十個經典香港巴士車型(個人選,上)

原帖由 DW8306 於 2009-10-2 16:41 發表
心中十大
1.利蘭勝利二型(反車事故多,深受市民認識)/丹尼士喝采
(外型,性能兩者相近,容易與雞混淆,首兩款全數車輛風油軚作標準裝備巴士)
3.AEC麗晶五型,丹拿D,E,F,佳牌亞拉伯五型(性能可靠,長期承受極高負載,服役時 ...

頭八個都完全認同(排名不分先後)
不過個人覺得亞比安同薛頓應該都入圍.70年代除左丹拿字母家族外,真係周街都係佢兩個.
尤其火箭呢d車真係係香港人果個年代都識(小弟係80年代人.純係中肯意見)
另外亦唔明點解佳牌唔夠neoplan鬥....呢個我睇樓主要解釋下

另有個愚問.80-90年代的olympian/dragon/metrobus其實用的引擎波箱配答同級對同級可以話係一樣
但點解怕山性能可以有不小的分別. 謝謝

[ 本帖最後由 cn2661_2d32 於 2009-10-2 16:51 編輯 ]

原帖由 cn2661_2d32 於 2009-10-2 16:47 發表
另有個愚問.80-90年代的olympian/dragon/metrobus其實用的引擎波箱配答同級對同級可以話係一樣
8 l3 f9 G% Y! d) L6 I6 A& G巴士,鐵路,生活但點解怕山性能可以有不小的分別. 謝謝
) ?4 g  V! ~" U6 u, m" r巴士,鐵路,生活

仲有尾牙呢.....

原帖由 bulgy 於 2009-10-2 00:00 發表

歐三算靜架喇

原帖由 cn2661_2d32 於 2009-10-2 07:26 發表
唔係好明點解neoplan會入圍= =

我都唔認同Neoplan入圍

我覺得入圍o既車款:
(1) 紅蕃頭 - 由短到長...由單層到雙層...曾經佔領全港島
(2) 長牛 - 九龍半島o既大哥大
(3) 珍寶 - 後置引擎巴士o既先鋒
(4) 勝利二型 - 唔識巴士o既人都識佢個大名...翻車翻到出哂名
(5) 12m Metrobus - 第一款到港o既三軸巴士
(6) 亞比安 - 好多唔識巴士o既人都會記得上大帽山坐過佢

大家仲有無其他提議??

小弟0既10大Classic經典巴士車型

(1)Daimler CVG5/6 系列
全港第一款晌香港行0既雙層巴士...而同時係行得最耐0既車款(1949-1991)

(2)佳牌亞拉伯4/5型[單/雙層同論]
另一個香港巴士0既記錄:成功改裝單層巴做雙層巴0既紀錄...
(可惜,跑馬地大車禍將佢0既光輝歲月抹煞,
換上「古老、危險、撞死人」0既不良印象)

(3)EVK55CL/CY+Duple車身(九巴CA[內部車隊編號]/中巴AM1)
嘩,如果唔係有巴士公司Logo晌度...各位都仲以為佢只係英式旅遊巴
(不過佢亦都係豪華巴的始祖...)
唔知某會留底0個部仲整唔整得好...

(4)Fleetline DMS(九巴2D/中巴XF/城巴Dxx/雅高...等等)
論到Classic非倫敦小寶寶莫屬啦!
中巴0個批XF,206部--部部雖然改0左d窗...不過倫敦寶寶0既原裝性全部保留
[當然,閘機係例外...變成各位0既導航位...]
九巴2D自己當年未坐過...評語從缺...
城巴第一段擴張期期間入手0既30部前鐵巴(地鐵!),成為1990年以前城巴0既主要車種
[當然利蘭冷氣巴--稍後再講]
而其他旅遊車公司(雅高)都用佢...你話DMS 0既吸引力有幾好,廣告都講唔到...
[下句:唔親身坐過,又點知佢係寶呢?]

(5)利蘭勝利二型(九巴:G/中巴: LV/嶼巴: LD)
八、九十年代最具代表性0既香港巴士車款...
不過,前引擎設計就唔係人人都識欣賞[好嘈0既引擎呀~]
仲有,翻車意外、削0左成個上層車身等等0既故事...
愛上佢抑或恨死佢,各位心中有數...
(事實上LV爬山0既表現絕對靠得住...9號、14號唔用佢...唔通用S(短版亞拉伯)咩?!)

(6)利蘭/富豪奧林比安(冷熱同論,唔好拗咁多啦--仲有型號都記錯0左...先謝樓下0既指導)
小弟對九巴0既熱狗版12米奧林比安印象深刻
(3對門咁多?!特大Size0既水塘...真係成個人瞓晌度都得...)
另外,冷氣版0既11米亦都係小弟0既推介[因為第一款冷氣巴就係佢...]
不過,利蘭被富豪收購之後...奧林比安系列通街都係...
(由城巴0既105...到九巴0既AV系...)
實話,各大巴士公司成也奧林比安,敗都係敗晌奧林比安身上...

(7)MCW Metrobus (Mk I, Mk II同論)
講到佢...最經典0既係全球獨有0既Metrobus版本:兩軸11.3米(中巴MB)...
[自此之後,運輸署嚇怕,巴士一過16噸就要3軸處理...變成九巴0既S3M0既模樣]
另外,二手鐵巴0既140-159[即係Mk I雙門版]同佢地0既細佬(Mk II,101-139)
晌大西北輕鐵部立下0既功勞、
中巴ML(12米=Super Metrobus)前後水塘設計加埋上層前幅全幅車窗(Mk II)、
鐵巴140-159/中巴MC 0既下層前幅高低檔...
同同期0既巴士車身比,MCW可以話比當日0既亞記車身更襟睇...

(8)MAN 18.260(城巴15xx/嶼巴MN/愉巴)
德國車在香港,唔係部部都可以學呢款單層MAN咁...
好睇又好坐[前軸上面0個4個獨行俠專用位嘛....]
而且單層車身的輕盈,上山下海跑公路都不成問題...
(可惜:運輸署對用單層巴增加班次呢樣0野唔係咁清楚...
結果,MAN單層巴只可以應付「Dart唔夠坐,短躉又嫌大架」0既路線上面...
天大0既浪費....)

(9)丹尼士 三叉戟Trident(2、3、E500又係同論)
之前珍寶(包括倫敦寶)對低地台0既要求...終於實現...
亦都係因為比珍寶更低0既超低地台(SLF,Super Low Floor)
坐輪椅0既朋友終於等到「望得又上得」0既巴士車種
(當然,第一款歡迎輪椅0既巴士係丹尼士 Dart...九巴AA43-60 0個批)
而從ALX 500、DM 5000車身開始...三叉戟晌10年之間成為各位常見0既車種...
不過,DM車身廠同ALX合併等等事件之後...三叉戟都只有一款E500車身晌香港出現...
[小弟都妄想緊...裝個肥仔Wright車身(又稱大肚婆車身-下層頭幅似媽媽肚入面0既BB...故名)上去...
不過,E500車身始終不及ALX 500同DM 5000車身0既襟睇...

(10)[專登留到最後先講]Neoplan Centroliner(小弟0既渾號:傳說巨神...[汗])
2003年7月10日大欖0既AP69車禍...令各位見識到Neoplan Centroliner有幾紥實...
[只係上層前幅跌爛0左...(當然,成架巴士都跌到修復不能啦...)]
而且,機件配搭0既問題,令到各位香港人對佢又愛又恨...
愛上佢0既上層前幅特大開揚玻璃窗,恨死佢0既引擎幾百米之外都噪得到各位耳根0既威力...
不過,對德國巴士0黎講,Neoplan 0既嘗試雖然好似失敗0左...
但係簡接地造就MAN 24.350/24.310 0既出現同成功...
始終香港地方氣候、地理唔似德國,Centroliner出現只係繼Benz O-305之後
一個唔係想像中咁成功(但係又係本港巴士之中0既經典一員0者)

PS 「傳說巨神」指0既係「傳說巨神Ideon」...
主角晌另一個地球坐上「傳說巨神Ideon」:一個謎一樣0既巨大戰鬥機械...
結局就係:敵我不分,同歸於盡...又去某新生0既地球,再由阿米巴開始...
(同AP69 0既場面有幾分似...索性當係「巨神」咁叫(同時又係指佢前幅0既大玻璃車窗...)

[ 本帖最後由 LNChickenRice 於 2009-10-4 19:45 編輯 ]

我嘅個人十大就係呢D(不分先後):
1. 丹尼士喝采型(都普)
2. 勝利二型
3. 丹拿系列巴士(包埋珍寶,A-F型)
4. 佳牌亞拉伯五型
5. 丹尼士統治者/Dragon/Condor
6. 都城嘉慕系列
7. 利蘭Atlantean
8. 丹尼士Lance
9. 丹尼士Falcon
10. 丹尼士Trident

原帖由 LNChickenRice 於 2009-10-2 22:37 發表
...
(6)利蘭/富豪奧林比安B10T(冷熱同論,唔好拗咁多啦)
...

富豪 B10T 係 B10M 既三軸版，並唔係富豪 Olympian

我揀雞車,鴨車,珍寶巴士,平治巴士,都城嘉慕巴士!