(近乎) 頂閘的西鐵列車

原帖由 tonyng 於 2009-9-27 01:11 AM 發表


在10年前設計東鐵尖沙咀延線時已預留該位置在日後興建交叉渡線，不過現在使用尖東渡線的安排可以更快出清波口，讓紅磡站2號月台列車早一點駛離。 ...

以東鐵運作﹐當然用現時尖東的位是最好的選擇。

但以現時西鐵運作﹐真的不是一個好選擇。如果此位真的有預留做較剪位﹐這便要看MTR 幾時會加建改裝了﹐去解決列車DELAY 出入紅磡站的問題。

繼續分享...

今晚 11:05 攝於荃灣西站，竟然都可以咁頂，當時班次為 6-7 分鐘。

張相入面係第幾卡?
以前有網友講南線通車前大約8分鐘一班,
同一時段往屯門方向車尾果2,3卡先會爆滿企到門口位~

原帖由 ES464470X 於 2009-10-9 23:56 發表
張相入面係第幾卡?
以前有網友講南線通車前大約8分鐘一班,
同一時段往屯門方向車尾果2,3卡先會爆滿企到門口位~

往屯門方向第二卡... 我搭西鐵通常只會坐第一二卡，因為近屋企

原帖由 ahbong 於 2009-10-9 23:46 發表
繼續分享...

今晚 11:05 攝於荃灣西站，竟然都可以咁頂，當時班次為 6-7 分鐘。

唔出奇呀.
好多做零售業的朋友, 都係要成十點鐘先收工,
係旺角呀, 尖沙咀等地收工.

係運輸署的惡勢力下, 而家由九龍返天水圍的巴士班次疏到喊, 15-20分鐘一班車都夠膽死,
反正巴士又係企, 西鐵又係企, 相比之下, 西鐵企得舒服少少, 咁居民咪搭西鐵囉.
其實居民都係無可奈何下焗住幫襯姐

巴士班次如果有8-10分鐘一班車, 你睇下西北居民搭咩...
肯定係巴士啦, 做左成日野, 好多都想一上車就訓.


不過, 既然巴士被削班係事實, 港鐵公司無啦啦著數左,
港鐵公司就好應該加強 2200 至 2330 期間的西鐵服務,
將呢個特別時段的班次加密至 4-5分鐘.
唔好下下將 市區線個種迫到喊 指標作為西鐵的加班準則.

唔計尖咀果兩條268B/269B
計佐敦以北的巴士線, 好似得69X先咁疏,
其他多客的路線如58X/59X/60X/68X/265B官方班次都係10分鐘一班甚至更密~
(往新界方向)

點都好, 既然西鐵係多左客搭 (先唔好理咩原因)
連以前較少人企的車頭1-2卡都頂閘,
咁已經證明有需要將列車班次加密至5分鐘一班

原帖由 AVW56 於 2009-10-10 00:10 發表


巴士班次如果有8-10分鐘一班車, 你睇下西北居民搭咩...
肯定係巴士啦, 做左成日野, 好多都想一上車就訓.

唔知係咪因為西鐵車廂空氣含氧量較高，二氧化炭量較低，今晚我搭西鐵時，見周圍乘客都好精神，有講有笑或者睇新聞。

巴士車廂空氣可能因為含氧量低，二氧化炭量高、車程太長、Roadshow 太悶，乘客先迫於無奈選擇訓覺。


以上都係猜測，同閣下猜測「如果有8-10分鐘一班車，西北居民肯定搭巴士」，或者以為「係乘客都想一上車就訓」一樣，得啖笑而已，唔好太認真。

[ 本帖最後由 ahbong 於 2009-10-10 00:33 編輯 ]

其實D人成日話搭巴士可以一上車就訓，但其實我覺得係因為巴士車程慢，
所以乘客坐車坐到訓著，反而搭西鐵因為快左，可能未訓著已經到站，
仲驚可能會訓過龍。

點解D人寧願搭巴士慢而要係車上訓覺，而唔選擇搭西鐵快少少返到自己屋企訓餐飽。

原帖由 zz567 於 2009-10-10 01:09 發表
其實D人成日話搭巴士可以一上車就訓，但其實我覺得係因為巴士車程慢，
所以乘客坐車坐到訓著，反而搭西鐵因為快左，可能未訓著已經到站，
仲驚可能會訓過龍。

點解D人寧願搭巴士慢而要係車上訓覺，而唔選擇搭西鐵快少少返到自己 ...

原因:
1. 部分居民可能要花15-20轉輕鐵先返到屋企附近
2. 巴士上訓覺點都舒服過鐵路
(尤其九巴有頭枕的巴士數目較多,
所以有乘客係會選擇特意唔上3+2座位的巴士)
3. 心理因素, 返到屋企就唔會想即刻訓覺
(放工時間我搭東鐵有時呈半睡狀態訓左十幾廿分鐘後落車,
之後返到屋企食飯前就算有廿分鐘都唔會再訓)
4. 當搭巴士有位坐(可能近總站/有特車/班次密)而搭鐵路好大機會無位坐時,
再加西鐵+轉輕鐵後同巴士車程唔爭得遠, 巴士車費又平2-3蚊,
唔少乘客自然會繼續搭一程過巴士
(最佳例子58x/59x/60x/68x)