政府學位不足,
偏偏就唔怪自己細個唔努力讀書？

有人畢業幾份工係手, 有人搵幾年都未有工,
點解唔問下自己盡左幾多力？
大學畢業生多左, 競爭大左係事實,
但都望下家陣既大學生讀書態度幾咁恐佈...

我讀緊間大學報稱亞洲第一啦,
入面既大學生有幾多係唔睇報紙、唔睇書,
做野難以想像咁hea？
英文麻麻, 唔識野就駁咀駁舌, 仲要經常自我感覺良好。
做老闆既, 你請得呢d人落手嗎？

申報利益, 我家境都唔好,
A-level後就要自己養自己, 又補習又part-time又internship,
但自問成績都唔錯, 仲有時間玩下活動。
仲試過internship老闆問有無興趣當part-time長做。
如果因為窮, 然後就日日係度怨,　日日做high-tea精英，
而家既成績、生活一定唔會屬於我。

我淨係想講, 態度與努力決定一切。

[ 本帖最後由 kwyeung 於 2009-8-14 14:50 編輯 ]

樓主, 窮人不一定是輸家喎
我認識的中國內地人士, 一出身就係貧農, 住農戶, 一家人得個幾畝地耕田生產...
跟住某年有發展商收地, 全家人就有樓有車了...雖不致富但也算中層

由此可見, 只要默默耕云, 終有晴朗的一天, 希望在明天呀

原帖由 AL_71 於 2009-8-14 13:30 發表
今時真是不同往日
肯努力讀書都未必有用
最重要反而是有才幹、EQ高的人士

也可見到香港的社會發展方向愈來愈模糊
好似沒有希望一樣

又關香港本身咩事
剩係香港先講才幹、EQ??

我認同呢一代的的確確比上一代少機會，唔單止係香港，
但自己追唔上時代步伐就賴個社會發展方向模糊、沒有希望??
你抱住咁嘅心態，俾你移民去外國一樣係乞食

外國社會更加著重才幹、EQ，
成日強調social network同problem-solving skill

如果你仲冥頑不靈嘅，
你可以話「世界的社會發展方向愈來愈模糊，好似沒有希望一樣」，
呢d就係全球一體化同知識型經濟嘅現實

[ 本帖最後由 Kaix 於 2009-8-15 10:26 編輯 ]

現在才看到樓主那句「肯努力讀書都未必有用」,
想補充一點, 並非推文。

奉勸各位讀緊書既板主, 呢樣野千祈唔好諗呀！
雖然學歷高未必搵到好工, 但學歷唔高就連機會都無。
入場卷都攞唔到, 你有咩能力都show唔到俾人睇...

自己可以睇下, 講呢句話既, 有幾多個而家高薪糧厚,
我見到既就係好多雙失青年先將呢句掛口邊。

香港既教育制度, 到呢一刻仲係獎勵緊腳踏實地既人。
讀唔到書, 唔好怨人, 怨考試制度唔好, 怨課程成日改。
所有人都係同一制度下既產物, 每年有大堆成功者,
點解會做左失敗者, 原因不必多說了...

原帖由 barking 於 2009-8-15 02:44 發表
樓主, 窮人不一定是輸家喎
我認識的中國內地人士, 一出身就係貧農, 住農戶, 一家人得個幾畝地耕田生產...
跟住某年有發展商收地, 全家人就有樓有車了...雖不致富但也算中層

由此可見, 只要默默耕云, 終有晴朗的 ...

樓主講緊香港的情況
大陸經濟正在起飛,
就好似上一代的香港咁, 當然容易由貧致富
但現在香港的機會相對來說是少得多了

我覺得當然不會所有窮人都是輸家,
但家境較差、父母教育水平較低的一群人,
他們之中成功的比例的確是較低、難度亦較高
不過樓主的引文就好像把這說成不可能了

另外, 大家好像都只是著眼於窮人的部份來討論,
其實文中還有關於這一代因上一代而成了輸家

-> 終其一生
(生活多一點享受, 但要遵從上一代定下來的規則生活, 大多數會做中產人士, 不斷考專業試, 繼續炒樓, 或用人生幾十年買蚊型樓。)

-> 終其一生
(遵從上一代定下來的規則生活, 或用人生幾十年都儲不夠錢買蚊型樓, 幾十年人生就是為已上位人士勞役。)

不論是已上位還是未上位人士的後代,
都有「遵從上一代定下來的規則生活」, 「用人生幾十年買 / 都儲不夠錢買蚊型樓」的問題
很多人都有工作一生, 好像就是為大地產商做奴隸的感嘆

原帖由 Quanta 於 2009-8-15 12:34 發表


不論是已上位還是未上位人士的後代,
都有「遵從上一代定下來的規則生活」, 「用人生幾十年買 / 都儲不夠錢買蚊型樓」的問題
很多人都有工作一生, 好像就是為大地產商做奴隸的感嘆

原帖由 AL_71 於 2009-8-14 13:30 發表
而且, 已上位人士未必真的很有料的, 但他們生於充滿機遇的年代, 結果就能控制了現時年輕一代的命運
相反, 我們可以想像到, 現在二十多歲的人, 由於社會流動性低, 無位上, 努力工作十幾二十年後, 都可能仲係做緊一些低級職位

縱觀以上，當今世代是否開始散發著封建主義、資本主義的腐朽氣息？

[ 本帖最後由 barking 於 2009-8-15 14:43 編輯 ]

原帖由 Quanta 於 2009-8-15 12:34 發表
不論是已上位還是未上位人士的後代,
都有「遵從上一代定下來的規則生活」, 「用人生幾十年買 / 都儲不夠錢買蚊型樓」的問題
很多人都有工作一生, 好像就是為大地產商做奴隸的感嘆

從另一角度睇，高地價政策為香港政府提供大量資金，
香港人俾少少稅就可以享受良好教育、基建、醫療、公共房屋，
簡單黎講係劫富濟貧

香港有大量公屋、居屋，
一百萬價錢嘅私樓都有唔少，
做唔做地產商奴隸好睇人識唔識量力而為

窮人子弟冇機會出國讀書，只可以留係香港升學參加CE 同AL，
入到degree 既機會<18%。好啦，就算比你入到大學，好多同學
畢左業仲要還grant loan。

反觀有D同學，鬼叫人地屋企有錢，有機會出國讀書。佢地可以用哂D
青春去玩。日日唔係煩緊去邊度玩，去邊度旅行，就係煩緊要溝邊條女。
返到黎一樣俾佢地屈機。