點解當年761唔改總站,而要改名????

原帖由 wilsonli321 於 2009-11-7 13:40 發表
對於每天通勤會搭761P既人,的確未必有想像力可以理解受影響的人
對於一些生客或者半熟客,看見761P,心中或會產生以下疑問:
「呢條線係咪非繁忙時間冇車架? 下次搭都唔知點就佢時間添...」
「係咪仲有條761架,點解搵極路線圖都冇既?」

真係忍唔住要出聲話你,
如 ASV50 所講, 究竟你想點?
係咪761P一日有個P字係度, 你就搭唔落761P?

大佬, 香港有幾多普通市民真係真真正正完全明白 P/M/K/S 有咩特別意思?
知道的, 一係巴士迷, 一係行內人士, 一係就聽行內人士講.

呢D字母, 根本就唔係比你普通市民睇.
而且, 多年演變, 大把M車已經唔再去地鐵站, 大把K車唔去火車站, 大把P車唔係兩味.

巴士公司無鼓勵市民去了解呢D字母的意義.
巴士公司, 以至輕鐵, 所鼓勵的, 都是市民出行前,
預先上佢地公司的網頁計劃行程及記下所需的巴士線/輕鐵線號碼.



生客? 理得佢叫咩編號, 話之佢叫88888號, 總之去到目的地就係.
同樣道理, 由元朗去天水圍, 761P就是了, 無其他輕鐵路線.
761P服務時間? 月台, 網頁都有得睇, 一睇, 自然會清楚晒.
有冇761線? 月台, 網頁及車廂裡都有路線圖, 一睇, 自然明白根本無761的存在.
而且, 生客可以預先上港鐵網頁查清楚, 資料一目了然, 你的憂慮根本就是多餘.

熟客? 唔代表佢知道P字的真正意思.
大把761P常客都未必知個P字點解.
唔知道個P字的意思係咪代表搭唔到車? 唔係囉.

所以, 我都唔知你咁執著做咩?
熟客, 已經習慣左761P呢個編號,
而區外生客, 一向都唔識761P架喇 (當佢地要搭到761P, 佢地自然會預先查清楚路線編號)
既然係咁, 做咩無啦啦要改返佢做761呢?
你咪即係搵野黎煩, 搵著班761P搭客黎搞, 一D建設性都無.

原帖由 F327 於 2009-11-7 13:59 發表
我經常見到D人係上左輕鐵，先問人架輕鐵去邊，所以係乜路線Number根本就不重要

我之前都有話輕鐵同香港大部份鐵路都一樣
搭錯o左都可以轉車
唔同巴士，搭錯要另外再比＄＄，所以相對輕鐵既號碼重要性係比較低
　不過wilson版友話巴士同輕鐵既道理係一樣

你就唔可以講話乜路線Number根本就不重要既
因為的確我地係可以根據路線號碼有效地乘車
不過我想強調761P呢個例子，無啦啦走去拗761P一定要刪走P字
其實呢種做法係幾無謂






路線號碼最重要係乜？
就係話比人知呢條路線既行走路線係點，761P由頭到尾都係行同一條路線，無改動
因此係絕對有效話比輕鐵乘客知條線係點既定線。。
　為了761取消, P線就應該補上補回原有號碼，其實是有問題。。
　最大問題就是要乘客重新適應，豈不是違反該版友所提及的
　「影響乘客對交通認識的腦力成本 及 掌握路線的記憶成本」

如果要刪除P字，761取消時，761P就已經用上761號碼啦
而其中一個不再用761的原因，就是要告訴乘客這是761P而非761，定線是不同的
萬一當年761P用上761，一定有大量乘客不清楚，以為新761仍然會途徑天恆--天榮
到時乘客才發現與原先想像不同，又會指鐵路公司沒有清楚交代等等。。

wilsonli321版友，我只能說你的想像與現實有一段距離
你很理想地說會影響路線編號系統，但你認為路線編號系統重要，還是比＄乘搭既乘客比較重要呢？
　　如果你還是認為路線編號系統比較重要。。那就算吧
　　你去信港鐵要求刪減761P的P字，然後再說你的理論。。我也想知港鐵會怎樣應付你

其實輕鐵當初都有諗住刪個P
只係區內人/議員反對,話怕D人搭開會混淆
所以最後先無改

跟本就唔使嘈
路線號入面個英文字意義係人定既
正如A73,有A字係頭唔等於去機場
761P有P字唔等於有正線761
而且唔同路線號都只係用黎區別路線
有冇必要仲要為一個P字嘈咁耐?

回 wilsonli321:
"完全唔認同
雖然未必100%市民知道P/M/K/S的意思
但相信也有極多非交通迷,非行內人士知道P/M/K/S的意思
什至內地城市考察香港後都有參考類似做法"

咁又點呢?唔通佢用P就一定耍有正線先用得?
咁A73呢?唔通一定要去機場先用得?

"這就是如我所說,隨時間發展下去
每一次不修正意義,就會愈來愈亂"

我地亂唔緊要,因為我地自己查坐咩線就OK
唔通佢一亂,我地車都唔識上?

"我#19一早講過,要深入查詢,答案一定可以到手
可是中間所使用的心機成本就會較多
而且,套用ASV50的說法,我只能說你的想像與現實有一段距離
普通乘客日常生活中,搭車只是生活範疇下的一件小事
每每查網頁,查足路線圖出門的人,不會太多
靠編號,對於一個活在香港20-30年的人猜會其路線是常見做法
例如,一個人在旺角想去將軍澳,即使唔係巴士迷般熟悉路線,見到58X都一定唔會花心機睇佢岩唔岩
編號系統可以大大減少搜尋成本"

常見不一定是正確,點解唔去養成一種自行搜尋既風氣?
好多人上錯車都只係識得話人
如果佢自己SEARCH定,唔識答車/上錯車機會可以去到0

"40年前,九巴整理地區編號,如果因此而擱置
相信,今天巴士一定大量流失客源"

何解?請以例子/其他方法論證,因為我完全唔明

續

"如果由坑尾村去友愛,上錯761P,去到屏山先發覺,
如果守法唔逃票,可唔可以唔再俾錢?
咁同巴士又有何分別?
的確,你自己都識講,只係相對性較低,只不過係相對巴士而言,絕對性下,輕鐵編號也是有意義的
那怕是你也默認了"

坐車落元朗轉西鐵不就行了嗎?
雖然耐D同唔合理,不過係一個合法既方法,冇得質疑

"前文有反駁過,隨時間發展下去,一定會是生客比熟客多,
正如都是九巴以前的16是元朗往佐敦,如果今天仍不變,
整個香港新一代都會對交通路線難以掌握
即使那怕是當年熟客,也一樣會對香港整個交通系統感到混亂"

如果佢地成日坐既,就會認得路線號,唔使CHECK)
唔係成日坐既,相對既SEARCH成本就大大降低啦
(相對成日坐,要日日CHECK既成本)

"改編號不是什麼稀奇事,香港歷史上更大規模的改動也試過,
而且改編號也不見得影響比$既乘客
輕鐵作風一向拖泥帶水,作風官僚,
21年來,從不寄予厚望"

改又唔影響,唔改又冇咩影響
(基於成日搭既會記得,唔係成日搭會問人/SEARCH)
改黎做咩?
我諗當年大改動只係為左方便巴士公司編NO.俾新路線用而已

原帖由 wilsonli321 於 2009-11-7 20:25 發表
改編號不是什麼稀奇事,香港歷史上更大規模的改動也試過,
而且改編號也不見得影響比$既乘客

當年大規模改編號同而家761P唔要個P字係兩回事喎
一邊係巴士路線，一邊係輕鐵線，兩者性質根本唔同
就咁比較完全係無意思兼無意義囉...
既然你都識講改唔改編號都唔影響乘客
咁點解要多此一舉？
唔好以為改路線編號真係好似就咁劃走個P字咁簡單喎

我真係唔明白點解閣下係都要話一個"P"字會有咁大影響
你真係太高估一般市民對路線編號既認知
據我所見，大部份人都唔係好注意路線號碼個英文字
你應該聽過有人叫215x做 二一五，278x 做二七八等等
你問下d 普羅大眾
A21 同 E21 個 "A" 同 "E" 有咩分別，我諗都有一部份答你唔到
更何況係 黐後面既 "P", "R", "X" 等等...
如果你話而家有兩條線，761 同 761P，咁就話會混亂者
但個事實係而家得返761P，我就唔明會做成咩混亂囉....
我都認同 同其他既路線編號相比，761P 呢個case係有d 突兀
但講到話好大件事唔改唔得，我個人覺得好誇張囉....

[ 本帖最後由 teddybus 於 2009-11-8 12:43 編輯 ]

原帖由 teddybus 於 2009-11-8 12:42 發表
你應該聽過有人叫215x做 二一五，278x 做二七八等等
你問下d 普羅大眾
A21 同 E21 個 "A" 同 "E" 有咩分別，我諗都有一部份答你唔到
更何況係 黐後面既 "P", "R", "X" 等等...  

樓主認為大部份人甚至所有人都會對路線編號有莫大認識

原帖由 wilsonli321 於 2009-11-6 18:01 發表
你既例子只是陌生客的一少部分,你要明白,時間是會不斷發展,到了2012年....2015年....2022年....
莫說外區生客,就是天水圍區內新一代都會對這個P字感到怪亂

事實是有幾多人會浪費樓主所謂的「記憶成本」去了解路線編號呢?