香港仔隧道巴士站建議

我8月29日某討論嘅文章﹕
向港島北方向嘅交通塞車問題日益嚴重，加上近期又多左間學校，另外南區嘅居民同發展越來越多（包括興建中嘅住宅），而該老舊設計越來越浮現﹗在繁忙時間，要排隊入站嘅巴士長逹10幾架，有時20架，甚至差唔多30架都有，長度去到巴士專線附近。而該站每次入站最多2架車，效率超慢。現在還未到9月，該暫未需應符學生客已經這樣，到放完暑假，相信問題會更嚴重﹗而紅隧車龍都可以影響到香隧，所以出站後每架巴士又要再塞多次﹗而南區居民又再次受到塞車影響﹗

如果計由南區香港仔計去灣仔，原本只要15-20MINS嘅車程，將會延長至40MINS左右，當中大約10MINS都係塞該站。

我嘅建議﹕
1. 將車站位置延長
OR
2. 部份路線唔停站，減少重覆目的巴士停靠（如:90VS97VS70, 72VS92VS96）


今日﹕
今日真係把幾火﹗連車上D人都已經頂巴士唔順﹗
我今日18:35上97（應該原定到着時間為18:25），去到黃竹坑又大吉巴士啦﹗一落橋，已經要排隊﹗心上都係紅隧頂返轉頭先咁﹗但最後先知唔係囉﹗係巴士排隊入站囉﹗
都唔知果個站係唔係必停站？但果個站真係咁重要嗎？
我計個時，由排隊一刻（18:38）到出站（19:04），已經26分鐘，你地可能話我﹕會唔會誇左D呀﹗但事實上的確係[size=150%]26分鐘﹗真係行路仲快過巴士囉﹗住東涌果個都會快過你到灣仔…
但唔係香隧塞，係巴士自己作業﹗眼見快線D私家車、小巴、VAN仔一路好高速飛過，但巴士一路塞塞塞囉﹗
一埋站，無人上車﹗但係前面果架車（72A）都係小貓幾隻﹗真係巴士公司可以為左一個站放棄成個南區市民嘅利益？
我由真光（18:35）去到軒官（19:15），大家可以計下當中有幾個時間係花係「巴士自作業」嘅時間？個比例上真係幾嚇人架﹗
係車上個個都係到「媽媽」聲的﹗D「姨媽姑媽」嘅粗口都出曬﹗真係已經唔少南區人已經…唉﹗巴士公司係唔係應該好好檢討一下呢？
南區交通阻塞好多時唔係隧道塞影響，係根據巴士影響﹗

通常個站一有107,171,170 呢D過海路線,你就預咗有排等。
我覺得建議二可行性很高,始終呢個站好多線都係重"dip"

算 la
好難改 ga la
我每星期五晚下繁都坐 592 出銅鑼灣

我都有個 case:
有日我架 592 排隊在 1825 進站
出站已是 1900
用咗 35 分鐘!!!!
但只是 2 落 4 上

講真，多人的線應踢走不停香隧站，如：
72, 72A, 96, 592 - 應要 72, 592 不停
37A, 75, 90, 97 - 應要 37A, 97 不停
38, 42 - 應要 42 不停

But I don't think the company willt accept this suggestion.Becoz it sill have some people need take off in this bus stop.

果個站真係唔太重要,如果部份路線唔停站,到時有車無得坐又係再嘈過

俾你真係部份路線唔停站一到香隧間封到時巴士頂住快缐,又係度怨人地巴士做乜頂住其他車

衰D講句 還掂個車廠都就快拆 D車又無地方擺,竟然唔想塞米齊齊減下班先

[ 本帖最後由 365。FS2231 於 2009-11-22 00:16 編輯 ]

有時係返南區方向，見對面線既巴士龍真係何其壯觀！個個乘客都幾乎
會向右望睇下發生咩事？！

塞起上黎唔係誇，同樓主見到一樣起碼有25-30架巴士，我諗你想上咩線都盡有其中！
巴士龍長到去黃竹坑天橋落橋位，人都癲 (無論車上定等車既人)

今日我搭遲樓主一班車都預到同一情況
我就等左30分鐘先走到...平時條路唔塞車15~20分鐘就到灣仔
而家竟然用多一倍時間先到...真係火滾

不過如果要踢走某d線都要好有技巧
好似592  雖然銅鑼灣已經有幾條線一樣
不過海怡得佢同M590/590A
如果佢唔停黃竹坑一定俾人嘈(因為後兩者貴)
M590就可以Skip 因為有70
所以最後應該得 72A 97 38 M590 可以不停站
其餘果D唯有繼續慢慢排隊入站
不過可以Skip果d線都唔密車  所以作用都幾有限...

鬼叫要對正站牌才上落客...

其實之前已經提過0架喇 問題係過海線一定要埋
港島線就埋又塞 唔埋又俾人嘈

篩線唔係睇目的地篩 反而係睇發車點篩
不過可惜0既係一用發車點篩就點篩都死...
(篩：客唔多0既線飛得 客多0既線飛唔到
唔篩：維持現狀 ─ 一到晚繁保證大塞)

我之前提過學金鐘花園0個設計 但問題係空間不足
延長巴士站都未必治本 因為只要有兩架或以上隧巴一齊埋站都係死路一條...

其實繁時整香隧特車(踢車去香隧起載)，其他線個時飛得就飛又得唔得?
而長遠而言，另覓地方搞轉車站可能會好d(不過應該等鐵路起好先再算)
之前又話會拉長個巴士站，但近日個度有工程完左，情況依舊
不過早一兩個月朝早搭車經過香隧，發現有人係度做統計.......仲要係幾日(我個時大概差唔多7點入香隧既)