班次令人咋舌的市區線

原帖由 tridents 於 2009-10-1 13:48 發表
剛才我是想加分, 但好像是我操作有誤變成減分, 請諒, 因我不知怎樣可以改.

真係講得岩, 香港島間公司咪又一樣, 只係無人講, 要換公司, 係都換走周大福先, 天下烏鴉一樣黑, 正.

...

我估呢度既板友平時坐九巴多, 咪以為淨係九巴服務差。

佢地講既野, 我係新巴、城巴都見過哂,
但九巴公司起碼有條熱線俾你打上去消氣,
港島區打去投訴都唔會有人聽...

有次朝早係金鐘等720A去東區法院,
等半個鐘先有車埋站, 仲要落完客轉左牌走人。
臨走個司機講左一句好應景既說話︰
「成個地鐵站係隔離, 仲等乜鬼呀？」

朝早904頂閘我都一樣聽過有新巴司機叫人坐905落車行,
但呢個時段905係九巴車。
呢D咁既說話, 同講唔做你生意一樣意思咋...

如果呢類事發生係一條九巴路線,
我倒有興趣知道各位板友會點反應。

[ 本帖最後由 kwyeung 於 2009-10-1 21:19 編輯 ]

原帖由 FD5410 於 2009-9-30 23:24 發表


荃灣坐 40 入觀塘分分鐘坐成粒幾鐘
荃灣入觀塘最快就係地鐵(唔計未開既紅小)
近大窩口既坐 42C 都仲得...

而家既42c都係不枉多讓, 又疏車又碌, 行得過去大窩口同直接等40都唔差得好遠
唯有搭$12.5的紅小... 遇著個咁既對手, 真係抵佢發~

原帖由 kwyeung 於 2009-10-1 14:51 發表


我估呢度既板主平時坐九巴多, 咪以為淨係九巴服務差。

佢地講既野, 我係新巴、城巴都見過哂,
但九巴公司起碼有條熱線俾你打上去消氣,
港島區打去投訴都唔會有人聽...

有次朝早係金鐘等720A去東區法院,
等半個鐘 ...

聽完個新記carlo 咁講, 條氣應該會順過打上去俾cs 的同事(關心)

原帖由 petcity 於 2009-10-1 01:15 發表
如果九巴交專營權出黎解決而家既問題
交得過

但有冇人寫到包單一定好過而家？唔係話交就交
你夠膽企出黎話冇問題，最好俾返原因，否則郁
d叫人交個權出黎，講就易，俾你接難唔難呢？
郁d咁講呢d晦氣話既人，佢做野，唔好寄望做到大 ...

最鐘意講呢d晦氣話果個叫陳祖澤,你覺得佢做唔到大事既,咁,你有你既自由
而家九巴服務既死結就係佢見唔到有競爭,規管又嚴,公司又太大無彈性
成間公司似國營企業多過私人公司

公司又淨係掛住歌舞昇平,無人去理到底o係街行緊既服務係點
唔引入競爭迫佢改善服務根本就無出路
實際上九巴已經無得救,收佢專營權係晦氣說話做唔到大事的話
可能我地而家見到既巴士服務係33A班班車都行唔同路線,鐘意飛咩站就飛咩站,鐘意行荃灣路,楊屋道,沙咀道定青山公路都無人理...
雞鴨寶八大禽獸繼續橫行本港...

可能對你黎講咁先叫做大事既,咁我都阻止唔到你咁諗

原帖由 kwyeung 於 2009-10-1 14:51 發表
「成個地鐵站係隔離, 仲等乜鬼呀？」

朝早904頂閘我都一樣聽過有新巴司機叫人坐905落車行, 但呢個時段905係九巴車

如果有留意, 自從新記接左中記盤生意黎做, 好多伙記都鐘意同公司倒米, 我吾係話九記無, 但新記伙記恨到間公司世仇咁, 如果我做新記車長, 明知 d 人吾行入中門後都有得佢, 企過黃線咪站站飛, 公司點對伙記, 伙記就點對客.

話九記私下 Cut 車, 新城無咩, 只係無人講, 有條線話 7 分班但實情開 15, 投訴到運輸署咪又係咁照 15 又如何.  98 朝早比人攞左幾多車走大家心照, 話 4-6 分班但最少 10 分, 識人真係試過係東村等到火都黎, 等左十幾分有車黎啦, 不過黎架 B6 仲要頂閘飛站, 下一班又係吾知等幾耐, 佢去投訴話吾跟時間表開 4-6 分同吾好再落單層比 98, 結果係之後一排 98 仍然行 B6, 班次到怡家朝早繁時仍然過 10 分 (朋友要搭 98 因為轉乘 973).

睇埋 d 車狀態, 新城又殘又無力又大煙又周街壞車維修差劣, 九記呢?  咁耐以黎, 新記 12 架歐二 VA 無力到出哂名, 但又吾見有人話新記維修差, 然後再繼續數九記維修點差.

要收邊間公司專營權可以有排講, 但要排, 真係第一間要收九記?  比我就收新創健.

[ 本帖最後由 tridents 於 2009-10-1 20:46 編輯 ]

原帖由 petcity 於 1/10/2009 20:36 發表


你每次有人插九巴，你都咁講，立場冇話唔俾講
但你咁大個人，都知立場唔係講左就算，你自己
應該知道究竟實際做時要點，可唔可行，但你只
講交專營權，又冇話唔係一刀切

以你學識，唔會係街邊d普通師奶阿叔，識講唔識做
講係易架(或 ...

講真，又唔係建議板，我亦都無時間一次過打哂
咁多建議出來。

辦法其實好簡單，好似我前排喺某葵涌邨文章咁講，
最低限度，將服務唔好嘅線同埋某 D 同區比較
賺到錢嘅線收歸一個小組收回專營權競投，
等九巴知道佢唔可以太過份先。

即係話，我所講嘅交專營權，主要係呢 D 有需求
但做得唔好嘅線，而唔係一刀切要成個專營權要交出來。

原帖由 petcity 於 1/10/2009 20:52 發表


不如咁講，究竟政府政策又點令到巴士公司做唔到野？
陳生個d甚至冠忠早前話唔做，佢地玩口術，真係唔做
政府一定唔好過，你估佢真係想唔做？又不如睇下佢咩
時候講個d說話？而家冇人敢講，結果咪繼續陰乾你囉

或者，香港每間公司一 ...

特別例子，即係力所不及。

無公司係完美，只不過大家想諗個辦法，
令所有應該有嘅服務去得番一個合理水平。
我諗而家九巴維持唔到一 D 線嘅合理服務呢一點，
你都唔會反對啩。

衰 D 講句，33A / 40 唔通真係放俾人做就識飛咩，
只係想俾人地去維持番一個合理服務之嘛。
哪怕兩條線真係減到 15~20 分鐘一班，第一件事，
集中資源，提供準時服務先啦唔該。