260X客量下跌+紅隧口迫爆

算吧啦，269b點都郁唔到架喇，
你睇下依家天水圍有邊條線唔入嘉湖丫。

呢班大帝一早就拿拿林送上西鐵吧啦，反正根本就無慢到，但係天北人就一定有得快。

原帖由 leochill 於 2009-8-19 00:09 發表
今日去紅磡搭左西鐵, 實在太爽了! 30分鐘內到天水圍站,  轉多程輕鐵, 都比上星期紅磡口搭269b 轉265M 快左15分鐘返到屋企! 呢次268b/269b 有難了!
但反而今晚西鐵客唔算好多, 晚上8點15分上車, 過左美孚都只係每度 ...

我覺得南線通左後，西鐵班次無以前咁穩定
有時兩班車會密左，再加上南昌未必班班都夾到東涌線，所以以往都會有一班爆，一班少人的情況

港鐵20號就會為南線出廣告了... 為25號$470月票做宣傳
九巴仲咩都唔做的話只有等住俾人搶客

南線通車可以令大量乘客改搭西鐵,巴士公司要
面對客量下跌都較容易處理,相反如果客量無點
跌,巴士公司就要頭痛地去cut一d無關痛癢路線
班次,以回應政府要求,君不見而家馬鐵就係出現
呢種情況

只望d客真係可以享受到新線帶來好處,而唔係一
味話要俾幾多,記著時間係用錢買回來,享受穩定
同快係要付出代價

個人頭兩天的感覺：
紅磡站轉車的人好似多左，我坐返工的103都開始要企。(以前八時係坐兼有位揀)
不過東區線的人龍就無乜大變動，反而107/170的人龍好似長左。
不過頭兩三天的資料不能作準，至少仍有朋友由新界西去富榮，仍堅持轉收費的K16，皆因行去畐昌搭12太遠兼全程淋雨喎。

原帖由 yhc_09 於 2009-8-19 00:18 發表

減車去開259X?

259X 到 TD 肯批先算

PS. 屯門公路轉車站一開
個人覺得屯門區巴士路線好大機會變天

原帖由 Pendolino 於 2009-8-19 00:59 發表
算吧啦，269b點都郁唔到架喇，
你睇下依家天水圍有邊條線唔入嘉湖丫。

呢班大帝一早就拿拿林送上西鐵吧啦，反正根本就無慢到，但係天北人就一定有得快。 ...

其實真係住在天北(甚至整個天水圍)的師兄都會知道，
為什麼天水圍的巴士會"慢"......
我認為就是在輕鐵平交道口等輕鐵過......
我之所以建議改269B 甚至其他可改的線在天湖路轉左，
而不再轉右，都是想避左樂湖同天耀中間那條761P 同 705/6 行的平交道。
雖然天湖同天慈中間都有平交道，但751班次 vs 761P的繁密拖卡，
真有很大的分別。
其實269B 大可再去盡一點，用265B 在天水圍的行法，
放棄天瑞、天耀同樂湖及賞湖，或者拉埋268B 入天瑞，
等268B唔使 因為元朗客流失咁快死，
反正天南同胞想快搭西鐵都唔會太耐，
想搭巴士，由天南出發行埋元朗都唔會慢太多。

純粹建議，未有太多數據支持，不喜勿插，謝謝！

原帖由 AVD1 於 2009-8-19 10:22 發表

259X 到 TD 肯批先算

PS. 屯門公路轉車站一開
個人覺得屯門區巴士路線好大機會變天

變天就無乜大可能，因為屯門區議員有部份都幾野蠻，
頂盡咪執過下ＤM線......兼且以前唔識珍惜259X先機，到彌敦道Quota制一出就全盤擱置，
現在西鐵線對碼頭居民既平又快（唔用月票都係），俾我係運輸署都唔睬你。

原帖由 yhc_09 於 2009-8-19 00:00 發表

而家平時都有259B去尖沙咀
但都係得3班 回程個3班暫不講
其實開條259X 屯南區既人就會搭259X出去
車費比506轉西鐵平d就會更好
就會有部份人因為咁而唔搭506轉西鐵/260X
不過咁樣260X會減班 ...

咁260X減班就必然，全日成個尖沙咀都係靠佢入屯門，屯門碼頭客佔市中心落車客起碼一大半。
有時我坐259B返屯門，見到Ｄ車外熟面口的屯門碼頭客都唔上佢，寧願等260X，
可能佢嫌無260X咁快返到屯門，要經油麻地同旺角（實情大家入屯門時間都唔係差好遠）。