點解當年761唔改總站,而要改名????

其實加多個P 只不過係想人知P線係同原來條線係唔同

好似761P咁, 都係強調番係只係去到天逸
想去天逸就要轉車或者等下一班車
自此, 市民就知道搭761P要轉車,
到取消之後, 市民都會因為搭761P而要轉車

其實. 有幾多市民會理佢係ABCDEFG?
跟本知道佢去邊就得

原帖由 wilsonli321 於 2009-11-5 22:43 發表
可是761P,已經失去「主人」,又何來「輔助」? 而家連非繁時30分鐘一班的天榮特車都唔會用761啦....

試想想,到左今時今日2009年,如果有個陌生乘客問起761P,為何要有P,如果你對他說是要區別2006年前的761
試問這條2006年前的761,還會對2009年的人有何意義? 這是何等怪異的理由

如果天榮特車用番761，就一定有人以為761翻生。。
要知道延長一條線之後再縮短，係比縮短一條線之後再延長o黎得困難
所以761P天榮特車都係加塊牌就算
如果用番 761P天榮特車－＞轉用761編號，分分鐘又會比到籍口人圍插港鐵，點解成30分鐘先得一架761云云。。

不過點解你會覺得係2009年區別2006年既761係無意義呢？
如果咁講，歷史都無乜意義。。歷史就係可以比人區別過去與現在
就當一個生客幾年無去過天水圍搭761/P，今年再搭761P, 呢個P字就有效話比人知呢條係咩線
你既例子
「正如一個人打尖的確唔會有咩影響,但係當打尖被視為沒有問題,那就會引起無輸後患」
排隊打尖會損害某一部份人既利益，當然有問題
　但係761P唔改編號，其實會影響邊個？
　反而好似我個生客例子，如果改咗編號，對生客可能真係有影響就真.

就你#13既例子，屯門巴士線58/59/67，三個系到都分得好清楚係X線去旺角，M線去荃灣/葵芳
好似你咁改當然有問題。
　761/P既問題，問題程度明顯係輕微得多，巴士如果分編號唔清楚，乘客上錯車就無得番轉頭(去其他目的地要再比＄)。
但係輕鐵系統就仲有得選擇，乘客仍然有得選擇唔係話輕鐵可以亂編編號，不過既然係明知乘客就算上錯車都仲可以揀，
輕鐵就可以順勢就一就乘客(包括我講既生客)，去免除改編號帶來既麻煩
(例如免除某些人對路線編號無所適從，甚至免除改編號導致被人投於上報紙等既例子。。　)

當年天水圍北既A73同K73都經常被混淆....

幸好最後K73大受歡迎，都唔係幾多人會分唔清喇....起碼見到多人上既係K73去元朗，如果企o係站度冇乜人上，o個架實係A73，想去元朗但會走去屯門，千祈唔好上..但開頭實有好多呢D因為「73」而上錯車既乘客.




至於點解會兩線同在就只好怪區議員，原本plan住出左K73就唔會有A73...(因為取消所有輔助巴士)

[ 本帖最後由 lsc04d11 於 2009-11-7 11:24 編輯 ]

其實我真係唔明你想點.....

人地條線好好地係叫761P咪761P lor
你仲咩係要人地刪走個P字呢= =

又話咩影響乘客對交通認識的腦力成本
又話會掌握路線的記憶成本
仲可以講到宏觀地去睇會影響整個交通系統編號


呢個P字，你講啦，係唔係真係咁有問題先？

而且我都唔見得係761/P身上睇到105/905咁既問題



「當然,一個編號亂了,未必會引起嚴重影響
可是隨時間發展,如果每次交通路線發展都沒有及時修正,那問題就會像滾雪球般愈來愈大」
版友，你覺唔覺自己將個問題越講越嚴重。。
如果可以，請你講講點解「如果每次交通路線發展都沒有及時修正,那問題就會像滾雪球般愈來愈大」

以下兩組數字
3518675
102112118
要記憶起來,是否第一組較短就比教易記入腦?
答案是不一定的
第二組數,有些人看起來就會聯想起102+112+118 3條過海線,
靠著這個方法記憶,下次想起來,可能更易比第一組數字易記

你都識講答案係不一定啦，你係鐵路迷／巴士迷就梗係話第二組數字容易記
普通人就未必啦。。

而761P你仲見到761，你估計到呢條係咩線
咁邊會影響乘客對交通認識的腦力成本／掌握路線的記憶成本

D人既記憶成本都用o黎計其他o野啦...
邊會好似你咁去記住點解761P會有P字
「莫說外區生客,就是天水圍區內新一代都會對這個P字感到怪亂」
新一代咪更加整係知邊條線o岩就上lor, 邊得閒對這個P字感到怪亂
正如觀塘線，荃灣線，知道係綠色線紅色線就OK啦
只不過輕鐵被迫要記埋編號，所以我真睇唔到761P個P字對任何人會有影響 [ 除o左你之外 ]

我經常見到D人係上左輕鐵，先問人架輕鐵去邊，所以係乜路線Number根本就不重要