點解巴士迷成日比人歧視?

原帖由 FB9469-FA9288 於 2009-9-2 11:00 發表


我地只要從一個普通人既角度出發去諗, 就會明白到D交通迷係自然地俾其他人(尤其係其他唔多年紀既年青人)視作"傻仔"
原因只可以話好多人都認為鐘意/迷公共交通工具就係一D幼稚,"傻仔"既行為
所以D交通迷先至俾人歧 ...

交通迷係香港先特別受歧視，以我所見係外國問題不大，外國的火車迷多到唔恨，外國連d書局同圖書館都要擺定好多火車書、巴士書、錄影帶等去比佢地睇，可能係外國多元文化，所以交通迷呢種獨特文化係外國易d被人接受，而且外國唔鐘意公交的人自然會去揸車，所以外國人會比較少理公交迷

不過係香港我都明係頗無奈，d人咩都鐘意抽水同歧視，講真依家班歌迷如果唔係可以靠追星搵錢的話，我相信一樣比人歧視到爆......

原帖由 FB9469-FA9288 於 2009-9-2 11:00 發表


我地只要從一個普通人既角度出發去諗, 就會明白到D交通迷係自然地俾其他人(尤其係其他差唔多年紀既年青人)視作"傻仔"
原因只可以話好多人都認為鐘意/迷公共交通工具就係一D幼稚,"傻仔"既行為
所以D交通迷先至俾人 ...

我最唔明就係點解鐘意/迷公共交通工具就係一D幼稚,"傻仔"既行為????
既然樓上都有人講有D版友已經結左婚,如果人地真係咁諗我諗莫講話有機會結婚啦..連做朋友既機會都無

原帖由 E60 於 2009-9-2 12:06 發表


交通迷係香港先特別受歧視，以我所見係外國問題不大，外國的火車迷多到唔恨，外國連d書局同圖書館都要擺定好多火車書、巴士書、錄影帶等去比佢地睇，可能係外國多元文化，所以交通迷呢種獨特文化係外國易d被人接受，而且外國唔 ...

可能正正因為呢個原因,香港無巴士博物館
就連已退役既收藏巴士都唔能夠拎"正牌"出車
要掛T牌
唔知道如果D香港人去到英國見到有咁多巴士迷同鐵路迷會點諗呢??:L
以後唔再去果邊??

我本身對巴士有興趣
但係我唔想做巴士迷，原因如上面講果D
香港宜家好似多左好多巴X
為左影車竟然可以衝出馬路去，條命都好似唔想要咁
偷膠牌，偷路線圖.....等等的行為
俾外界的印象，就好似係果D「有問題」的人
(當然我唔係話所有巴迷都係咁)
我唔想俾人當我係「有問題」，所以除左一D巴界大大事之外(例如70號取消)
我都唔會出黎影巴士，最多只係黎呢度問下野

順便講埋
小弟本身亦是一名升降機愛好者
有時得閒都會研究下
但係好可惜有懶一眾X例如SchXXXler等
我們俾外界的印象開始轉差
所以我也在考慮「收山」...

咩叫做歧視？
影巴士果陣俾人望就叫做歧視？
明星出街夠俾人望啦，你又唔見佢話俾人歧視？

問題在於人地用咩眼神望你。好多影巴士時如果有人望，
通常都只係好奇的眼神，睇下你影咩。
(就正如有幾個人企係條街一齊向天望，人地都會好奇望下個天 )

如果你發現人地係用厭惡的眼神望住你，咁你就應該檢視下自己，
睇下係咪自己的其他言行舉止、衣著服飾等有問題....
咁呢樣野就同你係咪巴士迷就無乜大關係喇。

坦白講，一個巴士迷無朋友，唔代表全世界的巴士迷都無朋友...
正如呢個世界有巴士迷敗類，唔代表全世界的巴士迷都係敗類....
自己無朋友，係社交技巧的問題，唔係巴士迷身份的問題。

我的意思唔係話打壓知情權，而係呢d文係隔離版幾乎每個月都一篇咁滯，同埋我都講歧視可以係出於無知，咁點解每當有人話巴迷被歧視時巴迷們總係要數哂自己人的不是出來呢？講好的一邊比人知唔得ge？你地成日數呢個數個個同認同歧視有咩分別？如果你地係認同歧視的點解仲要出文問點解呢？

甚至有d人竟然可以講因為XXX所以巴迷唔會受到人尊重，咁係架，以後都冇人會尊重巴迷架啦，但呢樣係巴迷們想要的處境嗎？

同埋我唔覺咁樣可以點解決巴敗的行為，當場又唔敢出聲，事後先係互聯網講的，解決到d咩？

中國人講的「家事不出門」係有意思的，自己咀嚼下啦！

[ 本帖最後由 E60 於 2009-9-2 15:21 編輯 ]

球迷, 車迷, 歌迷, 如果唔係牽涉某一事件,
例如上面講的球場騷亂, 非禮女性偶像等,
對一般人黎講只係一個中性詞.
但一講到巴士迷, 就會令一般人有負面的印象.

巴士迷偷巴士渣, 跟車唔俾錢等等劣行反而未必係主因,
反而係果d 坐上層車頭扮車長,
見到對頭車大嗌什麼特見呢d 先最嚇人.
呢d 行為唔需要傳媒報道, 在youtube, 論壇度講,
都會令人怕左巴士迷.
呢d 就係所謂「一粒老鼠屎整臭成煲粥」.

不過, 即使過去冇呢d 事情發生,
一般人聽到巴士迷三個字都唔會有咩好感.
我估主要原因係, 巴士係一種日常生活中非常之普遍的東西.
而花時間花心機去迷一樣隨街可見的交通工具係無聊, 「唔等洗」的行為.
尤其係當外面三十幾度, 陽光猛烈的日子,
巴士迷企街做乾煎鹹魚, 為的只係一張正光巴士相(或者廣告車, 特見之類),
一般人係難以理解的. 會認為係浪費時間, 攞苦黎辛.
詞彙貧乏的人一見到此類行為, 會衝口而出, 用「傻仔」, 「低能」來形容巴士迷.

其實自從有傳媒介紹過巴士迷呢種小眾群體之後,
香港人都知道咩係巴士迷,
普遍黎講就係企街影巴士的人,
一般人見到巴士迷覺得好奇, 其實唔係好奇「呢個人影緊乜」,
而係「果個巴士迷棟係條街度百無聊賴唔知做乜」.

講到尾, 你有你企街捕車的自由,
人地有人地討厭你, 覺得你無聊的自由,
反正做得香港人都係極度自我,
咪由得人地歧視.

原帖由 CPY 於 2009-9-2 16:23 發表


小弟同意歧視是出於無知。但被「歧視」是一定有理由的，巴迷幹得好的話何懼被列舉事件？

為甚麼總有人認為，列舉巴敗劣行就等同抹黑巴迷？這些是事實，不是誣蔑。

就當巴迷是有好的一面，得罪說：你覺得巴迷有甚麼好事值得在網 ...

責怪我篇野??
你意思係...E60佢所講既野係隱藏著貶義既意思??
見版友話「歧視」既理由係:
一般人見到巴士迷覺得好奇, 其實唔係好奇「呢個人影緊乜」,
而係「果個巴士迷棟係條街度百無聊賴唔知做乜」.

唉!!百無聊賴都可以成為歧視巴士迷既理由
都唔知等到幾時巴士迷先可以比社會普遍地接受..
e) U
hkitalk.net9 b- b8 P" A+ m0 ?2 K% S) `# B