[明報] 理大學者研究：高鐵客量可達20萬

原帖由 238X 於 2009-11-3 23:27 發表


呢個似乎無乜可能... 深圳選擇比香港多好多就有可能，
而且有機會好多香港車都要停新深圳，因為廈深客專只到新深圳。

一日未編班次一日都未知係點... 廈深果邊一定唔可以到港嗎?
雖則係高鐵, 仍可以分站站停同直達, 著緊時間既, 連呢d都會睇埋.
仲有係出入境方面, 响西九攪點都好過經羅湖/落馬洲掛...

原帖由 Eddie 於 2009-11-3 23:29 發表
咁以現時羅湖每日都只係廿幾萬人次
好大部分新界居民都唔會轉用高鐵下
點計出高鐵可達20萬?

第一, 係講緊10年後, 試問只用現在羅湖人數反駁, 又是否合理?

第二, 本身高鐵亦針對現時用緊機場的內陸機乘客, 唔單只
現時陸路旅客...

第三, 估計人數係包括內地人及外國人, 唔係只係香港人/
新界居民....

雖然我既立場極力贊成起高鐵, 但一日20萬既客量, 確實好成疑
羅湖口岸貴為全國什至全世界最繁忙既陸路口岸
東鐵線羅湖班次頻密, 一抽12節通勤列車, 多數都有唔錯什至係擠迫既客量
但而家先講緊一日20幾萬人

高鐵如果一日20萬人流, 就算全滿既16節CRH2都有163班
而且唔會全部係16節車
有D 8節, 有D 16節, 起碼都要200幾班車全滿
政府自己都只係預每日有114對廣東車同24對外省車, 已經算好密下
但都要差唔多坐滿晒先做到20萬客量
我真係唔多信可以做到囉

該位學者只係講自己做左研究, 又唔講點估計出來, 我真係好難信佢喎

[ 本帖最後由 HV7025 於 2009-11-6 00:12 編輯 ]

只著眼本地需求根本係錯既, 若果以咁既理由去反對/懷疑高鐵港段, 十幾年前亦好去反對/懷疑新機場, 因為香港得六百零萬人, 起個可以成為東南亞航運中心咁大規模同巴閉既機場黎俾咁"少"人用為乜.....

原帖由 HV7025 於 2009-11-5 22:21 發表
雖然我既立場極力贊成起高鐵, 但一日20萬既運力, 確實好成疑

陳文鴻說的是需求, 而不是現方案的處理能力,
也因為如此, 所以他才說「更可能不止需要一條高鐵」.

赤立角機場開幕十一年而已, 已經需要考慮加多一條跑道.
高鐵落成之日, 可能就是開始建設第二條高鐵的時候了.

原帖由 HV7025 於 2009-11-5 22:21 發表
雖然我既立場極力贊成起高鐵, 但一日20萬既運力, 確實好成疑
羅湖口岸貴為全國什至全世界最繁忙既陸路口岸
東鐵線羅湖班次頻密, 一抽12節通勤列車, 多數都有唔錯什至係擠迫既客量
但而家先講緊一日20幾萬人

高鐵如 ...

其實唔係話一定要信那學者, 不過以上3 點, 係想講返, 如果反駁, 都可以考慮返的問題,
如年分問題, 10年後同現在有咩分別呢?, 如乘客問題, 是否只是香港人呢? 如果單用
羅湖比, 直言我唔認為是合適, 即要反駁, 其實要更多論點/論據......

當然, 如果那學者都只是用上海比, 同樣有問題, 但詳細研究, 大家都未睇到..
而現時去睇, 其實那學者的數字, 我都有d 質疑, 如10年時間是否真係可以溶合
得咁快, 甚至需要多於一條高鐵?

其實現在大家都係估, 無人知到時實際會點, 如無人會最初估到新機場咁快要傾第三條跑道,
1年前無人會知西鐵都有機會頂閘, 又如無人估到disneyland 會輸比ocean park, 大家都有
機會錯, 問題差在是大家(包括學者)的論點夠唔夠support/多唔多問題....

[ 本帖最後由 3ASV196 於 2009-11-5 23:47 編輯 ]

原帖由 lzengalau 於 2009-11-5 23:31 發表
只著眼本地需求根本係錯既, 若果以咁既理由去反對/懷疑高鐵港段, 十幾年前亦好去反對/懷疑新機場, 因為香港得六百零萬人, 起個可以成為東南亞航運中心咁大規模同巴閉既機場黎俾咁"少"人用為乜..... ...

雖然我無講, 我一直都覺得高鐵唔只做香港人市場喎
就算而家羅湖皇崗一樣有大量大陸旅客, 台商, 老外等等

即使我都認為十年後香港同內地之間既人流量會急升
即使我都認同會有大量飛機客轉乘高鐵
但要港段高鐵一日坐滿200幾班車, 呢個數字始終係一D都唔細
我個人始終係對此有懷疑

原帖由 HV7025 於 2009-11-5 23:53 發表
但要港段高鐵一日坐滿200幾班車, 呢個數字始終係一D都唔細
我個人始終係對此有懷疑

相對於港鐵日載的3,600,000人次,
或每日陸路過境的450,000人次,
十年後的200,000不見得特別跨張吧.