警察搭車洗唔洗俾錢?

既然司機講得呢句，即係實際上係需要畀錢的，否則該警察都無須作狀畀錢。
我諗除非有突發事件需要上車搜捕疑犯，否則警察上車都應該畀錢。
（如果有急事要徵用民用車輛，都唔會用巴士啦係咪？）

原帖由 天瑞總站 於 29-8-2009 23:10 發表
記憶中著緊制服唔洗俾錢

早兩日見郵差搭火車都要do 8仔
雖然唔同職業同交通工具
但我諗大家都係制服部隊
應該都係一樣做法掛..

原帖由 Mos_Lok 於 2009-8-29 23:22 發表

早兩日見郵差搭火車都要do 8仔
雖然唔同職業同交通工具
但我諗大家都係制服部隊
應該都係一樣做法掛..

郵差係要著制服，但唔係「部隊」......
著住警察服的警察搭巴士係咪需要畀錢，我真係唔知，而搭港鐵又使唔使呢？

原帖由 天瑞總站 於 2009-8-29 23:10 發表
記憶中著緊制服唔洗俾錢

錯...係要俾錢架...不過事後要填返form報返俾政府claim返
但係張form太麻煩(要填日期時間,交通工具,乘車路線,車資)
至於有冇個別公務員上車唔俾錢,但照申領車資.就不在討論範圍

[ 本帖最後由 DW8306 於 2009-8-30 07:12 編輯 ]

所有政府公職人員﹐凡有需要乘坐交通公具﹐都是需要繳付車費的。

除左鐵路警區的警察﹐因他們工作是在收費區內﹐所以他們是持有一張八達通﹐可出入任何一部閘機。

其他政府公職人員﹐我想不到還有什麼特別情況可以免付車費。


不過﹐現實生活中﹐多數司機都會比面的﹐等別是警察。原因﹐自己估啦﹐不在此說啦。

至於上面提及輕鐵查飛﹐好易解話﹐話係執行巡邏便可﹐而又有邊個夠膽CHECK 亞SIR 車飛

我印象中幾年前好似試過有一次搭81k往穗禾苑方向
過左沙田鄉事會路條沙燕橋之前個紅綠燈位前面
有個警察上左車
之後部車就轉左
去左大會堂個邊同埋帝都酒店
先番番去希爾頓個邊入番沙市巴總
之後唔係好記得個警察響邊到落車
可能仲遲過我落車(我響瀝源落)

至於個警察有無俾錢
真係唔係好記得
不過照計就應該無!

原帖由 DIH 於 2009-8-29 11:29 PM 發表

郵差係要著制服，但唔係「部隊」......
著住警察服的警察搭巴士係咪需要畀錢，我真係唔知，而搭港鐵又使唔使呢？

鐵路警區工作的警察﹐是有一張八達通的﹐此八達通是可以出入任何一個出入閘機的。

而此八達通仲有一個神奇之處﹐除非是閘機除非是故障﹐此八達通仲可以在暫停服務的閘機出入。而一些供2邊出入的閘機﹐當LOCK 死供一個方向用時﹐此八達通也可以反方向進入的。 (其實﹐即係一張港鐵職員的八仔卡 )


而另一個情況﹐非鐵路警區的警通都會免費坐車的﹐但通常只會在大時大節發生。這情況便是A區有一大批的警察要去B區支援﹐路面情況又不宜用警車﹐便會一大批警察一齊去車站﹐叫職員開閘口(即客務中心附近的一些﹐非入閘機)﹐成批一次過進入收費區﹐去到目的地﹐又會用同樣的方法出站﹐整個過程是不會便用出入閘機的。
這些情況其中一個例子有維園年宵﹐附近封路用唔到警車。


當然一般情況﹐其他警察進入鐵路收費區工作﹐都會叫職員開閘口(非出入閘機)入去工作。緊急情況﹐找不到鐵路職員﹐便會跨欄﹐跳閘機﹐撞閘等方法進入。