【怒】明白你地感覺很累，但難度我不感覺到迫嗎!!

原帖由 drew 於 3/10/2009 18:32 發表
其實東鐵線列車（尤其是千九）一向沒有標示這些座位可以坐多少人，
亦不像市區線列車有凹凸位和扶手柱分隔座椅。
假設相中有乘客是遊客，他們也未必清楚這些座位通常只坐四人，
因此我認為錯不在他們。

再者，香港有ｄ交通工具的 ...

如果我冇記錯的話
5 人的士係前座 2 人後座 3 人

原帖由 天空之神 於 2009-10-3 22:32 發表


如果我冇記錯的話
5 人的士係前座 2 人後座 3 人

因為是前後坐都是各3條安全帶的

[ 本帖最後由 DM9172 於 2009-10-3 22:39 編輯 ]

如果我係那位男乘客，見到咁的情況我都係會起身，係gentleman也好，係君子不立危牆下也好，
同自己講句「為何一定要非坐不可呢？坐少一次會死人嗎？」～

通常呢啲情況，我都係會離座行開就算，你自己鬼打鬼唔關我事。

我唔記得之前有冇講過......
某次搭東鐵南行，有兩母女（Ａ）分別坐在兩張對向的四人椅上，椅上有少量其他乘客。
然後，有一家大小（Ｂ）上車，有老人家亦有手抱嬰兒的媽媽，大部分人都有位坐，
但這一家人的某些成員（都係老人家）將個細路女迫埋一邊。
個細路女自己想讓座，但此時佢阿媽就叫佢唔好讓，兩家人因此開始口角。
Ｂ家的祖母就好似一般老人家咁呻出一句話做咩唔畀人坐，話Ｂ家個細路女乖，跟住Ａ媽就開始爆發喇，
魚蝦蟹橫飛，臨落車重大大聲同個老人家講「小心收尾嗰幾年！」，全卡人為之側目。
Ｂ家人有回嘴，只係Ａ媽冒犯到祖母時才出聲，但冇用粗口。

列車上的座位係咪一定先到先得呢？
如果為了所謂先到先得的原則，而使有需要的乘客冇得坐，香港人的價值又去了哪裡？
唔通想大陸那種老翁冇位坐搞到病發身亡的事在香港發生？

樓主幅相中，我認為兩位女乘客一袋二袋，那位男乘客應該讓坐；但#7中則應該係後來的乘客不要強行坐下。
刻薄點講句，通常遊客去到外地，塊面皮都會厚過沙紙，我自己都係，只係大家厚面皮的地方不同。

睇咗咁多篇文

相片中, 我覺得PSP男子沒有理由讓坐予 "疑似自由行女子(從行為,頭骨輪廓,面容上, 其實我都可以99%肯定)"

理由如下:
1. 如果要讓坐, 應該讓給老人家/孕婦 (雖然相片中未能顯示老人家/孕婦)
2. 如果要讓坐, 應先得到座上的人同意才坐下, 卻不是先 "霸王硬上弓" 導致出現三人同坐的情況

不過, 如果那名PSP男子都是自由行 (疑似安踏/特步休閒鞋, 如有得罪請見諒)
樓主又會唔會咁憤?

[ 本帖最後由 barking 於 2009-10-4 01:20 編輯 ]

原帖由 timmylee 於 2009-10-3 17:37 發表
相比起下圖，其實樓主果個情況唔算嚴重....
果位女士雖然冇出聲，但已經黑晒面，"chit chit"聲.

呢個會唔會過份左d呀
左二條友仲要打開對腳坐
難為人地縮埋坐得半個位

原帖由 DIH 於 2009-10-4 00:47 發表
刻薄點講句，通常遊客去到外地，塊面皮都會厚過沙紙，我自己都係，只係大家厚面皮的地方不同。

不過我又唔係喎~
一句記之：不要給别人添麻煩

原帖由 DM9172 於 2009-10-3 22:37 發表

因為是前後坐都是各3條安全帶的

不過通常五個人一齊坐的士，
都係前一後四咁坐

講返千九，我都幾憎佢唔劃位
四人位都成日坐三個人，五人位就坐得四個
相反，我亦試過四人位有第五個人想坐埋來
因為同行幾個人都唔係好大份，空左 1/2 個位出來，但都唔夠果個中等身型男人坐
我就話呢度係四人座位，咁佢就走左

都係覺得地鐵果種劃位方法最好

其實各有各好啦
地鐵畫晒d 凹位出黎,
雖然可以減少上述情況出現,
但係其實一樣會有問題

相信大家都試過坐係癡肥/
掰大隻腳的男人/ 蹺住隻腳的女人側邊
係咁樣的情況下, 隔離個人同樓主講的男人一樣慘
有時仲有遊客唔跟凹位坐, 係要坐突出黎果度......

對於點坐, 都好難定到明確規則
只要使用時唔好阻礙到其他乘客正常使用
同唔會影響他人舒適方便就好喇

就好似有d 人做 " 柱男/女" ( 由頭到腳挨係條柱度),
而妨礙到他人使用該條柱,
就一定要出聲喇

比較想知既係，假如每個位都有細細支扶手棒(唔識講，類似巴士危險位特登裝個種)
會唔會更加明顯去劃分出幾人坐位

當然又會衍生出爭扶手"long"手既問題

我只怕有D肥人會因此而坐唔落張椅