九龍南線通車集中帖

原帖由 ES464470X 於 2009-8-23 17:10 發表


還有開車前大約30秒至1分鐘,
大堂的顯示版便不會顯示即將開果班車的時間,
如果有已入閘的乘客遇到這情況, 特別是中層大堂的乘客,
即使這時衝落月台都至少有80%機會追到車,
今日我係上層大堂就見西鐵3號月台快開果 ...

呢個情況真係好大獲....30秒至1分鐘就消失實在太早....

原帖由 thomasluke231 於 2009-8-22 19:01 發表
今日由兆康到太和,結果用左 一小時三分鐘九秒,在紅磡站轉車只用左兩分鐘,比平時我西鐵綫錦上路轉64K只慢十分鐘左右,而且便宜了7毫子 最奇怪的係由兆康到紅磡只需33分鐘(其實係32分鐘多二十秒),比港鐵公佈快3分鐘 ...

果頭係唔係有小巴去上水? 如果有可能會快d

原帖由 qkps2 於 2009-8-24 17:37 發表 [/url]

果頭係唔係有小巴去上水? 如果有可能會快d

係快好多TIM~
果邊有綠小44A, 大約20分鐘去到上水火車站
(快的話可以唔駛20分鐘去到上水)
再加埋火車果程, 35分鐘已經去到太和~

(我媽媽剛剛由兆康坐44A去上水, 雖然等車耐少少, 大約10分鐘,
但係車程就夠晒快, 大約17-18分鐘就去到上水)

當然學生價又唔趕時間的話, 遊下鐵路河都無妨~

[ 本帖最後由 ES464470X 於 2009-8-24 20:20 編輯 ]

應該都係因為廣東道唔夠位起兩條隧道，所以要分層。至於樓主見到有對頭車，係因為兩條路軌之間並冇阻隔

原帖由 ES464470X 於 2009-8-24 20:05 發表


係快好多TIM~
果邊有綠小44A, 大約20分鐘去到上水火車站
(快的話可以唔駛20分鐘去到上水)
再加埋火車果程, 35分鐘已經去到太和~

(我媽媽剛剛由兆康坐44A去上水, 雖然等車耐少少, 大約10分鐘,
但係車程就夠晒快,  ...

我當然知道有綠小,因為我係綠小入,港鐵走
要知道綠小真係好貴,由太和到屯門要成$15.2,唔趕時間就寧願省錢,就算西鐵綫錦上路轉64K到只需$9.9,節省$5.3,依家只搭港鐵更節省$6.0,當然時間耐一些

[ 本帖最後由 thomasluke231 於 2009-8-25 13:28 編輯 ]

原帖由 北角---九龍城 於 2009-8-24 03:19 發表

呢個情況真係好大獲....30秒至1分鐘就消失實在太早....

近一兩日我係下午繁時計過時...發現實際上唔只1分鐘....
昨日我就計過其中一班東鐵,
當中層大堂的顯示版取消顯示4號月台即將開果班東鐵,
我就立即開始計時, 計時途中行落月台睇下果班車幾時關門,
最後當4號月台的東鐵關門一刻, 我按停手錶,
時間係......1分05秒........

到今日, 我就先計一班西鐵, 又係等中層大堂顯示消失後,
我就立即按手錶開始計時, 最後2號月台果班西鐵
因為仲要等東鐵轉乘客,
最後關門時間同月台顯示消失的時間相距2分鐘咁多!!!

之後再計3號月台/4號月台同一時間(18:21)開的東西鐵列車,
西鐵果邊顯示首先消失, 東鐵果邊就遲左5秒先取消顯示,
我再行落月台, 最後兩邊列車幾乎同一時間關門,
西鐵列車同月台顯示消失時間相差1分05秒
東鐵西鐵列車同月台顯示消失時間相差約1分鐘

東鐵線轉西鐵線有機會出現"遲黎先轉車"，假如東鐵線駛入4號月台，
但係當時西鐵線列車o係2號月台，之後下一班東鐵線進入1號月台，
就會出現搭遲一班反而唔駛行上行落就轉到車，呢個情況相信都幾常見。

唔知可唔可以o係旺角東站作出廣播下一班西鐵線開出列車會在那一個月台開出，
而搭乘中的列車將會停靠在那一個月台呢？

[ 本帖最後由 on11358 於 2009-8-25 21:25 編輯 ]

原帖由 thomasluke231 於 2009-8-25 13:26 發表

我當然知道有綠小,因為我係綠小入,港鐵走
要知道綠小真係好貴,由太和到屯門要成$15.2,唔趕時間就寧願省錢,就算西鐵綫錦上路轉64K到只需$9.9,節省$5.3,依家只搭港鐵更節省$6.0,當然時間耐一些 ...

我想問下大埔墟搭64k到錦上路要幾耐?!
如果大埔去天水圍唔知港鐵快
定64k+西鐵快?!ㄅ

原帖由 on11358 於 2009-8-25 21:23 發表
東鐵線轉西鐵線有機會出現"遲黎先轉車"，假如東鐵線駛入4號月台，
但係當時西鐵線列車o係2號月台，之後下一班東鐵線進入1號月台，
就會出現搭遲一班反而唔駛行上行落就轉到車，呢個情況相信都幾常見。

唔知可唔可以o係旺角東站作出廣播下一班西鐵線開出列車會在那一個月台開出，
而搭乘中的列車將會停靠在那一個月台呢？

如果係以下兩項資訊, 都可能可以做到:

• 本班列車(預定)幾點到達紅磡站, 停靠那個月台
• 下一班於紅磡開出的西鐵綫列車(預定)開車時間, 停靠那個月台
  

但如果要解答有冇出現「遲黎先轉車」呢個問題, 就要講埋:

下班東鐵綫列車(預定)幾點到達紅磡站, 停靠那個月台

但係, 要考慮既情況還有好多, 一些可能發生既例子:
1. 東鐵 18:00:00 落到紅磡, 緊接對面月台 18:00:20 於紅磡開出既西鐵。
2. 東鐵 18:00:00 落到紅磡, 要過另一面月台轉 18:02:50 於紅磡開出既西鐵,
下班東鐵 18:02:20 到紅磡緊接該班西鐵。
3. 東鐵 18:00:00 落到紅磡, 要過另一面月台轉 18:02:20 於紅磡開出既西鐵,
但下班東鐵 18:02:30 落到紅磡接唔到班西鐵。
4. 東鐵 18:00:20 落到紅磡, 趕唔及對面月台 18:00:00 於紅磡開出既西鐵,
下班西鐵於另一面月台 18:04:00 開出, 但下班東鐵 18:04:10 到達。

總之, 提供越多資訊, 班員工做多左野, 但係資訊出現偏差既機會就大左,
一般乘客見到甚至覺得麻煩、複雜。所以都係去到紅磡站隨機應變, 真係
後車著數左都冇辦法。

原帖由 ksmbh 於 2009-8-25 21:44 發表
我想問下大埔墟搭64k到錦上路要幾耐?!
如果大埔去天水圍唔知港鐵快
定64k+西鐵快?!ㄅ

如果以大埔墟站往錦上路站計算，64K的車程會比港鐵快5至10分鐘，而且64K的車資亦較便宜。