警察搭車洗唔洗俾錢?

原帖由 葵盛東居民AMN36 於 2009-8-30 10:50 發表
有相熟車長對我話試過一次有休班警員帶住家人搭車
就咁晒警員證就行左入去

我都有聽過, 油塘有一大埋樓係比公務員住
有車長話比我知一個Show 警員Pass既, 一家大細仲帶埋菲傭上車
戚晒眼, "圾"熟狗頭咁樣走上車..

原帖由 5074 於 2009-8-31 01:11 AM 發表

睇到有入錢就正常，但奇在點解你坐導航位會睇到係$11.8？

我見佢地想入錢個陣跌左d省銀
數下數下數到$11.8...

由細到大見無數次差佬搭車 .. 係無一次會比錢的..
亦唔會有司機出聲 .. 通常都係點頭或者揮一揮手~
其實系今時今日就算一般人唔比錢上車司機都唔一定會出聲..
莫講係警察啦
都等於入小一兩毫幾毫 .. 都無人會話你 ~
我有朋友日日搭 87D 佢話加價對佢無影響 ..
因為佢咁多年都係入 $8 .. $7.8 又係比 $8 而家 $8.2 都係比 $ 8 ~

原帖由 38．HKT．138 於 2009-8-31 13:15 發表
由細到大見無數次差佬搭車 .. 係無一次會比錢的..
亦唔會有司機出聲 .. 通常都係點頭或者揮一揮手~
其實系今時今日就算一般人唔比錢上車司機都唔一定會出聲..
莫講係警察啦
都等於入小一兩毫幾毫 .. 都無人會話你 ~
...

如果你話一般人就真係睇人啦

見慣見熟知道果個人係有問題, 又或者可能係阿公阿婆抄晒o野比一兩蚊上車, 就可能唔嘈
生面口果D多數都會嘈既..

我反而好想知九巴城巴司機，上屯元天果D港鐵巴士，係咪都唔洗比錢 ?
因為我係天水圍見過有九巴司機上左架港鐵K巴，同個司機打聲招呼就可以行入去。

早年搭41去青衣
有個差人係落山道上車
鴻福街落車
佢冇入錢 司機都好樂意唔使佢入

原帖由 zz567 於 2009-9-1 12:27 發表
我反而好想知九巴城巴司機，上屯元天果D港鐵巴士，係咪都唔洗比錢 ?
因為我係天水圍見過有九巴司機上左架港鐵K巴，同個司機打聲招呼就可以行入去。 ...

嚴格黎講就梗係要比
不過各間巴士公司既司機好多時都會互相關照
你幫人時人地幫番你啫

原帖由 gn3509 於 2009-9-1 12:53 發表

嚴格黎講就梗係要比
不過各間巴士公司既司機好多時都會互相關照
你幫人時人地幫番你啫

咁同樣情況，理論上港鐵巴士既司機應該可以照上九巴/城巴既車，但港鐵所有員工都係同一種
制服，如果其它港鐵員工著住制服，咁九巴/城巴 D司機點樣可以分辨到該人是否係港鐵渣巴士 ?
因為一般慣例都只係巴士司機互相關照，同埋港鐵巴士主要集中係大西北，所以九巴/城巴可以
任上，咁港鐵既巴士司機係咪只可以上番大西北行走既九巴/城巴 ?

希望有人明我講既野，因為好似寫得好亂。

原帖由 zz567 於 2009-9-1 13:10 發表


咁同樣情況，理論上港鐵巴士既司機應該可以照上九巴/城巴既車，但港鐵所有員工都係同一種
制服，如果其它港鐵員工著住制服，咁九巴/城巴 D司機點樣可以分辨到該人是否係港鐵渣巴士 ?
因為一般慣例都只係巴士司機互相關照，同 ...

我印象中未見過有港鐵職員o係工餘時間(唔計食飯)穿著完整制服o係街上行走…

原帖由 brian 於 2009-9-1 23:57 發表

我印象中未見過有港鐵職員o係工餘時間(唔計食飯)穿著完整制服o係街上行走…

你講得岩，我其實都想問，就係九巴同城巴車長經常著制服週街行，港鐵車長就好少見，
主要集中係大西北果邊多，應該係港鐵巴士司機同輕鐵司機，市區就真係好少見有人著港
鐵制服行街。

唔知會唔會離題，因為我又唔想專登開條新topic討論，所以順便問下咁，如有離題請見諒。