國慶日TA一宗: 唔通的士真係大晒?!

原帖由 64xxx 於 2009-10-12 00:39 發表
有無支持的士狗嘅聲音?

咪鬼引我爆粗呀
如果唔係我會好似龍車長咁，霸搭的士。

原帖由 nickk 於 2009-10-9 21:53 發表
[joke]你應該撞埋去丫嘛....[/joke]

呢D的士狗年中真係遇唔少,試過響加拿芬道我行緊快線,架的士無端端比行油閘埋黎,跟住就落brake上客,我dup到隻蟹咁,
我同個跟車谷鬼氣即刻落車拍佢頭冚,XxY佢啦,條狗即刻lock ...

哈   如果我唔係我間公司既無理制度同調查incident既手法，可能真係會咁做來為社會除害 :lol 講笑

我post果張相個師兄就值得一讚 挺身而出剷除的士狗，保障市民性命，好可惜任務失敗~~~  相中既位，我都畀幾架車閘過，有兩次係的士狗，有次條狗仲要我horn完佢之後，佢收一收油，見我慢左車佢就搵命博，再畀行油過，我再horn，接著就收到敬禮------中指，我都有回禮。果度係唔畀路面車右轉，因為路面車直行同輕鐵係同時放燈，路面車右轉會同輕鐵撞，但d車一於好少理，結果都係累死自己，有如螗臂擋車。

原帖由 無名 於 2009-10-8 04:41 PM 發表


我又覺得輸唔晒喎！
幾年前我坐小巴都遇過類似情況，
架小巴小路出大路唔讓的士，
結果俾的士撞到，差人黎到我都同差人講係架小巴唔讓的士所以先俾人撞，
個差人即刻同我講：「但係佢出左路口啦喎，冇理由的士咁都照撞埋去，除非係 ...

單看相片﹐的士真係有問題的。

的士駛出的路口﹐地面有「讓」標記﹐即是要在安全情況下才可駛出路口。雖可以不停定部車﹐但必須減慢車速準備隨時停車。

但係警察到場後﹐90%係會叫大家私下和解﹐警方唔理責任問題。講唔掂數﹐便按警察到場的劃位圖﹐大家口供﹐證人口供﹐交上法庭處理﹐由法庭判。由於上法庭時間太耐太煩﹐多數賠償金錢少的都會和解算數。

的士有沒有錯﹐都有其他客觀野去看的。例如的士一早已經在安全情況下出路口﹐但又因某種原因要慢車停車(如有人衝出馬路)﹐學神反應唔切而撞車﹐這便會是學神及師夫問題了。



ps. 發生交通意外如同九巴有關﹐九巴一定會call 警察的﹐不過最後原來都可以用和解方式處理的。即警方可以只是同一般交外和解角色一樣﹐做一個見證人。

有D的士狗係靠撞車屈錢呃飯食架...

我識一個師兄就試過比的士狗屈咗500大洋...

原帖由 kei_hk 於 2009-10-12 12:25 發表


ps. 發生交通意外如同九巴有關﹐九巴一定會call 警察的﹐不過最後原來都可以用和解方式處理的。即警方可以只是同一般交外和解角色一樣﹐做一個見證人。

又唔一定wo, 好幾年前, 家母同部龍運hi埋一齊, 都係簽晒和解協議就算數, 車都唔駛過...

原帖由 hkbw 於 2009-10-12 04:36 PM 發表


又唔一定wo, 好幾年前, 家母同部龍運hi埋一齊, 都係簽晒和解協議就算數, 車都唔駛過...

如果真係好輕微﹐司機又負責的起 (例如只是極少花車身)﹐當然快快處理完算啦。

隨時唔講無人知﹐只要無人發現便不用扣安全獎﹐你會點處理?


我試過坐部AL ﹐在一個十字路口撞到一部橫過對面的紅VAN﹐巴士撞花車身及甩水撥﹐甩左鏡﹐水撥位爆口。小巴車尾bumper 撞甩﹐無人受傷。

2位警察到場﹐一個指揮交通及協助乘客過車﹐另一個取2位司機車牌身份証﹐並且劃位。
劃位及2位司機簽名confirm後﹐巴士公司的稽查提意2位司機和解。初時﹐小巴佬死都唔肯和解﹐要巴士司機賠錢。

於是﹐2位警察便分別向2位司機及2車上面的人落口供(巴士乘客早已請到幾位做證人﹐無過車)。最後﹐警察再問多一次肯唔和解﹐小巴佬想了一陣﹐行左個圈便肯和解﹐並且問個稽查太約要賠幾多錢比巴士公司。

個稽查即時答到水撥﹐倒後鏡幾錢﹐但車身組件爆口﹐要回廠比師傅睇﹐講了一個大約價後﹐便齊齊去九巴直角廠(途徑銀行提款)﹐巴士司機自己開番廠﹐稽查上小巴帶路。


當時﹐警察都以為九巴是不可和解﹐一定要上法庭處理。


ps. 小巴佬最後肯和解﹐原因是他駛出的路口﹐是有一個八角形的路牌。一旦上法庭﹐9成9會輸的。

上次我比人撞佢都唔肯和解, 最後都係要賠錢比公司...

原帖由 64xxx 於 2009-10-12 17:24 發表
上次我比人撞佢都唔肯和解, 最後都係要賠錢比公司...

俾人撞係咪都會無左安全金？

原帖由 HL9321 於 2009-10-12 19:52 發表

係的,所以畀人撞果個都唔係話無損失的

無啦啦唔見咗$531.8...